ഹെലൻ സ്റ്റോക്കർ

Helene Stöcker

ഒരു ജർമ്മൻ ഫെമിനിസ്റ്റും സമാധാനവാദിയും ജെൻഡർ ആക്ടിവിസ്റ്റുമായിരുന്നു ഹെലൻ സ്റ്റോക്കർ (ജീവിതകാലം, 1869 നവംബർ 13, വുപെർട്ടലിൽ - 24 ഫെബ്രുവരി 1943).

ജീവിതം

[തിരുത്തുക]

ഒരു കാൽവിനിസ്റ്റ് കുടുംബത്തിലാണ് സ്റ്റോക്കർ വളർന്നത്. യുക്തിക്കും ധാർമ്മികതയ്ക്കും പ്രാധാന്യം നൽകികൊണ്ട് പെൺകുട്ടികൾക്കായുള്ള ഒരു സ്കൂളിൽ ചേർന്നു.[1][2] വിദ്യാഭ്യാസം തുടരാൻ അവർ ബെർലിനിലേക്ക് പോയി. തുടർന്ന് ബെർൺ സർവകലാശാലയിൽ പഠിച്ചു. അവിടെ ഡോക്ടറേറ്റ് നേടിയ ആദ്യത്തെ ജർമ്മൻ വനിതകളിൽ ഒരാളായി. 1905-ൽ അവർ ലീഗ് ഫോർ ദി പ്രൊട്ടക്ഷൻ ഓഫ് മദേഴ്‌സ് (ബണ്ട് ഫോർ മട്ടേഴ്‌ഷട്ട്സ്, ബി.എഫ്.എം) സ്ഥാപിക്കാൻ സഹായിച്ചു. [3] അവർ ഓർഗനൈസേഷന്റെ മാസികയായ മട്ടേഴ്‌ഷട്ട്സ് (1905-1908), തുടർന്ന് ഡൈ ന്യൂ ജനറേഷൻ (1906–1932) എന്നിവയുടെ പത്രാധിപരായി.[1]

1909-ൽ സ്വവർഗരതിയെ കുറ്റകരമാക്കുന്ന നിയമത്തിൽ ലെസ്ബിയൻ സ്ത്രീകളെ ഉൾപ്പെടുത്തുന്നതിൽ നിന്ന് ജർമ്മൻ പാർലമെന്റിനെ വിജയകരമായി സ്വാധീനിക്കാൻ മാഗ്നസ് ഹിർഷ്ഫെൽഡിനോടൊപ്പം ചേർന്നു.[4]നിയമാനുസൃതം വിവാഹം ചെയ്‌തിട്ടില്ലാത്തവരുടെ കുട്ടികളുടെ തുല്യത, അലസിപ്പിക്കൽ നിയമവിധേയമാക്കൽ, ലൈംഗിക വിദ്യാഭ്യാസം എന്നിവയെല്ലാം സ്റ്റോക്കറുടെ സ്വാധീനമുള്ള പുതിയ തത്ത്വചിന്തയെ അനുകൂലിച്ചു. പുരുഷന്മാരും സ്ത്രീകളും തമ്മിൽ ആഴത്തിലുള്ള ബന്ധം സൃഷ്ടിക്കുന്നതിലൂടെ ഒടുവിൽ സ്ത്രീകളുടെ രാഷ്ട്രീയ സാമൂഹിക സമത്വം കൈവരിച്ചു.

ഒന്നാം ലോകമഹായുദ്ധസമയത്തും വെയ്മർ കാലഘട്ടത്തിലും, സ്റ്റോക്കറുടെ താൽപ്പര്യം സമാധാന പ്രസ്ഥാനത്തിലെ പ്രവർത്തനങ്ങളിലേക്ക് മാറി. 1921-ൽ ബിൽതോവനിൽ, കീസ് ബോകെ, വിൽഫ്രഡ് വെല്ലോക്ക് എന്നിവർ ചേർന്ന്, പാക്കോ ("സമാധാനം" എന്നതിന്റെ എസ്പെറാന്റോ വാക്ക്) എന്ന പേരിൽ ഒരു സംഘടന സ്ഥാപിച്ചു. പിന്നീട് അത് വാർ റെസിസ്റ്റേഴ്സ് ഇന്റർനാഷണൽ (ഇന്റർനാഷണൽ ഡെർ ക്രീഗ്സ്ഡിയൻസ്റ്റ്ഗെഗ്നർ, WRI) എന്നറിയപ്പെട്ടു. വെയ്മർ ലൈംഗിക പരിഷ്കരണ പ്രസ്ഥാനത്തിലും അവർ വളരെ സജീവമായിരുന്നു. സ്ത്രീകൾക്കും പുരുഷന്മാർക്കും ഗർഭനിരോധനം, വിവാഹ ഉപദേശം, ചിലപ്പോൾ ഗർഭഛിദ്രം, വന്ധ്യംകരണം എന്നിവയ്‌ക്കായി പോകാവുന്ന നിരവധി ലൈംഗികാരോഗ്യ ക്ലിനിക്കുകൾ ബണ്ട് ഫർ മട്ടർഷൂട്ട്സ് സ്‌പോൺസർ ചെയ്‌തു. 1929 മുതൽ 1932 വരെ, ഗർഭച്ഛിദ്രാവകാശങ്ങൾക്കായി അവർ അവസാനമായി ഒരു നിലപാട് സ്വീകരിച്ചു. 1930 ഡിസംബർ 31-ന് പുറപ്പെടുവിച്ച ഒരു പേപ്പൽ എൻസൈക്ലിക്കിന് ശേഷം, കാസ്റ്റി കൺനൂബി, സന്താനോല്പാദനം ഉദ്ദേശിക്കാതെയുള്ള ലൈംഗികതയെ അപലപിച്ചു.[5] സമൂലമായ ലൈംഗിക പരിഷ്കരണ പ്രസ്ഥാനം സോഷ്യലിസ്റ്റ്, കമ്മ്യൂണിസ്റ്റ് പാർട്ടികളുമായി സഹകരിച്ച് ഗർഭച്ഛിദ്രം നിരോധിക്കുന്ന ഖണ്ഡിക 218 ന് എതിരെ ഒരു അന്തിമ പ്രചാരണം ആരംഭിച്ചു. ആത്യന്തികമായി പരാജയപ്പെട്ട ഒരു കാമ്പെയ്‌നിൽ സ്റ്റോക്കർ അവരുടെ പ്രതീകാത്മക ശബ്ദം ചേർത്തു.


