വി.പി. അഹ്മദ്കുട്ടി

Muslim scholar
Shaikh Ahmad Kutty
വി.പി അഹ്മദ്കുട്ടി
കാലഘട്ടംModern
Regionകാനഡ[1]
പ്രധാന താല്പര്യങ്ങൾIslamic Fatwa

വടക്കെ അമേരിക്കയിലെ ഒരു ഇസ്‌ലാമിക പണ്ഡിതനാണ് ശൈഖ് വി.പി. അഹ്മദ്കുട്ടി (ഇംഗ്ലീഷ്: Shaikh Ahmad Kutty). 1946ൽ മലപ്പുറം ജില്ലയിലെ എടയൂരിലായിരുന്നു ജനനം. ഇസ്‌ലാമിക ഗവേഷകൻ, പ്രഭാഷകൻ, രചയിതാവ് എന്നീ നിലകളിലും ശ്രദ്ധേയൻ. ഇസ്ലാമിക വിദ്യാഭ്യാസ-സാസംകാരിക മേഖലകളിൽ നേതൃപരമായ പങ്കു വഹിക്കുന്നു. ടൊറണ്ടോയിലെ ഇസ്ലാമിക ഫൗണ്ടേഷന്റെ ഡയറക്ടർ, ഇസ്ലാമിക് ഇൻസ്റ്റിട്ട്യൂട്ടിന്റെ ചാൻസലർ, ടൊറണ്ടോ ഇസ്ലാമിക് ഫൗണ്ടേഷൻ മസ്ജിദ് ഇമാം. 1970 ൽ വിദ്യാർഥിയായി കാനഡയിലെത്തുകയും പിന്നീട് കാനഡയിലെ പൗരത്വം സ്വീകരിക്കുകയും ചെയ്തു. ഇംഗ്ലീഷ്, ഫ്രഞ്ച്, അറബി, ഉറുദു, മലയാളം ഭാഷകളിൽ അവഗാഹമുണ്ട്. സഊദി അറേബ്യ, യു.എ.ഇ, ഈജിപ്ത്, കുവൈത്ത്, ഇംഗ്ലണ്ട്, സൗത്ത് അമേരിക്ക, യു.എസ്.എ എന്നീ രാജ്യങ്ങൾ സന്ദർശിച്ചിട്ടുണ്ട്[2].

വിദ്യാഭ്യാസം

[തിരുത്തുക]

സ്വദേശത്തെ പ്രാഥമിക വിദ്യാഭ്യസത്തിന് ശേഷം ശാന്തപുരം ഇസ്ലാമിയ കോളേജിൽ പഠിച്ചു (ഇപ്പോൾ അൽ ജാമിയ അൽ ഇസ്ലാമിയ, ശാന്തപുരം). 1966 ൽ എഫ്.ഡി, ബി.എ.എസ്.സി കോഴ്സുകൾ പാസ്സായ ശേഷം അല്പകാലം പ്രബോധനം വാരികയിൽ ജോലി ചെയ്തു. 1968 ൽ മദീനാ യൂണിവേഴ്സിറ്റിയിൽ ഉപരിപഠനത്തിന് ചേർന്നു. 1972 ൽ അവിടെ നിന്നും ബിരുദം നേടി. 1973 ൽ ടൊറണ്ടോ യൂണിവേഴ്സിറ്റിയിൽ നിന്ന് എം.എ ബിരുദം നേടി. 1975 മുതൽ 1981 വരെ മാക്ഗിൽ യൂണിവേഴ്സിറ്റിയിൽ പി.എച്ച്.ഡി വിദ്യാർഥിയായിരുന്നു[3].

പ്രവർത്തനരംഗം

[തിരുത്തുക]

1973 മുതൽ വടക്കേ അമേരിക്കയിലെ കാനഡയാണ് പ്രവർത്തനരംഗം. ഇസ്ലാമിനെ പരിചയപ്പെടുത്തുവാൻ വിവിധമാധ്യമങ്ങൾ പ്രയോജനപ്പെടുത്തുന്നു. ഇതിനായി സെമിനാറുകളും സിമ്പോസിയങ്ങളും കോൺഫറൻസുകളും സംഘടിപ്പിക്കുന്നു. ഇസ്ലാമിക ഹൊറൈസൻസ്, ദ മെസ്സേജ്, അൽ ബശീർ, വാഷിങ്ടൺ റിപ്പോർട്ട് ഓൺ മിഡിൽഈസ്റ്റ് അഫയർസ് തുടങ്ങിയ പത്രങ്ങളിൽ ലേഖനങ്ങളെഴുതുന്നു. കനേഡിയൻ ടി.വി, റേഡിയോ, പത്രങ്ങൾ, വെബ്സൈറ്റുകൾ എന്നിവയിലൂടെ അഭിമുഖങ്ങളും സൃഷ്ടികളും നൽകി വരുന്നു. ടൊറണ്ടോ ഇസ്ലാമിക സെൻറർ അസി. ഡയറക്ടർ(1973-1975), ഇസ്ലാമിക സെൻറർ ഡയറക്ടർ(1979-1981) ഇസ്ലാമിക ഫൗണ്ടേഷൻ ഡയറക്ടർ(1991മുതൽ). ദ ഇസ്ലാമിക് അസോസ്സിയേഷൻ ഓഫ് നോർത്ത് അമേരിക്ക, ഇൻറർ നാഷണൽ ഇൻസ്റ്റിട്ട്യൂട്ട് ഓഫ് ഇസ്ലാമിക് തോട്ട് എന്നീ ഇസ്ലാമിക സംഘടനകളുമായി സഹകരിച്ചു പ്രവർത്തിക്കുന്നു.

