റോമ

ഇംഗ്ലീഷ് വിലാസം

https://ml.wikipedia.org/wiki/Roma

റോമ
ജനനം	റോമ അസ്രാണി 25 August 1984 (1984-08-25) (40 വയസ്സ്) ചെന്നൈ, ഇന്ത്യ
തൊഴിൽ	അഭിനേത്രി
സജീവ കാലം	2005-ഇതുവരെ

റോമ അസ്രാണി ഒരു ഇന്ത്യൻ മോഡലും നടിയുമാണ്. അവർ പ്രധാനമായും മലയാളം ഭാഷാ സിനിമകളിൽ പ്രവർത്തിക്കുന്നു. 25-ലധികം സിനിമകളിൽ അഭിനയിച്ചിട്ടുണ്ട്. റോമ എന്ന പേരിലാണ് അവർ അറിയപ്പെടുന്നത്.^[1] റോഷൻ ആൻഡ്രൂസ് സംവിധാനം ചെയ്ത നോട്ട് ബുക്ക് എന്ന ചിത്രത്തിലൂടെ ആണ് റോമ മലയാള ചലച്ചിത്ര രംഗത്ത് സജീവമാകുന്നത് .ഈ ചിത്രം വാണിജ്യപരമായും, കലാപരമായും വിജയിച്ചു.

തമിഴ്നാട്ടിലെ ട്രിച്ചിയിൽ സിന്ധി മാതാപിതാക്കളുടെ മകളായി റോമ അസ്രാണി ജനിച്ചു. 2005-ൽ മിസ്റ്റർ എറബാബു എന്ന തെലുങ്ക് ചിത്രത്തിലൂടെയാണ് അവർ അരങ്ങേറ്റം കുറിച്ചത്. തമിഴ്, കന്നഡ സിനിമകളിലും അവർ അഭിനയിച്ചിട്ടുണ്ട്. 2006-ൽ പുറത്തിറങ്ങിയ മലയാളം സിനിമയായ നോട്ട്ബുക്കാണ് അവരുടെ കരിയറിൽ വഴിത്തിരിവായത്. വൻ വിജയമായിരുന്ന ചിത്രത്തിലെ പ്രകടനം ഒരേ സമയം തന്നെ നിരൂപകരുടെയും പ്രേക്ഷകരുടെയും പ്രശംസ നേടി. നോട്ട്ബുക്കിലെ അഭിനയത്തിന് മികച്ച സഹനടിക്കുള്ള ആദ്യ ഫിലിംഫെയർ അവാർഡ് അവർക്ക് ലഭിച്ചു.^[2] ചോക്ലേറ്റ് (2007), ട്രാഫിക് (2011), ചാപ്പാ കുരിശ് (2011), ഗ്രാൻഡ് മാസ്റ്റർ (2012) തുടങ്ങിയ ചിത്രങ്ങളിലെ വേഷങ്ങളിലൂടെയാണ് അവർ കൂടുതൽ അറിയപ്പെടുന്നത്

കുടുംബം

റോമയുടെ മാതാപിതാക്കൾ ഡെൽഹിയിൽ നിന്നുള്ളവരാണ് . പക്ഷേ ഇവർ ചെന്നൈയിൽ സ്ഥിര താമസമാണ്.^[3] പിതാവ് മുരളീധരൻ ചെന്നൈയിൽ ഒരു ആഭരണകട നടത്തുന്നു. മാതാവ് മധു ഇവരെ സഹായിക്കുന്നു.

