വസായ് ഉൾക്കടൽ
വസായ് ഉൾക്കടൽ | |
|---|---|
 വസായ് ഉൾക്കടൽ | |
  വസായ് ഉൾക്കടൽ Location in Mumbai, India | |
| Coordinates: 19°18′54″N 72°52′30″E / 19.315°N 72.875°E | |
| രാജ്യം |  India |
| സംസ്ഥാനം | മഹാരാഷ്ട്ര |
| ജില്ല | പാൽഘർ ജില്ല |
| നാമഹേതു | വസായ് ഗ്രാമം |
| സമയമേഖല | UTC+5:30 (IST) |
മഹാരാഷ്ട്രയിൽ മുംബൈ നഗരത്തിനു സമീപമുള്ള ഒരു ചെറു ഉൾക്കടലാണ് വസായ് ക്രീക്ക്. [1]മിരാ-ഭയന്തർ, വസായ് എന്നീ പ്രദേശങ്ങൾക്കിടയിലൂടെ വസായ് ക്രീക്ക് താനെ വരെ എത്തുന്നു.സാൽസെറ്റ് ദ്വീപിന്റെ വടക്കുദിക്കിലെ അതിർത്തിയാണ് അറബിക്കടലിന്റെ ഭാഗമായ ഈ ഉൾക്കടൽ. സാൽസെറ്റ് ദ്വീപിന്റെ വടക്കുകിഴക്കേ മൂലയിൽ വച്ച് രണ്ടായി പിരിയുന്ന ഉല്ലാസ് നദിയുടെ ഒരു ഭാഗം തെക്ക് ഭാഗത്തേക്കൊഴുകി താനെ ക്രീക്ക് വഴിയും മറ്റേ ഭാഗം പടിഞ്ഞാറേക്കൊഴുകി വസായ് ക്രീക്ക് വഴിയും അറബിക്കടലിൽ പതിക്കുന്നു.
ഗതാഗതം
[തിരുത്തുക]വസായ് ക്രീക്കിന് ചുറ്റുമുള്ള പ്രദേശങ്ങൾ അതിവേഗം വികസിച്ചുകൊണ്ടിരിക്കുന്നു. വർദ്ധിച്ചുവരുന്ന ഗതാഗത ആവശ്യകതയ്ക്ക് അനുസൃതമായി, ഉൾനാടൻ ജലവും ചരക്ക് ഗതാഗതവും വർദ്ധിപ്പിക്കുന്നതിന് ജലപാതയായി ഈ ഉൾക്കടൽ പ്രയോജനപ്പെടുത്തുവാൻ പദ്ധതികൾ ഒരുങ്ങുന്നു. മഹാരാഷ്ട്ര മാരിടൈം ബോർഡ് (എംഎംബി) വസായ് ക്രീക്കിൽ അഞ്ച് പോയിന്റുകളിൽ തീരദേശ ഷിപ്പിംഗ് സൗകര്യങ്ങൾ വികസിപ്പിക്കുന്നു. ഭയന്തർ, ഗായ്മുഖ്, കോൾഷെറ്റ്, മാജിവാഡ, കലേർ എന്നിവയാണ് ഇതിനായി പരിഗണിക്കപ്പെടുന്ന അഞ്ച് സ്ഥലങ്ങൾ.[1]
പഞ്ജു ദ്വീപ്
[തിരുത്തുക]വസായ് ക്രീക്കിലെ ജനവാസമുള്ള ഒരു ദ്വീപാണ് പഞ്ജു ദ്വീപ്. സാൽസെറ്റ് ദ്വീപിനെ വസായിയുമായി ബന്ധിപ്പിക്കുന്നതിന് വെസ്റ്റേൺ റെയിൽ‌വേ ഈ ദ്വീപ് ഉപയോഗിക്കുന്നു.[2]
അവലംബം
[തിരുത്തുക]- ↑ 1.0 1.1 "Soon, shipping facilities at Vasai Creek". dna (in ഇംഗ്ലീഷ്). 2017-03-04. Retrieved 2019-02-04.
- ↑ https://www.theweek.in/news/india/2020/05/11/how-a-tiny-panju-island-in-mumbai-steered-clear-of-coronavirus.html