റങ്കാളാ തടാകം
| റങ്കാളാ തടാകം | |
|---|---|
 റങ്കാളാ തടാകം | |
  റങ്കാളാ തടാകം | |
| സ്ഥാനം | കോലാപ്പൂർ, മഹാരാഷ്ട്ര |
| നിർദ്ദേശാങ്കങ്ങൾ | 16°41′19″N 74°12′40″E / 16.688585°N 74.211016°E |
| Basin countries | ഇന്ത്യ |
മഹാരാഷ്ട്രയിലെ കോലാപ്പൂരിൽ സ്ഥിതി ചെയ്യുന്ന ഒരു ശുദ്ധജല തടാകമാണ് റങ്കാളാ തടാകം.[1]
ചരിത്രം
[തിരുത്തുക]എട്ടാം നൂറ്റാണ്ടിനുമുമ്പ് റങ്കാളാ ഒരു പാറമടയായിരുന്നു. എ.ഡി. 800-900 കാലഘട്ടത്തിൽ ഉണ്ടായ ഒരു ഭൂകമ്പം ഈ പാറമടയ്ക്ക് വൻതോതിൽ ഘടനാപരമായ മാറ്റങ്ങൾ വരുത്തി.[2] റങ്കാളാ തടാകം രൂപപ്പെടുന്ന ഭൂഗർഭ ഉറവിടത്തിൽ നിന്ന് വെള്ളം ശേഖരിക്കപ്പെടാൻ കാരണമായി. ഈ തടാകത്തിനരികിൽ നന്ദിയുടെ പ്രതിമയുള്ള ഒരു ശിവക്ഷേത്രം ഉണ്ട്.[3]
ഐതിഹ്യം
[തിരുത്തുക]പ്രാദേശിക ഹൈന്ദവ വിശ്വാസങ്ങൾ അനുസരിച്ച്, ശിവൻ നന്ദിയുടെ പുറത്തേറി റങ്കാളാ തടാകത്തിലേക്ക് ഓരോ ദിവസവും ഒരു ഗോതമ്പുമണിയുടെ നീളം മുന്നോട്ടും ഒരു അരിമണിയുടെ നീളം പിന്നോട്ടും സഞ്ചരിക്കുന്നു. പരമശിവൻ റങ്കാളയിൽ എത്തിയാൽ മഹാപ്രളയം(ലോകാവസാനം) തുടങ്ങുമെന്നാണ് വിശ്വാസം.
വിനോദസഞ്ചാരം
[തിരുത്തുക]കോലാപ്പൂരിലെ ഒരു മുഖ്യ വിനോദസഞ്ചാര ആകർഷണം കൂടിയാണ് ഈ തടാകം. പ്രശസ്തമായ കോലാപ്പൂർ മഹാലക്ഷ്മി ക്ഷേത്രത്തിൽ നിന്നും അര കിലോമീറ്റർ മാത്രം അകലെയാണ് ഇത്. വടക്ക് ഭാഗത്ത് ശാലിനി പാലസ്, വടക്കുകിഴക്ക് പത്മരാജേ ഗാർഡൻ, തെക്കുകിഴക്കൻ തീരത്ത് അടുത്തിടെ വികസിപ്പിച്ച ഒരു പാർക്ക് എന്നിവയും ഈ ഭാഗത്തുള്ള ആകർഷണങ്ങളാണ്. തടാകത്തിന്റെ അടുത്തുള്ള പാർക്കിൽ ഒരു ഫ്രഷ് ഫുഡ് മാർക്കറ്റ് ഉണ്ട്. കുതിരസവാരി, ബോട്ടിംഗ് തുടങ്ങിയ വിനോദങ്ങളും ഇവിടെയുണ്ട്. അതിസങ്കീർണമായ കൊത്തുപണികളുള്ള കരിങ്കല്ലും ഇറ്റാലിയൻ മാർബിളും കൊണ്ട് നിർമ്മിച്ച ഒരു കൊട്ടാരമാണ് ശാലിനി പാലസ്.
അവലംബം
[തിരുത്തുക]ചിത്രശാല
[തിരുത്തുക]-
നീലക്കോഴി, തടാകക്കരയിൽ. -
വെള്ളക്കൊക്കൻ കുളക്കോഴി, തടാകത്തിൽ നീന്തുന്നു. -
തടാകത്തിൽ മനുഷ്യരുപേക്ഷിച്ച ഭക്ഷ്യാവശിഷ്ടങ്ങൾ തിന്നുന്ന വെള്ളക്കൊക്കൻ കുളക്കോഴി.