ജർമ്മനിയിൽ നാസികൾ അധികാരത്തിൽ വന്നപ്പോൾ, നാസികൾ ഓസ്ട്രിയ ആക്രമിച്ചപ്പോൾ സ്റ്റോക്കർ ആദ്യം സ്വിറ്റ്സർലൻഡിലേക്കും പിന്നീട് ഇംഗ്ലണ്ടിലേക്കും പലായനം ചെയ്തു. സ്റ്റോക്കർ സ്വീഡനിലെ ഒരു PEN എഴുത്തുകാരുടെ സമ്മേളനത്തിൽ പങ്കെടുക്കുകയായിരുന്നു, യുദ്ധം പൊട്ടിപ്പുറപ്പെട്ടപ്പോൾ നാസികൾ നോർവേ ആക്രമിക്കുന്നതുവരെ അവിടെ തുടർന്നു, ആ സമയത്ത് അവൾ ട്രാൻസ്-സൈബീരിയൻ റെയിൽവേയിൽ ജപ്പാനിലേക്ക് പോയി. ഒടുവിൽ 1942-ൽ അമേരിക്കയിൽ എത്തി. അവൾ ഒരു അപ്പാർട്ട്മെന്റിലേക്ക് മാറി. NYC-യിലെ റിവർസൈഡ് ഡ്രൈവിൽ 1943-ൽ ക്യാൻസർ ബാധിച്ച് മരിച്ചു.

കുറിപ്പുകൾ

[തിരുത്തുക]
  1. ↑ 1.0 1.1 "ആർക്കൈവ് പകർപ്പ്" (PDF). Archived from the original (PDF) on 2019-08-14. Retrieved 2021-03-25.
  2. ↑ "Helene Stöcker (1869-1943)" (PDF). MUVS. Archived from the original (PDF) on 2019-08-14. Retrieved 2021-03-25.
  3. ↑ "Helene Stöcker Papers (DG 035), Swarthmore College Peace Collection". www.swarthmore.edu. Archived from the original on 2019-04-23. Retrieved 2018-11-12.
  4. ↑ Elena Mancini, Magnus Hirschfeld and the Quest for Sexual Freedom, Palgrave Macmillan, 2010, p. 25
  5. ↑ "Casti connubii".

അവലംബം

[തിരുത്തുക]
  • Atina Grossmann: Reforming Sex: The German Movement for Birth Control and Abortion Reform, 1920-1950. Oxford University Press, Oxford, 1995. ISBN 0-19-512124-4
  • Christl Wickert: Helene Stöcker 1869 - 1943. Frauenrechtlerin, Sexualreformerin und Pazifistin. Dietz Verlag, Bonn, 1991. ISBN 3-8012-0167-8
  • Gudrun Hamelmann: Helene Stöcker, der 'Bund für Mutterschutz' und 'Die Neue Generation'. Haag Verlag, Frankfurt am Main, 1998. ISBN 3-89228-945-X
  • Rolf von Bockel: Philosophin einer "neuen Ethik": Helene Stöcker (1869-1943). 1991. ISBN 3-928770-47-0
  • Annegret Stopczyk-Pfundstein: Philosophin der Liebe. Helene Stöcker. BoD Norderstedt, 2003. ISBN 3-8311-4212-2

കൂടുതൽ വായനയ്ക്ക്

[തിരുത്തുക]
  • Edward Ross Dickinson, Sex, Freedom, and Power in Imperial Germany, 1880–1914, Cambridge University Press, 2014. ISBN 1-1074-7119-2