Түдэвийн Үйтүмэн

Түдэвийн Үйтүмэн (1939 оны 12-р сарын 29-нд Говь-Алтай аймгийн Бигэр суманд төрсөн- 1993 онд нас барсан) нь шатрын спортоор Монголоос төрсөн анхны олон улсын мастер (1965) хүн байв.[1]

Намтар

[засварлах | кодоор засварлах]

Говь-Алтай аймгийн дунд сургуульд байхдаа Бүдээхүү гэж хүнээр шатар заалгаж тоголдог болсон. 1963 онд хотод шилжиж ирээд алдарт Найдангийн Намжил багшийн шавь болж Улсын шигшээ багт орсон байна.

Т.Үйтүмэн 1969 онд Сингапурт зохиогдсон Азийн бүсийн тэмцээнд түрүүлж,[2] бүс хоорондын тэмцээнд оролцох эрх авсан бөгөөд 1970 онд Пальма де Мальоркад болсон бүс хоорондын тэмцээнд Роберт Фишер түрүүлэхэд 20-22-р байр эзэлж байв.[3] Тус тэмцээнд Үйтүмэн Фишертэй тэнцсэн.

Үйтүмэний оролцсон бусад олон улсын тэмцээний амжилтыг дурьдвал, 1964 онд Сочид 15-р байр (Чигорины нэрэмжит, ялагч Николай Крогиус);[4] 1965 онд мөн Сочид 15-р байр (Чигорины нэрэмжит, ялагч Вольфганг Унцикер ба Борис Спасский);[5] 1967 онд Хаванад 9-р байр (Армийн 4-р ДАШТ, ялагч Властимил Хорт);[6] 1971 онд Тбилисид 11-13-р байр (Гоглидзегийн нэрэмжит);[7] 1973 онд Дубнад 9-р байр (ялагч Михаиль Таль ба Ратмир Холмов).[8]

1972, 1978, 1986 онд 3 удаа улсын аварга болсон Үйтүмэн шатрын олимпиадад 6 удаа (1964–1974) эх орноо төлөөлөн оролцсоноос Тель-Авив 1964-өөс 2-р ширээнд алтан медаль (+11 −1 =5), Зиген 1970-аас 2-р ширээнд мөнгөн медаль (+12 −3 =3) хүртжээ.[9] Тэрээр мөн Монголын бүх ард түмний спартакиадад 2 удаа түрүүлсэн.

Дурсгал

[засварлах | кодоор засварлах]

Төрөлх Говь-Алтай аймгийн Бигэр сумын 12 жилийн дунд сургууль түүний нэрэмжит болсон.

Эшлэл

[засварлах | кодоор засварлах]
  1. ↑ "Т.Үйтүмэн" [T. Ujtumen]. MongolChess. Archived from the original on 2016-08-22. Татаж авсан: 2015-05-31.
  2. ↑ "Zonals in USSR, CIS and Asia". Archived from the original on 2011-06-05. Татаж авсан: 2016-11-28.
  3. ↑ World Chess Championship : 1970-72 cycle : 1970 Palma de Mallorca Interzonal
  4. ↑ Chigorin mem 1964 at the Wayback Machine (архивлагдсан Аравдугаар сар 27, 2009)
  5. ↑ Chigorin mem 1965 at the Wayback Machine (архивлагдсан Аравдугаар сар 27, 2009)
  6. ↑ Chessmetrics Player Profile: Tudev Ujtumen
  7. ↑ "Archive copy". Archived from the original on 2009-10-21. Татаж авсан: 2009-10-25.{{cite web}}: CS1 maint: archived copy as title (link)
  8. ↑ "Archive copy". Archived from the original on 2009-10-21. Татаж авсан: 2009-10-25.{{cite web}}: CS1 maint: archived copy as title (link)
  9. ↑ OlimpBase

Гадны холбоос

[засварлах | кодоор засварлах]