ഗവേഷണ മേഖല

[തിരുത്തുക]

ഇബ്നു തൈമിയ്യ തിയോളജി ഇൻ ദ ലൈറ്റ് ഓഫ് അൽ അഖീദ, അൽ വാസ്വിത്വിയ്യ( മാക്ഗിൽ യൂണിവേഴ്സിറ്റി-1978)ഇബ്നുൽ ഖൽദൂൻ ആറ്റിട്ട്യൂട് ടുവാർഡ്സ് സൂഫിസം ഇൻ ദ ലൈറ്റ് ഓഫ് സിഫാഉസ്സഇൽ(1976) ഇബ്നു തൈമിയ്യ ആൻറ് സൂഫിസം (1976) എന്നിവയാണ് പ്രധാന ഗവേഷണ പ്രബന്ധങ്ങൾ. റമദാൻ ബ്ലെസ്സിങ് ആൻറ് റൂൾസ് ഓഫ് ഫാസ്റ്റിങ്, ഇസ്ലാമിക് ഫ്യൂണറൽ റൈറ്റ്സ് അൻറ് പ്രാക്ടീസസ്, ദ മീഡിയ അവർ റെസ്പോൺസിബിലിറ്റി, ദ ഫോർ ഇമാംസ് ആൻറ് ദ സ്കൂൾസ് ഓഫ് ജൂറിസ്പ്രുഡൻസ്, ദ പവർ ഓഫ് പ്രെയർ, ഫിഖ്ഹ് ഇഷ്യൂസ്, ഹ്യൂമൻ റൈറ്റ്സ് ആൻറ് ദ ഇസ്ലാമിക ശരീഅ, ശാഹ് വലിയുല്ലാഹ് ആൻറ് ശരീഅ എന്നീ കൃതികളുടെയും കർത്താവാണ്. സയ്യിദ് ഖുതുബിൻറെ അൽ അദാലതു ഫിൽ ഇസ്ലാം എന്ന പുസ്തകം ഇസ്ലാമിൻറെ സാമൂഹ്യ നീതി എന്നപേരിൽ മലയാളത്തിലേക്ക് വിവർത്തനം ചെയ്തിട്ടുണ്ട്.

ഓൺലൈൻ ഫത്‌വ സൈറ്റുകൾ

[തിരുത്തുക]

ആധുനിക പ്രശ്നങ്ങളുമായി ബന്ധപ്പെട്ട ഇസ്ലാമിക നിവാരണമാണ് ഫത്‌വ. പ്രാമാണികബദ്ധമായി വിഷയങ്ങളെ സമീപിക്കയും യുക്തിപരവും പ്രായോഗികവുമായ പരിഹാരങ്ങൾ നിർദ്ദേശിക്കയും ചെയ്യുന്ന പണ്ഡിതരെയാണ് മുഫ്തി എന്നാണറിയപ്പെടുന്നത്. ഇപ്രകാരം askthescholar.com എന്ന സ്വന്തം വെബ്സൈറ്റ് മുഖേനയും പൊതു ഇസ്ലാമിക സൈറ്റുകൾ(ഉദാ-onislam.net) വഴിയും ആഗോളതലത്തിൽ[4] ഇസ്ലാമിക വിഷയങ്ങളുടെ പരിഹാരം നൽകുന്ന വ്യക്തി കൂടിയാണ് ഇദ്ദേഹം[5].

അവലംബം

[തിരുത്തുക]
  1. ↑ The 500 Most Influential Muslims in the World Archived 2017-02-27 at the Wayback Machine., ed. by Professor Exposito & Professor Ibrahim Kalin of Georgetown University
  2. ↑ http://www.islamopediaonline.org/content/kutty-ahmed
  3. ↑ ഇസ്ലാമിക വിജ്ഞാനകോശം ഭാഗം-3, പേജ്-252,253
  4. ↑ Göran Larsson. Muslims and the New Media: Historical and Contemporary Debates. Routledge. p. 66, 130, 138, 141 & 152. Retrieved 8 ഏപ്രിൽ 2020.
  5. ↑ André Leysen. Islam & Europe: Crises are Challenges. Lueven University Press. p. 136 & 138. Retrieved 8 April 2020.

പുറത്തേക്കുള്ള കണ്ണികൾ

[തിരുത്തുക]