Martin Laing

Martin Laing
Ħajja
Twelid 18 Jannar 1942
Mewt 27 Diċembru 2023
Edukazzjoni
Alma mater Emmanuel College (en) Translate
St Lawrence College (en) Translate
Okkupazzjoni
Okkupazzjoni negozjant
Premjijiet
List

Sir John Martin Kirby Laing CBE DL FRICS (18 ta' Jannar 1942 – 27 ta' Diċembru 2023) kien negozjant Brittaniku fl-industrija tal-kostruzzjoni.

Martin Laing kien president eżekuttiv ta’ John Laing plc, id-ditta mwaqqfa mill-bużnannu tiegħu James Laing (1816–1882), iżda rriżenja fl-2001 meta l-kumpanija ffaċċjat telf kbir fin-negozju tagħha tal-kostruzzjoni, u b'hekk spiċċat 152 sena u ħames ġenerazzjonijiet ta’ ġestjoni tal-familja.[1]

Ħajja bikrija u edukazzjoni

[immodifika | immodifika s-sors]

Iben Sir William Kirby Laing (1916-2009) u n-neputi ta’ Sir John William Laing (1879–1978), Martin kien edukat fil-Kulleġġ ta’ St. Lawrence, Ramsgate u l-Kulleġġ Emmanuel, Cambridge. [2]

Karriera

[immodifika | immodifika s-sors]

Fl-1985, huwa ħa post lil missieru Sir Kirby Laing bħala chairman ta' John Laing plc. Zijuh, Sir Maurice Laing, kien ukoll president għal xi żmien.[3]

Martin Laing ħa l-unur ta' kavallier Brittaniku (sir) fl-Unuri tas-Sena l-Ġdida 1997 għal servizzi lill-industrija tal-kostruzzjoni.

Laing baqa' president eżekuttiv tad-ditta tal-familja sal-2001 meta l-fergħa tal-kostruzzjoni tagħha nbiegħet għal £1 lil wieħed mis-sottokuntratturi tagħha, id-ditta tal-konkrit O'Rourke, immexxija minn Ray O'Rourke. In-negozju tal-kostruzzjoni John Laing kien meqjus bħala wieħed mill-kuntratturi l-kbar ta' żmienu, wara li bena kostuzzjonijiet ta' profil għoli inkluż it-Tieni Severn Crossing, iċ-Ċentru Barbican u l-impjant tal-enerġija nukleari Sizewell B, u l-bejgħ tiegħu kien mistenni li jġib 'il fuq minn £100m. Madankollu, in-negozju kien qed jiffaċċja għad ta' istanzi ta’ telf, li eventwalment ammontaw għal £200 miljun, fuq diversi xogħolijet fosthom il-Millennium Stadium ta’ Cardiff, in-National Physical Laboratory, skema PFI diżastruża f’Teddington, fil-punent ta’ Londra, u No 1 Poultry fis-City ta’ Londra. Bħala parti mill-ftehim, O'Rourke ħalla ħafna mill-kuntratti problematiċi ma' John Laing, u ħoloq Laing O'Rourke.[4]

John Laing sussegwentement biegħ in-negozji tal-proprjetà u tad-djar tiegħu lil Kier Group u Wimpey fl-2002, u sar negozju ta' investiment fl-infrastruttura qabel ma eventwalment ġie akkwistat mid-ditta ta' ekwità privata Amerikana Kohlberg Kravis Roberts fl-2021.[4]

Fil-klassifika tas-Sunday Times Rich List 2008 tal-aktar nies sinjuri fir-Renju Unit, Martin Laing tpoġġa fil-472 post b’fortuna stmata ta’ £175 miljun.[5]

Laing kien president tat-Trust għal aktar minn tliet deċennji. Huwa serva wkoll bħala president tal-British Overseas Trade Board mill-1995 sal-1999, u president tal-World Wide Fund for Nature UK mill-1990 sal-1997.[4] Huwa ġie elett fis- Soċjetà Smeatonjana tal-Inġiniera Ċivili fl-1986 u kien il-president tas-soċjetà fl-2008.[6][7]

Laing miet f’Malta fis-27 ta’ Diċembru 2023, fl-età ta’ 81 sena.[4]

Referenzi

[immodifika | immodifika s-sors]
  1. ^ "Chairman steps down from struggling Laing". The Telegraph. 28 September 2001. Miġbur 2 March 2019.
  2. ^ "Appeal Committees – St Paul's Pro-Cathedral" (bl-Ingliż). Miġbur 2023-10-31.
  3. ^ Goodman, Geoffrey (2008-02-25). "Sir Maurice Laing". The Guardian (bl-Ingliż). ISSN 0261-3077. Miġbur 2023-10-31.
  4. ^ a b ċ d Rogers, Dave (5 January 2024). "Sir Martin Laing dies aged 81". Building. Miġbur 5 January 2024.
  5. ^ Sunday Times Rich List 2008 online edition, business.timesonline.co.uk. Accessed 8 February 2023.
  6. ^ Watson, Garth (1989). The Smeatonians. Thomas Telford. p. 175.
  7. ^ "Smeatonian Society Presidents". Miġbur 14 January 2024.