അസ്ഥിരമായ പ്രകൃതിദത്ത മണ്ണിന്റെ ചരിവുകളെ സംരക്ഷിക്കുന്നതിനോ അല്ലെങ്കിൽ പുതിയതോ നിലവിലുള്ളതോ ആയ മണ്ണിന്റെ ചരിവുകൾ സുരക്ഷിതമായി നിലനിർത്താനോ അനുവദിക്കുന്ന ഒരു നിർമ്മാണ പരിഹാര മാർഗ്ഗമാണ് സോയിൽ നെയിലിംഗ്. [1]
ആദ്യം മൺചരുവിൽ ആഴത്തിൽ ഏകദേശം 1.5 മീറ്റർ അകലങ്ങളിൽ ഡ്രിൽ ചെയ്യുന്നു. തുടർന്ന് ബലമേറിയ ഉരുക്കുകമ്പികൾ മൺചരുവിലെ ഡ്രിൽ സുഷിരങ്ങളിലേക്ക് തുളച്ചുകയറ്റുന്നു. ഈ ഉരുക്കുകമ്പികൾ ലംബമായി 10 മുതൽ 20 ഡിഗ്രി വരെ ചരിവിലാണ് സ്ഥാപിച്ചിരിക്കുന്നത്. തുടർന്ന് ഇവയെ പരസ്പരം ബന്ധിപ്പിച്ച് ഉരുക്കുവല ആവരണം ചെയ്യുന്നു. ഈ ആവരണത്തെ ഷോട്ട്-ക്രീറ്റ് എന്നുപറയുന്നു. ഷോട്ട്-ക്രീറ്റിന് മുകളിൽ സിമെന്റ് ലേപനം ചെയ്യുകയും പ്രോജക്റ്റിന് ഒരു സൗന്ദര്യാത്മക ഫിനിഷ് സൃഷ്ടിക്കുകയും ചെയ്യുന്നു. [2]
1972 ൽ യൂ എസിലെ വെർസൈൽസിൽ ആണ് ആദ്യമായി സോയിൽ നെയിലിംഗ് സാങ്കേതികവിദ്യ ഉപയോഗിച്ചത്. ഇപ്പോൾ ലോകമെമ്പാടും ഈ സങ്കേതം ഉപയോഗപ്പെടുത്തുന്നു. [3]
തിരുവനന്തപുരത്തെ കഴക്കൂട്ടം-മുക്കോല ബൈപ്പാസ് നിർമ്മാണത്തോടനുബന്ധിച്ചുള്ള സംരക്ഷണ ഭിത്തി നിർമിച്ചിരിക്കുന്നത് സോയിൽ നെയിലിംഗ് സാങ്കേതിക വിദ്യയിലാണ്. [4] [5]