Ambra Sabatini
| Ambra Sabatini | |
|---|---|
 | |
| Ħajja | |
| Twelid | Livorno, 19 Jannar 2002 (23 sena) |
| Nazzjonalità | Italja |
| Residenza | Porto Ercole |
| Okkupazzjoni | |
| Okkupazzjoni | atleta tal-Logħob Paraolimpiku |
| Premjijiet |
List
|
Ambra Sabatini (Livorno, twieldet fid-19 ta' Jannar 2002) hija atleta Paraolimpika Taljana.
Bijografija
[immodifika | immodifika s-sors]Twieldet fl-2002 f'Livorno, iżda trabbiet u hija residenti f'Porto Ercole. Tipprattika l-isport minn mindu kienet żgħira, l-ewwel l-iskejzjar għal sentejn, imbagħad il-volleyball għal sitt snin, u fl-aħħar nett fl-atletika fit-tlielaq fuq distanza medja.[1][2] Fil-5 ta' Lulju 2019, hi u sejra għal taħriġ tal-atletika f'Grosseto, l-iscooter li kienet fuqu u li kien qed isuq missierha ntlaqat minn karozza li daħlet fil-korsija tagħhom: b'konsegwenza ta' dan l-inċident, kellhom jamputawlha r-riġel tax-xellug min-naħa ta' fuq tal-irkoppa. Wara r-riabilitazzjoni, mill-ewwel bdiet tipprattika l-għawm u ċ-ċikliżmu, peress li inizjalment ma kellhiex protesi għall-ġiri: din waslitilha fl-2020, u b'hekk setgħet terġa' tibda ttellaq fl-atletika, l-ewwel fil-kampjonati Taljani Paraolimpiċi b'riżultati mill-aqwa, u mbagħad saħansitra fil-Grand Prix ta' Dubai fejn ħadet sehem fil-100 metru wita tal-kategorija T63 f'14"59, fejn irreġistrat ir-rekord dinji Paraolimpiku ġdid, li kien validu għall-kwalifikazzjoni għal-Logħob Paraolimpiku ta' Tokjo, il-Ġappun, tal-2020.
F'dak il-Logħob, fl-ewwel parteċipazzjoni tagħha, rebħet il-medalja tad-deheb u kisret ir-rekord dinji tagħha stess b'ħin ta' 14"11, qabel l-atleti Taljani l-oħra Martina Caironi u Monica Graziana Contrafatto.[3] Fit-13 ta' Lulju 2023 rebħet il-medalja tad-deheb fil-Kampjonat Dinji ta' Pariġi, fejn irreġistrat ir-rekord dinji (din id-darba b'ħin ta' 13"98) qabel iż-żewġ atleti Taljani tat-tim tagħha.[4]
Rekords
[immodifika | immodifika s-sors]- 100 metri wita:
- 13"98 (Pariġi, it-13 ta' Lulju 2023)
- 200 metri wita:
- 29"87 (Jesolo, it-8 ta' Mejju 2022)
Medalji
[immodifika | immodifika s-sors]| Sena | Avveniment | Sede | Tip | Riżultat | Prestazzjoni |
|---|---|---|---|---|---|
| 2021 | Logħob Paraolimpiku | Tokjo | 100 metru wita T63 | Deheb | 14"11 |
| 2023 | Kampjonat Paraolimpiku Dinji | Pariġi | 100 metru wita T63 | Deheb | 13"98 |
Kampjonati nazzjonali
[immodifika | immodifika s-sors]- 2020
- Bronż fil-kampjonati Taljani assoluti Paraolimpiċi, 100 metru T63 - 16"68
- Fidda fil-kampjonati Taljani assoluti Paraolimpiċi, qabża fit-tul T63 - 3,83 metru
- 2021
- Deheb fil-kampjonati Taljani assoluti Paraolimpiċi fuq ġewwa, 60 metru T63
- Deheb fil-kampjonati Taljani assoluti Paraolimpiċi, 100 metru T63 - 14"87
- 2022
- Deheb fil-kampjonati Taljani assoluti Paraolimpiċi, 200 metru T63 - 29"78
- 2023
- Fidda fil-kampjonati Taljani assoluti Paraolimpiċi fuq ġewwa, 60 metru T63 - 9"17
- Deheb fil-kampjonati Taljani assoluti Paraolimpiċi, 200 metru T63 - 31"23
Kompetizzjonijiet internazzjonali oħra
[immodifika | immodifika s-sors]- 2021
- Deheb fil-Grand Prix Dubai (Dubai), 100 metru T63 - 14"59
Unuri
[immodifika | immodifika s-sors]Kullar tad-deheb għall-mertu sportiv
— Ruma, l-20 ta' Diċembru 2021[5]
Grifun tad-deheb
— Grosseto, l-10 ta' Awwissu 2022[6]
Referenzi
[immodifika | immodifika s-sors]- ^ "Ambra Sabatini - art4sport". web.archive.org. 2021-06-24. Arkivjat minn l-oriġinal fl-2021-06-24. Miġbur 2023-11-27.
- ^ "Ambra Sabatini, oro nei 100 mt alle Paralimpiadi: chi è la recordwoman dell'Argentario - CorriereFiorentino.it". web.archive.org. 2021-09-05. Arkivjat mill-oriġinal fl-2021-09-05. Miġbur 2023-11-27.Manutenzjoni CS1: BOT: url-oriġinali status mhux magħruf (link)
- ^ "Sabatini, Caironi e Contrafatto, che impresa: fantastico tris nei 100!". La Gazzetta dello Sport (bit-Taljan). 2021-09-04. Miġbur 2023-11-27.
- ^ "Meraviglia azzurra a Parigi! Sabatini oro col record, Caironi e Contrafatto sul podio". La Gazzetta dello Sport (bit-Taljan). 2023-07-13. Miġbur 2023-11-27.
- ^ "Consegnati i Collari d'Oro del magico 2021 dello sport italiano. Presente il Premier Draghi: continuate a stupirci. Malagò: stagione storica, secondi al mondo dietro gli USA". www.coni.it. 2021-12-20. Miġbur 2023-11-27.
- ^ "Ad Ambra Sabatini il Grifone d'oro 2022". Comune di Grosseto (bit-Taljan). Miġbur 2023-11-27.