ഇന്ത്യയിലെ ഒരു വനിതാ കായിക താരമാണ് മോളി ചാക്കോ. കേരളത്തിൽ നിന്നുള്ള ഇവർ മധ്യ ദൂര ഓട്ടക്കാരിയാണ്. 1994 ഒക്ടോബർ 10ന് 3000 മീറ്റർ ഓട്ടത്തിൽ 9 മിനിറ്റ് 6.42 സെക്കന്റ് എന്ന ദേശീയ റെക്കോർഡ് മോളിയുടെ പേരിലാണ്.[1] 1994ൽ 1500 മീറ്ററിലും ഇവർ ദേശീയ റെക്കോഡ് സ്ഥാപിച്ചിരുന്നു, 4 മിനിറ്റ് 12.01 സെക്കന്റ് എന്ന റെക്കോഡ് പിന്നീട് 1999 ഓഗസ്റ്റിൽ സുനിത റാണി തകർത്തിരുന്നു.[2] മുൻ ഇന്ത്യൻ നീന്തൽ താരം സെബാസ്റ്റ്യൻ സേവ്യറെയാണ് മോളി ചാക്കോ വിവാഹം ചെയ്തിരിക്കുന്നത്. ഇരുവരും സതേൺ റെയിൽവേയിൽ ഉദ്യോഗസ്ഥരാണ്.[3]
1969 മെയ് 15ന് കേരളത്തിൽ ജനനം. 1994 ഡിസംബർ 26ന് വിവാഹിതയായി. [4]