അഭിനയജീവിതം

റോഷൻ ആൻഡ്രൂസ് സംവിധാനം ചെയ്ത നോട്ട്ബുക്ക് എന്ന ചിത്രത്തിലൂടെ മലയാള സിനിമയിലേക്ക് കടന്നുവന്ന അവർ ചിത്രത്തിന്റെ വിജയത്തിന് ശേഷം വളരെ ജനപ്രീതിയുള്ള താരമായി. നോട്ട്ബുക്കിലെ അഭിനയത്തിന് ഏഷ്യാനെറ്റ് ഫിലിം അവാർഡ്സ്, കേരള ഫിലിം ക്രിട്ടിക്‌സ് അസോസിയേഷൻ, അമൃത ടിവി, കലാകേരളം എന്നിവയുടെ പുരസ്കാരങ്ങളിൽ മികച്ച പുതുമുഖ നടിയായി തിരഞ്ഞെടുത്തു. ജോഷി സംവിധാനം ചെയ്ത അവരുടെ രണ്ടാമത്തെ ചിത്രമായ ജൂലൈ 4 (2007) ഒരു പരാജയമായിരുന്നെങ്കിലും അതിലെ റോമയുടെ അഭിനയം ശ്രദ്ധേയമായിരുന്നു. പൃഥ്വിരാജിനൊപ്പം ചെയ്ത അവരുടെ ചോക്ലേറ്റ് (2007) എന്ന സിനിമ ഒരു മെഗാ ഹിറ്റായിരുന്നു. ഈ സിനിമയിലെ പ്രകടനം റോമയെ മലയാള സിനിമയുടെ പ്രിയങ്കരനാക്കി. പ്രശസ്ത ഗായകൻ വിനീത് ശ്രീനിവാസനും നടൻ പൃഥ്വിരാജും ചേർന്ന്, തെന്നിന്ത്യയിൽ വൻ ഹിറ്റായ മിന്നൽ അഴകെ എന്ന നമ്പറിനായി ടീം മലയാളി ബാൻഡിന്റെ ഒരു സംഗീത ആൽബത്തിലും അവർ അഭിനയിച്ചിട്ടുണ്ട്.

കാതലേ എൻ കാതലേ (2006) എന്ന തമിഴ് ചിത്രത്തിലും റോമ അഭിനയിച്ചിട്ടുണ്ട്. ഗണേഷിനെ നായകനാക്കി അരമനെ (2007) എന്ന ചിത്രത്തിലൂടെ കന്നഡയിൽ അരങ്ങേറ്റം കുറിച്ചു. കൂടാതെ ഇടവേളയ്ക്ക് ശേഷം അവർ തെലുങ്ക് ഇൻഡസ്ട്രിയിൽ 2010 ൽ ചാലകി എന്ന ചിത്രത്തിലൂടെ വീണ്ടും പ്രത്യക്ഷപ്പെട്ടു.

അഭിനയിച്ച ചിത്രങ്ങൾ

വർഷം	ചിത്രം	ഭാഷ	കഥാപാത്രം	കുറിപ്പുകൾ
2005	മിസ്റ്റർ ഏറബാബു	തെലുഗു	പൂജ	ആദ്യ ചിത്രം
2006	കാതലെ എൻ കാതലെ	തമിഴ്	കൃതിക
	നോട്ട്ബുക്ക്	മലയാളം	സെറ എലിസബത്ത്	മികച്ച പുതുമുഖത്തിനുള്ള പുരസ്കാരം
2007	ജൂലൈ 4	മലയാളം	ശ്രീപ്രിയ
	ചോക്ലേറ്റ്	മലയാളം	ആൻ മാത്യൂസ്
2008	ഷേക്സ്പിയർ എം.എ. മലയാളം	മലയാളം	അല്ലി
	അരമനെ	കന്നഡ	ഗീത
	മിന്നാമിന്നിക്കൂട്ടം	മലയാളം	റോസ് മേരി
	ട്വന്റി 20	മലയാളം	സാറ	ഫോട്ടോ സാന്നിധ്യം
	ലോലിപോപ്പ്	മലയാളം	ജെന്നിഫർ
2009	കളേഴ്സ്	മലയാളം	പിങ്കി	ഏഞ്ചൽ ഷിജോയ് ശബ്ദം നൽകിയിരിക്കുന്നു
	ഉത്തരാസ്വയംവരം	മലയാളം	ഉത്തര
2010	ചാലകി	തെലുഗു	സുബ്ബലക്ഷ്മി
2011	ട്രാഫിക്	മലയാളം	മറിയം
	കഥയിലെ നായിക[4]	മലയാളം	അർച്ചന
	മൊഹബത്ത്	മലയാളം	നടി റോമ	അതിഥി വേഷം
	1993 ബോംബെ മാർച്ച് 12	മലയാളം	ആബിദ
	ചാപ്പാ കുരിശ്	മലയാളം	ആൻ
	ഡബിൾസ്	മലയാളം	-	അതിഥി വേഷം
	ഫിലിംസ്റ്റാർ	മലയാളം	നടി റോമ	ആർക്കൈവ് ഫൂട്ടേജ്
2012	കാസനോവ	മലയാളം	ആൻ മേരി
	ഗ്രാൻഡ് മാസ്റ്റർ	മലയാളം	ബീന
	ഫെയ്സ് 2 ഫെയ്സ്	മലയാളം	Dr. ഉമ
2015	നമസ്തേ ബാലി	മലയാളം	അന്നമ്മ
2017	സത്യ	മലയാളം	റോസി
2021	വെള്ളേപ്പം	മലയാളം	സാറ

