၂၀၀၅ မေ ရန်ကုန် ဗုံးပေါက်ကွဲခြင်း | |
---|---|
ပြည်တွင်းသောင်းကျန်းမှုသမိုင်း ၏ တစ်စိတ်တစ်ပိုင်း | |
နေရာ | ရန်ကုန်မြို့၊ မြန်မာနိုင်ငံ |
ရက်စွဲ | ၇ မေ ၂၀၀၅ 3:10 pm[၁] (MMT) |
ပစ်မှတ် | မြို့ပြလူထု |
တိုက်ခိုက်မှု အမျိုးအစား | ဗုံးပေါက်ကွဲခြင်း |
သေဆုံးသူဦးရေ | ၁၁[၁][၂][၃] |
ဒဏ်ရာရဦးရေ | ၁၆၂[၂] |
၂၀၀၅ မေ ရန်ကုန် ဗုံးပေါက်ကွဲခြင်းသည် ရန်ကုန်မြို့၌ ၇ မေ ၂၀၀၅ ခုနှစ်တွင် ဆက်တိုက်ပေါက်ကွဲမှုဖြစ်ခဲ့သည့် ဗုံးပေါက်ကွဲမှု ဖြစ်စဉ်တစ်ခုဖြစ်ပြီး လူ ၁၁ ဦး သေဆုံးခဲ့ကာ ၁၆၂ ဒဏ်ရာရရှိခဲ့သည်။[၂][၄]
၇ မေ ၂၀၀၅ ခုနှစ်တွင် ရန်ကုန်မြို့ရှိ ကွန်ဗန်ရှင်းစင်တာ တစ်ခုနှင့် ဈေးဝယ်စင်တာ ၂ ခုတို့တွင် ဆက်တိုက်ဆိုသလို ဗုံးပေါက်ကွဲမှုများ ဖြစ်ပွားခဲ့သည်။[၂][၄] ပထမဆုံးပေါက်ကွဲမှုမှာ မင်္ဂလာတောင်ညွန့်မြို့နယ်ရှိ ထိုင်းကုန်စည်ပြပွဲတွင် ပေါက်ကွဲခဲ့ခြင်း ဖြစ်ပြီး လူသုံးဦး သေဆုံးခဲ့ရာ ဘုန်းကြီးတစ်ပါးပါဝင်ပြီး များစွာ ဒဏ်ရာရရှိခဲ့သည်။ ဒုတိယပေါက်ကွဲမှုသည် မရမ်းကုန်းမြို့နယ်ရှိ စီးတီးမတ်ဆိုင်တွင် ပေါက်ကွဲခဲ့ဖြစ်ပြီး နောက်ဆုံးပေါက်ကွဲမှုမှ မြေနီကုန်းလမ်းဆုံအနီးရှိ ဒဂုံစင်တာတွင် ပေါက်ကွဲခဲ့သည်။[၂]
အစိုးရ အာဏာပိုင်များက ကရင် အမျိုးသား အစည်းအရုံး၊ ရှမ်းပြည်တပ်မတော်-တောင်ပိုင်း၊ ကရင်နီအမျိုးသားတိုးတက်ရေးပါတီနှင့် ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရတို့ကို စွပ်စွဲပြစ်တင်ခဲ့ကြသည်။ ကရင်အမျိုးသားအစည်းအရုံးနှင့် ရှမ်းပြည်တပ်မတော်-တောင်ပိုင်းတို့သည် ထိုစွပ်စွဲချက်များကို ချက်ချင်း ငြင်းဆိုခဲ့ကြသည်။[၃]