മെഡിക്കൽ ജേണൽ

ഒരു മെഡിക്കൽ ജേണൽ എന്നത് ഫിസിഷ്യൻമാർക്കും മറ്റ് ആരോഗ്യ വിദഗ്ധർക്കും മെഡിക്കൽ വിവരങ്ങൾ കൈമാറുന്ന പിയർ റിവ്യൂഡ് സയന്റിഫിക് ജേണലാണ്. പല മെഡിക്കൽ സ്പെഷ്യാലിറ്റികളുമായി ബന്ധപ്പെട്ട പഠനങ്ങൾ ഉൾക്കൊള്ളുന്ന ജേണലുകളെ ചിലപ്പോൾ ജനറൽ മെഡിക്കൽ ജേണലുകൾ എന്ന് വിളിക്കുന്നു.[1]

ചരിത്രം

[തിരുത്തുക]

ആദ്യത്തെ മെഡിക്കൽ ജേണലുകൾ ജനറൽ മെഡിക്കൽ ജേണലുകളായിരുന്നു. അവ 18-ാം നൂറ്റാണ്ടിന്റെ അവസാനത്തിൽ സ്ഥാപിതമായി. സ്പെഷ്യാലിറ്റി - വിഭാഗങ്ങൾക്ക് വേണ്ടിയുള്ള മെഡിക്കൽ ജേണലുകൾ ആദ്യമായി അവതരിപ്പിച്ചത് ഇരുപതാം നൂറ്റാണ്ടിന്റെ തുടക്കത്തിലാണ്.[2] യുണൈറ്റഡ് കിംഗ്ഡത്തിൽ പ്രസിദ്ധീകരിച്ച ആദ്യത്തെ മെഡിക്കൽ ജേണൽ മെഡിക്കൽ എസ്സേ ആൻഡ് ഒബ്സർവേഷൻസ് ആയിരുന്നു. ഇത് 1731-ൽ സ്ഥാപിതമായതും എഡിൻബർഗിൽ പ്രസിദ്ധീകരിച്ചതുമാണ്. [3][4] യുണൈറ്റഡ് സ്റ്റേറ്റ്സിൽ ആദ്യമായി പ്രസിദ്ധീകരിച്ച മെഡിക്കൽ ജേണൽ 1797-ൽ സ്ഥാപിതമായ ദി മെഡിക്കൽ റിപ്പോസിറ്ററിയാണ്.[5]

വിമർശനങ്ങൾ

[തിരുത്തുക]

ദ ബിഎംജെ എന്ന ബ്രിട്ടീഷ് മെഡിക്കൽ ജേണലിന്റെ മുൻ എഡിറ്ററായ റിച്ചാർഡ് സ്മിത്ത് ആധുനിക മെഡിക്കൽ ജേർണൽ പ്രസിദ്ധീകരണത്തിന്റെ പല വശങ്ങളെയും വിമർശിച്ചിട്ടുണ്ട്.[2][6] അവലംബങ്ങളുമായി ബന്ധപ്പെട്ടും കർത്തൃത്വവുമായി ബന്ധപ്പെട്ടും നിരവധി പ്രശ്‌നങ്ങൾ ഈ മേഖലയിൽ വ്യാപകമാണ് എന്ന് വിമർശകർ വാദിക്കുന്നു. ഉദാഹരണത്തിന് പല രചയിതാക്കളും അവരുടെ പേരുകൾ ഉള്ള ലേഖനങ്ങളിലേക്ക് യഥാർത്ഥത്തിൽ യാതൊന്നും സംഭാവന നൽകിയിട്ടില്ല എന്നും, ലേഖനങ്ങളിലേക്ക് സംഭാവന നൽകിയിട്ടുള്ളവരെ ചിലപ്പോൾ കർത്തൃത്വത്തിൽ നിന്ന് ഒഴിവാക്കുന്നുണ്ട് എന്നും, കൂടാതെ സ്കോറുകൾ വർദ്ധിപ്പിക്കുന്നതിന് തന്ത്രപരമായി അനാവശ്യമായ അവലംബങ്ങൾ ചേർക്കുന്നത് വ്യാപകമാണ് എന്നും ഈ മേഖലയിൽ നിന്നുള്ള വിമർശകർ അഭിപ്രായപ്പെടുന്നു.[7]

ഇതും കാണുക

[തിരുത്തുക]
  • മെഡിക്കൽ ജേണലുകളുടെ പട്ടിക
  • അക്കാദമിക് ജേണൽ

അവലംബം

[തിരുത്തുക]
  1. ↑ Stevens, Lise M.; Lynm, Cassio; Glass, Richard M. (2006-04-19). "Medical Journals". JAMA (in ഇംഗ്ലീഷ്). 295 (15): 1860. doi:10.1001/jama.295.15.1860. ISSN 0098-7484. PMID 16622154.
  2. ↑ 2.0 2.1 Smith, R. (2006). "The trouble with medical journals". Journal of the Royal Society of Medicine. 99 (3): 115–119. doi:10.1177/014107680609900311. PMC 1383755. PMID 16508048.
  3. ↑ Booth, C C (1982-07-10). "Medical communication: the old and new. The development of medical journals in Britain". British Medical Journal (Clinical Research Ed.). 285 (6335): 105–108. doi:10.1136/bmj.285.6335.105. ISSN 0267-0623. PMC 1498905. PMID 6805825.
  4. ↑ Kahn, Richard J.; Kahn, Patricia G. (2009-08-20). "The Medical Repository — The First U.S. Medical Journal (1797–1824)". New England Journal of Medicine (in ഇംഗ്ലീഷ്). 337 (26): 1926–1930. doi:10.1056/nejm199712253372617. PMID 9407162.
  5. ↑ Kahn, Richard J.; Kahn, Patricia G. (2009-08-20). "The Medical Repository — The First U.S. Medical Journal (1797–1824)". New England Journal of Medicine (in ഇംഗ്ലീഷ്). 337 (26): 1926–1930. doi:10.1056/nejm199712253372617. PMID 9407162.
  6. ↑ Smith, Richard (2005-05-17). "Medical Journals Are an Extension of the Marketing Arm of Pharmaceutical Companies". PLOS Medicine. 2 (5): e138. doi:10.1371/journal.pmed.0020138. ISSN 1549-1676. PMC 1140949. PMID 15916457.{{cite journal}}: CS1 maint: unflagged free DOI (link)
  7. ↑ MacDonald, Stuart (2023). "The gaming of citation and authorship in academic journals: a warning from medicine". Social Science Information.