Vaidehi

Vaidehi
Ħajja
Twelid Kundapura (en) Translate, 12 Frar 1945 (79 sena)
Nazzjonalità Indja
British Raj (en) Translate
Dominju tal-Indja
Edukazzjoni
Lingwi Kanariż
Okkupazzjoni
Okkupazzjoni poeta
kittieb
kittieb tal-kotba tat-tfal
Xogħlijiet importanti Krauncha Pakshigalu (en) Translate
Premjijiet
List
Psewdonomu Vaidehi

Janaki Srinivasa Murthy magħrufa l-aktar bil-psewdonimu tagħha Vaidehi, twieldet fit-12 ta' Frar 1945. Hija femminista u kittieba Indjana magħrufa sew għall-kitbiet fittizji bil-lingwa Kannada. Vaidehi hija waħda mill-kittieba nisa tal-lingwa Kannada li kisbet l-aktar suċċess fil-lingwa u ngħatat premji prestiġjużi ta’ livelli statali u nazzjonali.[1] Hi rebħet is-Sahitya Akademi Award għall-ġabra ta’ novelli tagħha ta’ novelli, Krauncha Pakshigalu fl-2009.[2]

Bijografija

[immodifika | immodifika s-sors]

Ħajja Bikrija

[immodifika | immodifika s-sors]

Vaidehi twieldet fit-12 ta’ Frar 1945 f’Kundapura taluki tad-distrett ta’ Udupi, Karnataka.[3]

Hi kienet ġejja mill-klassi soċjali tal-Brahmin, u trabbiet f’familja tradizzjonali kbira, ma’ missierha, A. V. N. Hebbar u ommha Mahalakshmi. Higgradwat b’baċellerat fil-Kummerċ mill-Kulleġġ Bhandarkar f’Kundapura. Missierha kien avukat u ommha kienet tieħu ħsieb id-dar. Huma kienu jitkellmu bid-djalett Kannadiż, magħruf bħala Kundapur Kannada, u Vaidehi tużah ukoll fix-xogħlijiet tagħha. [3][4] Vaidehi sar il-psewdonimu tagħha f’ċirkonstanzi mhux tas-soltu. Fil-bidu tal-karriera tagħha, kienet bagħtet storja għall-pubblikazzjoni f’rivista Kannada li toħroġ kull ġimgħa, iżda ftit wara talbet lill-pubblikatur biex ma jistampahiex, għax l-istorja ma kinitx kompletament fittizja u inkludiet ġrajja vera. Madankollu, l-editur injoraha u xorta ppubblika l-istorja billi bidlilha isimha għal ‘Vaidehi’. Dan l-isem baqgħet tużah għax-xogħlijiet ta’ wara, anki meta bdiet issir aktar popolari.

Ħajja miżżewġa

[immodifika | immodifika s-sors]

Vaidehi iżżewġet lil K. L. Srinivasa Murthy fl-età ta’ 23 sena. Huma kellhom żewġt ibniet, Nayana Kashyap u Pallavi Rao. Vaidehi marret tgħix f’Shivamogga wara li żżewġet. Imbagħad, il-familja marret toqgħod Udupi u aktar tard Manipal fejn għadha tgħix sal-lum il-ġurnata. Bint Vaidehi, Nayana Kashyap hija traduttriċi, kittieba tal-lingwa Kannada u għalliema tal-Ingliż. Hija ttraduċiet ftit mix-xogħlijiet letterarji ta’ Vaidehi għall-Ingliż, inkluż ħames rumanzi.

Xogħlijiet Letterarji

[immodifika | immodifika s-sors]

Ġabra ta' novelli

[immodifika | immodifika s-sors]
  • Mara Gida Balli (1979)
  • Antharangada Putagalu (1984)
  • Gola (1986)
  • Samaja Shastrajneya Tippanige (1991)
  • Hagga Kate (1992)
  • Ammacchi Yemba Nenapu (2000)
  • Hagalu Geechida Nenta
  • Krouncha Pakshigalu
  • Mallinathana Dhyana (1996)
  • Meju Mattu Badagi
  • Jatre

Referenzi

[immodifika | immodifika s-sors]
  1. ^ "Five Novellas by Women Writers". Arkivjat minn l-oriġinal fl-25 February 2012. Miġbur 18 February 2010.
  2. ^ "2009 Sahitya Akademi Award list" (PDF). Sahitya Akademi. Miġbur 19 February 2010.
  3. ^ a b "Standing at the threshold". The Hindu. Chennai, India. 1 January 2010. Arkivjat minn l-oriġinal fl-2011-06-04.
  4. ^ "A little-known 'Kannada' dialect on the wane". The Hindu. Chennai, India. 20 May 2009. Arkivjat minn l-oriġinal fl-25 May 2009.