റാം ശരൺ ശർമ്മ
പ്രഗൽഭനായ ഒരു ഇന്ത്യൻ ചരിത്രകാരനാണ്‌ റാം ശരൺ ശർമ്മ (ജനനം: 26 നവംബർ 1919 - മരണം:20 ഓഗസ്റ്റ് 2011). ആർ.എസ്. ശർമ്മ എന്ന പേരിലാണ്‌ അദ്ദേഹം കൂടുതൽ അറിയപ്പെടുന്നത്.
ജീവിതരേഖ
[തിരുത്തുക]ബാല്യം
[തിരുത്തുക]ബീഹാറിലെ ബേഗുസറൈയിലെ ബറൗനിയിൽ ഒരു ദരിദ്ര കുടുംബത്തിലായിരുന്നു ആർ.എസ്. ശർമ്മയുടെ ജനനം.[1] ദാരിദ്ര്യം മൂലം കഷ്ടപ്പെടുകയായിരുന്ന ശർമ്മയുടെ അച്ഛൻ മകനെ മെട്രിക്കുലേഷൻ വരെ പഠിപ്പിച്ചു. പിന്നീടുള്ള പഠനത്തിനു സഹായകമായി ശർമ്മക്ക് വിവിധ സ്കോളർഷിപ്പുകളും സ്വകാര്യ ട്യുഷനുകളും ലഭിച്ചു തുടങ്ങി.[2]
വിദ്യാഭ്യാസവും നേട്ടങ്ങളും
[തിരുത്തുക]1937ൽ ശർമ്മ മെട്രിക്കുലേഷൻ വിജയിച്ചു. തുടർന്നു പാറ്റ്ന കോളേജിൽ ഇന്റർമീഡിയറ്റും ബിരുദാനന്തര ബിരുദവും വരെയുള്ള ആറുവർഷക്കാലം പഠിച്ചു.[3] ലണ്ടൻ സർ‌വകലാശാലയിൽ നിന്ന് പ്രൊഫസർ ആർതർ ലെവലിൻ ബാഷമിന്റെ കീഴിൽ പി.എച്ച്.ഡിയും കരസ്ഥമാക്കി. പാറ്റ്ന സർ‌വകലാശാലയിൽ അദ്ധ്യാപകനായി ചേരുന്നതിനു മുമ്പ് ആരയിലെയും ഭഗല്പൂരിലേയും കോളേജുകളിൽ പഠിപ്പിച്ചു. 1958-1973 ൽ പാറ്റ്ന സർ‌വകലാശാലയിലെ ചരിത്രവിഭാഗത്തിന്റെ തലവനായി മാറി.1973-78 കാലഘട്ടത്തിൽ ഡൽഹി സർ‌വകലാശാലയിലെ ചരിത്രവിഭാഗം പ്രൊഫസറും ഡീനുമായിരുന്നു ശർമ്മ. 1969 ൽ അദ്ദേഹത്തിനു ജവഹർ‌ലാൽ ഫെലോഷിപ്പ് ലഭിച്ചു.
ഡൽഹി സർ‌വകലാശാല, യൂണിവേഴ്സിറ്റീസ് ഓഫ് ടൊറൊന്റോ യൂണിവേഴ്സിറ്റി എന്നിവിടങ്ങളിൽ അദ്ധ്യാപകനായിരുന്ന ശർമ്മ, യൂണിവേഴ്സിറ്റി ഗ്രാൻഡ് കമ്മീഷന്റെ ഫെലോയും ആയിരുന്നു. 1975 ൽ ഇന്ത്യൻ ഹിസ്റ്ററി കോൺഗ്രസിന്റെ അദ്ധ്യക്ഷനായി സേവനമനുഷ്ഠിച്ചിട്ടുണ്ട്. 1970 കളിൽ ശർമ്മ ഡൽഹി സർ‌വകലാശാലയിൽ ചരിത്രവിഭാഗം ഡീൻ ആയിരിക്കുമ്പോളാണ്‌ അവിടുത്തെ ചരിത്രവിഭാഗത്തിൽ സുപ്രധാനമായ പല വിപുലീകരണങ്ങളും നടന്നത്.[4] ഇന്ത്യൻ കൗൺസിൽ ഓഫ് ഹിസ്റ്റോറിക്കൽ റിസർച്ചിന്റെ (ICHR) സ്ഥാപക ചെയർമാനായിരുന്ന ശർമ്മ ഐ.സി.എച്.ആർ. സ്ഥാപിക്കുന്നതിനു മുമ്പ് തന്നെ അന്തർദേശീയ തലത്തിൽ പ്രസിദ്ധിയാർജ്ജിച്ച ചരിത്രകാരനായിരുന്നു.[5]
ഇതുവരെയായി നൂറ്റി പതിനഞ്ചോളം കൃതികൾ വിവിധ ഭാഷകളിലായി അദ്ദേഹം പ്രസിദ്ധപ്പെടുത്തി.[6]
മരണം
[തിരുത്തുക]വാർദ്ധക്യ സഹജമായ അസുഖങ്ങൾ മൂലം പാറ്റ്നയിലെ സ്വകാര്യ ആശുപത്രിയിൽ 2011 ഓഗസ്റ്റ് 20 - ന് അന്തരിച്ചു[7].
അവലംബം
[തിരുത്തുക]- ↑ "PUCL Begusarai Second District Conference Report". People's Union for Civil Liberties. July, 2001. Archived from the original on 2008-08-08. Retrieved 2010-08-06.
{{cite news}}: Check date values in:|date=(help) - ↑ Jha, D.N. (1996). Society and Ideology in India: Essays in Honour of Prof. R.S. Sharma. New Delhi, India: Munshiram Manoharlal Publishers Pvt. Ltd. ISBN 978-8121506397.
{{cite book}}: Check date values in:|year=(help)CS1 maint: year (link) - ↑ Srivastava, N.M.P. (2005). Professor R.S. Sharma: The Man With Mission; Prajna-Bharati Vol XI, In honour of Professor Ram Sharan Sharma. Patna, India: K.P. Jayaswal Research Institute.
- ↑ History Department (2008-08-13). "History of Department of History". University of Delhi. Archived from the original on 2008-02-26. Retrieved 2010-08-06.
- ↑ T.K. RAJALAKSHMI (Volume 16 - Issue 24, Nov. 13 - 26, 1999). "Agendas and appointments". Frontline. Archived from the original on 2002-11-24. Retrieved 2010-08-06.
{{cite news}}: Check date values in:|date=(help) - ↑ Prashant K. Nanda (2007-12-31). "Ram lives beyond history: Historians". The Tribune. Retrieved 2010-08-06.
- ↑ http://www.hindustantimes.com/Historian-RS-Sharma-dead/Article1-735669.aspx[പ്രവർത്തിക്കാത്ത കണ്ണി]