സിറ്റുയിൻ
ഇന്ത്യൻ കളിരൂപമായ ചതുരംഗത്തിൽ നിന്ന് എട്ടാം നൂറ്റാണ്ടോടെ നേരിട്ട് ഉരുത്തിരിഞ്ഞ ഒരു ചെസ്സ് വകഭേദമാണ് സിറ്റുയിൻ (ബർമ്മീസ്: စစ်တုရင်), അഥവാ ബർമ്മീസ് ചെസ്സ്. സിറ്റ് എന്ന ബർമ്മീസ് വാക്കിനർത്ഥം സൈന്യം അഥവാ യുദ്ധം എന്നാണ്; സിറ്റുയിൻ എന്ന വാക്കിന്റെ തർജ്ജമ സൂചിപ്പിക്കുന്നത് സൈന്യത്തിലെ നാലു് വിഭാഗങ്ങളെയാണ് (ആന, തേര്, കുതിര, കാലാൾ).
ഈ കളി നിലനിൽക്കുന്ന പ്രദേശങ്ങളിൽ പടിഞ്ഞാറൻ (ഇന്റർനാഷണൽ) ചെസ്സിന്റെ സ്വാധീനം നിഴലിക്കുന്നുവെങ്കിലും വടക്കുപടിഞ്ഞാറൻ പ്രദേശങ്ങളിൽ ഇതിനു ജനപ്രീതിയുണ്ട്.[1]
കളിക്കളം
[തിരുത്തുക]8 റോയും 8 കോളവും ഉൾപ്പെടെ 64 കള്ളികളുള്ളതാണ് സിറ്റുയിൻ കളിക്കളം. ചെസിലേതു പോലെ വ്യത്യസ്ത നിറത്തിലുള്ള കള്ളികളില്ല. കളിക്കളത്തിന്റെ കോണോടുകോണായി sit-ke-myin (ജനറലിന്റെ പാത) എന്ന പേരിൽ രണ്ടു രേഖകളുണ്ട്.
കരുക്കളും അവയുടെ നീക്കങ്ങളും
[തിരുത്തുക]മരത്തിലും ചിലപ്പോഴൊക്കെ ആനക്കൊമ്പു് പോലുള്ള വസ്തുക്കൾ കൊണ്ടാണ് കരുക്കൾ നിർമ്മിക്കുന്നത്. ഓരോ കരുവിന്റെയും ഉയരം തരം അനുസരിച്ച് വ്യത്യാസപ്പെട്ടിരിക്കുന്നു. കരുക്കളുടെ ഔദ്യോഗിക നിറങ്ങൾ ചുവപ്പും കറുപ്പു മാണ്.
- Min-gyi (രാജാവ്)
- ചെസ്സിലെ രാജാവിനു സമാനം; ഏതു ദിശയിലേക്കും ഒരു കള്ളി നീങ്ങാനാവും.
- Sit-ke (ജനറൽ)
- ചെസ്സിലെ മന്ത്രിയ്ക്ക് സമാനം; കോണോടുകോൺ ഒരു കള്ളി നീങ്ങുന്നു (ഷത്രജ്ഞിലെ ഫെർ കരുവിനെ പോലെ).
- Sin (ആന)
- ചെസ്സിലെ ആനയ്ക്ക് സമാനം; കോണാടുകോൺ ഒരു കള്ളി നീങ്ങുകയോ, ഒരു കള്ളി മുന്നോട്ടു നീങ്ങുകയോ ചെയ്യുന്നു (ഷോഗിയിലെ സിൽവർ ജനറലിനെ പോലെ).
- Myin (കുതിര)
- ചെസ്സിലെ കുതിരയ്ക്ക് സമാനം; രണ്ടു കള്ളി തിരശ്ചീനമായി ചാടി ഒരു കള്ളി കുത്തനെയോ, രണ്ടു കള്ളി കുത്തനെ ചാടി ഒരു കള്ളി തിശ്ചീനമായോ നീങ്ങാം.
- Yahhta (തേര്)
- ചെസ്സിലെ തേരിനു സമാനം; എത്ര കള്ളി വേണമെങ്കിലും കുത്തനെയോ തിശ്ചീനമായോ നീങ്ങാം.
- Nè (ഫ്യൂഡൽ പ്രഭു)
- ചെസ്സിലെ കാലാളുകൾക്ക് സമാനം; ഒരു കള്ളി മുന്നോട്ട് നീങ്ങാം, പക്ഷേ പിന്നിലേയ്ക്ക് വരാനാകില്ല. ചെസ്സിലെ പോലെ, മുന്നിലേയ്ക്ക് ഒരു കള്ളി കോണോടുകോൺ നീക്കി എതിർ കരുവിനെ വെട്ടിയെടുക്കുന്നു.
നിയമങ്ങൾ
[തിരുത്തുക]
കളിയുടെ ആരംഭനിലയിൽ ഫ്യൂഡൽ പ്രഭുക്കൾ (കാലാളുകൾ) മാത്രമാണ് കളിക്കളത്തിൽ ഉണ്ടാവുന്നത്. ചുവന്ന കളിക്കാരനാണ് (ഇവിടെ കാണിച്ചിരിക്കുന്നത് വെളുത്ത കരുക്കളാണ്) ആദ്യവും, പിന്നീട് കറുത്ത കളിക്കാരനും അവരുടെതായ കരുക്കളെ കളിക്കളത്തിൽ, അവരുടെതായ പകുതിയിൽ സജ്ജീകരിക്കുന്നു (sit-tee അഥവാ സേനാവിന്യാസം): അവസാന റാങ്കിലെ ഏത് കള്ളികളിൽ വേണമെങ്കിലും തേരുകളെ വെയ്ക്കാം. ഔദ്യോഗിക മത്സരങ്ങളിൽ കളിക്കാർ അനോന്യം സേനാ വിന്യാസം കാണുന്നതു തടയാൻ ഒരു ചെറിയ കർട്ടൻ കളിക്കളത്തിന്റെ നടുവിൽ ഉപയോഗിക്കാറുണ്ട്. സാധ്യമാകാവുന്ന ഒരു പ്രാരംഭസജ്ജീകരണമാണ് ചിത്രത്തിൽ കൊടുത്തിരിക്കുന്നത്.
അവലംബം
[തിരുത്തുക]- ↑ Pritchard (1994), p. 31
പുറത്തേയ്ക്കുള്ള കണ്ണികൾ
[തിരുത്തുക]- Sittuyin by Hans L. Bodlaender, The Chess Variant Pages
- Sittuyin, the Burmese Chess by Jean-Louis Cazaux
- Burmese Traditional Chess by Dr. Peter Nicolaus, The Chess Variant Pages
- How to Play Sittuyin Ancientchess.com