സംഗീത ആൽബം

ആൽബം	ഗാനം	സംവിധാനം	സംഗീതം	കുറിപ്പുകൾ
മലയാളി	മിന്നലഴകേ..	വിനീത് ശ്രീനിവാസൻ	ജേക്സ് ബിജോയ്
ബോൺ ഇൻ കേരള	ആരെന്നിലെ..	അരുൺ ശേഖർ, ഗിരീഷ് നായർ, സന്ധ്യ ശേഖർ	ജേക്സ് ബിജോയ്

പുരസ്കാരങ്ങൾ

ഏഷ്യാനെറ്റ് ഫിലിം അവാർഡ്സ്

• 2006 - മികച്ച പുതുമുഖ താരം - നോട്ട്ബുക്ക്
• 2008 - മികച്ച താരജോഡി - ഉത്തരാസ്വയംവരം

• 2009 - മികച്ച താരജോഡി - മിന്നാമിന്നിക്കൂട്ടം, ഷേക്സ്പിയർ എം.എ. മലയാളം

ഫിലിംഫെയർ അവാർഡ്സ് സൗത്ത്

• 2006 - മികച്ച സഹനടി - നോട്ട്ബുക്ക്

അമൃത ഫിലിം അവാർഡ്സ്

• 2009 - മികച്ച സ്വഭാവ നടി - മിന്നാമിന്നിക്കൂട്ടം^[5]

ടെലിവിഷൻ

• 2007-2010 - സ്റ്റാർ സിങ്ങർ (ഏഷ്യാനെറ്റ്) - സെലിബ്രിറ്റി ഗസ്റ്റ്
• 2007 - തകധിമി (ഏഷ്യാനെറ്റ്) - സെലിബ്രിറ്റി ഗസ്റ്റ്
• 2007 - സൂപ്പർ ഡാൻസർ ജൂനിയർ (അമൃത ടി.വി.) - വിധികർത്താവ്
• 2013 - സുന്ദരി നീയും സുന്ദരൻ ഞാനും (ഏഷ്യാനെറ്റ്) - വിധികർത്താവ്
• 2015 - ബഡായി ബംഗ്ലാവ് (ഏഷ്യാനെറ്റ്) - അതിഥി
• 2015-2017 - കോമഡി സ്റ്റാർസ് സീസൺ 2 (ഏഷ്യാനെറ്റ്) - വിധികർത്താവ്
• 2018 - ആനീസ് കിച്ചൺ (അമൃത ടി.വി.) - അതിഥി
• 2017 - ലാൽസലാം (അമൃത ടി.വി.) - ഡാൻസർ

അവലംബം

1. "റോമ അഭിമുഖം". Archived from the original on 2013-12-19. Retrieved 2022-01-03.
2. "ആർക്കൈവ് പകർപ്പ്". Archived from the original on 2013-12-19. Retrieved 2022-01-03.
3. "A promising debut". The Hindu. 2007-01-19. Archived from the original on 2007-12-18. Retrieved 2007-12-17.
4. "Urvasi and Roma in Kathayile Nayika". NOWRUNNING.
5. "Watch Prem Ratan Dhan Payo Official Trailer: Salman Khan Back As Lovable Prem". https://www.filmibeat.com. 1 October 2015. {{cite web}}: External link in |website= (help)