Barzi ampeçou a correr an motos als 18 anhos. An 1923 bence l campeonato eitaliano pula purmeira beç. An 1926 bence outra beç. Nesse mesmo anho ampeça a correr an carros. An 1929 entra pa l'eiquipe Alfa Romeo.
A partir de 1936 para de correr por motibo de la Segunda Guerra Mundial l que debie ancerrar sue carreira defenitibamente. Mas an 1946 buolta a las pistas.
An 1948 durante l GP de Berna, perde l cuntrole de l sou Alfa 158 i sofre un acidente fatal.
Talbeç stubisses çtinado a morrer, Achille, porque na tua forma de cunduzir habie algo desse génio que ye un de ls maiores mistérios de la natureza, i la natureza sforça-se por çtruir aqueilhes que chegan demasiado acerca deilha. Bethoben fui golpeado cula xordeira quando pareciu star para trascender poderes de l'home na spresson musical. Galileo quedou ciego quando tentou sondar a anfenito i las sues leis. Las manos de Leonardo de la Binci fúrun aleijadas quando staba a punto de chegar mais próssimo de la perfeiçon de l que qualquiera outro home antes del. Tamien tu, Achille, fuste çtruído quando penseste ultrapassar l coincimiento que l'home ten de las frunteiras de la belocidade.
