Alziro Bergonzo

Alziro Bergonzo
Ħajja
Twelid Bergamo, 30 Diċembru 1906
Nazzjonalità Italja
Renju tal-Italja
Mewt Milan, 22 Mejju 1997
Edukazzjoni
Alma mater Università Politeknika ta' Milan
Lingwi Taljan
Okkupazzjoni
Okkupazzjoni arkitett
pittur

Alziro Bergonzo (30 ta’ Diċembru 1906 – 22 ta’ Mejju 1997) kien perit u pittur Taljan. L-istil primarju tiegħu kien Stile Littorio razzjonalizzat.[1]

Huwa kien iben Luigi Bergonzo, gradwat fl-inġinerija minn Berna li kien mar jgħix Bergamo fil-bidu tas-snin 1900. Studja fil-Liceo Sarpi, qabel ma rreġistra fil-Fakultà tal-Arkitettura fl-Università Politeknika ta’ Milan fl-1925, fejn iltaqa’ ma’ Franco Albini u Giancarlo Palanti [it] . L-istudji tiegħu ġew interrotti mis-servizz militari, iżda huwa ggradwa fl-1933.

Ħadem fl-istudjo stabbilit ta’ missieru, li għenitu jsir jaf direttament professjonisti u artisti oħra rinomati fil-qasam tad-dekorazzjoni. Ġiet innotata l-kwalità tax-xogħol bikri tiegħu u beda jirċievi kummissjonijiet minn diversi klijenti pubbliċi u privati, ħafna drabi f'Bergamo.

Meta faqqgħet it-Tieni Gwerra Dinjija, huwa mexxa l-istudjo tiegħu lejn Ruma, fejn ipparteċipa fil-kompetizzjoni tal-UE42 u kkollabora ma' Luigi Moretti għall-Foro Italico.

Ir-raba' Bieb il-Belt tal-Belt Valletta, Malta, li kien iddisinjat minn Bergonzo u nbena fl-1964–65. Dan twaqqa' fl-2011

Wara l-gwerra, tneħħa mir-reġistru professjonali għal raġunijiet politiċi, iżda fl-1946 reġa' ddaħħal u rebaħ kompetizzjoni għal-Lido di Venezia. Ix-xogħol ta' wara l-gwerra ta' Bergonzo jinkludi l-Casa Trussardi f'Bergammo, it-Teatru Manzoni f'Milan, xogħlijiet tal-port fl-Arabja Sawdija, u teatru fil-Kajr. Huwa ddisinja wkoll ir-raba’ Bieb il-Belt tal-Belt Valletta, Malta f’nofs is-snin sittin.[1]

Wara li ddisinja bosta xogħlijiet pubbliċi, Bergonzo beda jaħdem biss għall-klijenti privati, fl-istess ħin jiddedika ftit mill-ħin tiegħu għall-pittura, speċjalment fl-aħħar ftit snin ta’ ħajtu. Miet f’Milan fl-1997, ftit wara l-ftuħ tal-aħħar xogħol ewlieni tiegħu, il-Piazza della Libertà l-ġdida f’Bergamo.[2]

Xogħlijiet

[immodifika | immodifika s-sors]
Casa dell'ONB, illum awditorju Modernissimo, Nembro, 1936
Casa Littoria, illum Palazzo della Libertà, Bergamo, 1939
Casa del Fascio, Nembro, 1940
  • Hotel Franceschetti, passo Presolana (1929)
  • Casa Pellegrini, Bergamo (1932–33)
  • Casa del Balilla, Bergamo (1932)
  • Funtana ta Porta Nuova [it], Bergamo (1935)
  • Colonia elioterapica, Palazzolo sull'Oglio (1935–36)
  • Casa del Fascio, Caravaggio (1935–37)
  • Casa del'Opera Nazionale Balilla (issa Auditorium Modernissimo), Nembro (1936)
  • Casa Littoria (issa Casa della Libertà), Bergamo (1937–40)
  • Municipio, Palazzo Italo Balbo, Nembro (1940)
  • Torre dei Venti [it], casello autostradale di Bergamo (1940–41)
  • Casa Trussardi, Bergamo alta (1945)
  • Teatro Manzoni [it], Milan (1946–50)
  • Palazzo dei congressi, Stresa (1956–57)
  • Fabbrika tat-tessuti Reggiani divisione (estensjoni), Bergamo (1957–66)
  • Chiesa dei Tre Martiri, Rimini
  • Ir-Raba’ Bieb tal-Belt, Valletta, Malta (1964–65)
  • Fountain of Porta Nuova, Bergamo, 1935
    Funtana ta' Porta Nuova, Bergamo, 1935
  • Extension of Reggiani divisione tessile factory, Bergamo, 1954-57 (photo by Paolo Monti)
    Estensjoni tal-fabbrika tat-tessuti Reggiani divisione, Bergamo, 1954-57 (ritratt ta'Paolo Monti)
  • Palazzo Congressi, Stresa, 1956–57
    Palazzo Congressi,Stresa, 1956–57
  • Church of Sant'Antonio, piazza Tre Martiri, Rimini, 1963
    Knisja ta' Sant'Antonio, piazza Tre Martiri, Rimini, 1963

Referenzi

[immodifika | immodifika s-sors]
  1. ^ a b Muscat, Mark Geoffrey (2016). "The Fascist Interlude and Stile Littorio". Maltese Architecture 1900–1970: Progress and Innovations. Valletta: Fondazzjoni Patrimonju Malti. pp. 58–60. ISBN 9789990932065.
  2. ^ Vitali, P. (2011). "Dinamico rigore di volumi. Ampliamento della Reggiani divisione Tessile a Bergamo". ARK 6: 8–11 (bit-Taljan). Miġbur 2024-10-18.