वन अप हा काइल न्यूमन दिग्दर्शित आणि ज्युलिया यॉर्क यांनी लिहिलेला २०२२ चा अमेरिकन कॉमेडी चित्रपट आहे. यात पॅरिस बेरेल्क, टेलर झाखर पेरेझ, हरी नेफ आणि रुबी रोज यांच्या भूमिका आहेत.[१] हा चित्रपट १५ जुलै २०२२ रोजी ॲमेझॉन स्टुडिओद्वारे रिलीज करण्यात आला.[२]
विवियन “व्ही” ली ही एक स्पर्धात्मक गेमर आहे तिच्या प्रभावी कौशल्यामुळे तिला महाविद्यालयीन शिष्यवृत्ती मिळाली आहे. तिला बॅरेट युनिव्हर्सिटीच्या पुरुष-प्रधान संघ बेटासमध्ये स्थान मिळाले आहे. पण जेव्हा बेटासचा कर्णधार डस्टिन व्ही ला सांगते की ती कधीही सुरुवातीची खेळाडू होणार नाही, तेव्हा ती त्या गोष्टीला एक आव्हान म्हणून स्विकारते. तिची जिवलग मैत्रिण स्लोअन यात सामील होते आणि तिचे प्रशिक्षक पार्कर यांच्या मार्गदर्शनाखाली, व्ही ने एका समान ध्येयाने एकत्र येण्यासाठी एक फक्त-मुलींचा संघ तयार करते. याचे धेय्य राष्ट्रीय स्तरापर्यंत पोहोचणे आणि बेटास संघाला हरवणे असे असते.[३]
ऑक्टोबर २०२० मध्ये, इलियट पेज आणि पॅरिस बेरेल्क या चित्रपटाच्या कलाकारांमध्ये सामील झाल्याची घोषणा करण्यात आली. काइल न्यूमन ज्युलिया यॉर्क्सच्या पटकथेवरून दिग्दर्शन करणार आहे, बझ फीड स्टुडिओ या चित्रपटाची निर्मिती करणार आहेत.[४] जानेवारी २०२१ मध्ये, रुबी रोझ, टेलर झाखर पेरेझ, हरी नेफ आणि निकोलस कूम्बे चित्रपटाच्या कलाकारांमध्ये सामील झाले, रोझने पेजच्या जागी लायन्सगेटने वितरण केले.[५]
मुख्य फोटोग्राफी २७ नोव्हेंबर २०२० ते २१ फेब्रुवारी २०२१ या कालावधीत टोरोंटो येथे झाली.[६][७]
.jpeg){kind=link}