इप्सिता रॉय चक्रवर्ती
| इप्सिता रॉय चक्रवर्ती | |
|---|---|
 | |
| जन्म |
इप्सिता चक्रवर्ती ३ नोव्हेंबर, १९५० कोलकाता, पश्चिम बंगाल, भारत |
| राष्ट्रीयत्व | भारतीय |
| पेशा | विक्कन पुजारी , कलाकार, लेखक, कार्यकर्ता |
| प्रसिद्ध कामे | विक्कन पुजारी |
| जोडीदार | जयंता रॉय, मृत |
| अपत्ये | दीप्त रॉय चक्रवर्ती |
|
संकेतस्थळ [१] | |
इप्सिता रॉय चक्रवर्ती (जन्म ३ नोव्हेंबर १९५०) ह्या भारतातील विक्कन पुजारी आहेत. त्यांचे जन्म नाव इप्सिता चक्रवर्ती होते. त्यांचे वडील मुत्सद्दी आणि आई राजेशाही घाराण्यातील होती. त्या भारतातील एका उच्चभ्रू कुटुंबात जन्मल्या होत्या. त्यांनी सुरुवातीची वर्षे कॅनडा आणि यूएसमध्ये घालवली. तिथे तिचे वडील तैनात होते. तेथे त्यांना जगातील प्राचीन संस्कृतींचा आणि जुन्या पद्धतींचा अभ्यास करणाऱ्या महिलांच्या निवडक गटात सामील होण्याची परवानगी देण्यात आली. इप्सिता चक्रवर्ती यांनी त्यांच्यासोबत तीन वर्षे अभ्यास केला आणि शेवटी विक्काला हा धर्म निवडला. भारतात परत आल्यानंतर आणि लग्न केल्यानंतर, चक्रवर्ती यांनी १९८६ मध्ये स्वतःला चेटकिण म्हणून घोषित केले. तिच्या घोषणेनंतर झालेल्या प्रतिक्रियांदरम्यान, चक्रवर्ती यांनी माध्यमांना विक्काचे निओ पॅगन मार्ग आणि त्याची उपचार शक्ती स्पष्ट केली.
चक्रवर्ती यांनी भारतातील लोकांना बरे करण्याचे विक्कन मार्ग प्रशासित करण्यास सुरुवात केली. ज्यात दुर्गम खेड्यांमध्ये प्रवास करणे आणि महिला लोकसंख्येला विक्कन मार्ग शिकवणे समाविष्ट होते. ज्यापैकी बऱ्याच महिलांना काळ्या जादूचा वापर केल्याबद्दल पुरुष लोकांकडून आरोप करण्यात आला आणि त्यांची हत्या करण्यात आली. १९९८ मध्ये, चक्रवर्ती यांनी हुगळी जिल्ह्यात भारतीय राष्ट्रीय काँग्रेसचे उमेदवार म्हणून प्रचार केला. परंतु त्या निवडून आल्या नाहीत. त्यांनी २००३ मध्ये त्यांचे आत्मचरित्र बेलव्हड विच (प्रिय चेटकिण) प्रसिद्ध केले. सॅक्रेड इविल: एनकाउंटरस विथ द अन्नोन नावाचे दुसरे पुस्तक २००६ मध्ये प्रसिद्ध झाले. त्यात विक्कन हीलर म्हणून त्यांच्या आयुष्यातील नऊ केस स्टडीज आणि त्या घटना का घडल्या याचे वर्णन केले आहे. दोन्ही पुस्तकांना समीक्षकांची सकारात्मक प्रशंसा मिळाली.
सॅक्रेड इविल: एनकाउंटरस विथ द अन्नोन हे पुस्तक सहारा वन पिक्चर्सने मोशन पिक्चरमध्ये बनवले आहे. सेक्रेड एव्हिल – अ ट्रु स्टोरी असे शीर्षक असलेल्या या चित्रपटात बॉलीवूड अभिनेत्री सारिकाने चक्रवर्तीची भूमिका केली होती. हा चित्रपट व्यावसायिक निराशाजनक होता पण समीक्षकांकडून त्याला संमिश्र प्रतिसाद मिळाला. चक्रवर्ती यांनी विक्कन ब्रिगेड सुरू केली. ज्यांना विक्काचा अभ्यास करायचा आहे त्यांच्यासाठी एक व्यासपीठ आहे. नंतर, बंगाली टीव्ही चॅनल ईटीव्ही बांग्ला, चक्रवर्तीच्या जीवनावर आणि अलौकिक अनुभवावर आधारित दोन टेलि-सिरियल तयार केल्या. चक्रवर्ती, ज्यांना विश्वास आहे की विक्का ही इतिहासातील पहिली स्त्रीवादी चळवळ आहे. त्यांना भारतात आणि उर्वरित जगामध्ये जादूटोण्याच्या निषिद्ध विषयावर नवीन प्रकाश टाकण्याचे श्रेय दिले जाते.
संदर्भ
[संपादन]- रॉय चक्रवर्ती, इप्सिता (२००३), बेलव्हड विच: ॲन ऑटोबायोग्राफी , हार्परकॉलिन्स, पाने. २८३, ISBN 81-7223-380-9
- रॉय चक्रवर्ती, इप्सिता (२००६), सेक्रेड एविल: एनकाउंटर्स विथ द अननोन, हार्परकॉलिन्स, पाने. २००, ISBN 81-7223-452-X
बाह्य दुवे
[संपादन]- अधिकृत संकेतस्थळ Archived 2016-03-03 at the Wayback Machine.