| ဆော့ဖ်ဝဲလ်ရေးသူ(များ) | ထင်ဆင်လ်ဂီတ |
|---|---|
| တည်ငြိမ်သောထုတ်ပြန်မှု | * ဝင်းဒိုးစ် - ၁၇.၅၀.၀ ဇန်နဝါရီ ၁၇၊ ၂၀၂၀
|
| ကွန်ပျူတာ စက်လည်ပတ်ရေး စနစ် | မိုက်ခရိုဆော့ဖ် ဝင်းဒိုးစ် အက်ခ်စ်ပီနှင့်အထက်၊ ဂူဂဲလ် အန်းဒရွိုက်၊ အက်ပဲလ်မက်အိုအက်၊ အက်ပဲလ်အိုင်အိုအက် |
| ဆိုဒ် | 52.6MB (ဝင်းဒိုးစ်အတွက်)၊ 180MB (အန်းဒရွိုက်အတွက်)၊ 280.2MB (အိုင်အိုအက်အတွက်) |
| ရရှိနိုင်သော ဘာသာစကား | တရုတ်ရိုးရှင်း |
| ဆော့ဖ်ဝဲလ် အမျိုးအစား | ဂီတအစီအစဉ် |
| လိုင်စင် | စီးပွားဖြစ်ဆော့ဗ်ဝဲ |
| ဝက်ဘ်ဆိုဒ် | y.qq.com |
ကြူကြူဂီတ (တရုတ်: QQ音乐) သည် ထင်ဆင်လ်ဂီတမှ ပိုင်ဆိုင်သော တရုတ် ဖရီမီယံဂီတ ဝန်ဆောင်မှုသုံးခုအနက်မှ တစ်ခုဖြစ်သည်။ ၂၀၁၈ ခုနှစ်တွင် အခပေးစာရင်းသွင်း သုံးစွဲသူ သန်း ၁၂၀ ရှိပြီး သုံးစွဲသူသန်း ၇၀၀ ကျော်သို့ရောက်ရှိမည်ဖြစ်သည်။[၁] ကူဂိုနှင့်ကူဝိုးဟု လူသိများသော ဒုတိယနှင့် တတိယအကြီးဆုံး ဝန်ဆောင်မှုများကို ပိုင်ဆိုင်သော တရုတ်ဂီတကော်ပိုရေးရှင်းနှင့် ၂၀၁၆ ခုနှစ်တွင် ပူးပေါင်းခဲ့သည်။[၂] ဤပေါင်းစည်းမှုဖြင့် ကြူကြူဂီတသည် လက်ရှိအချိန်တွင် တရုတ်အွန်လိုင်းဂီတဈေးကွက်၏ ၁၅ ရာခိုင်နှုန်းကို ရရှိထားသည်။
ကြူကြူဂီတသည် အခမဲ့ဝန်ဆောင်မှုများကို အခမဲ့ပေးသော ဖရီမီယံစီးပွားရေးပုံစံအောက်တွင် လုပ်ဆောင်ပြီး အခပေး စာရင်းသွင်းခြင်းဖြင့် ပိုမိုသောအင်္ဂါရပ်ကို ရနိုင်သည်။ သို့သော်အလားတူ အခပေးသွင်းဝန်ဆောင်မှုဖြစ်သော စပေါ့တီဖိုင်းနှင့်မတူသည်မှာ ဂီတများသည် (VIP သို့မဟုတ် စိန်အစိမ်းရောင်ဟု လူသိများသော) အခပေးသုံးစွဲသူများအတွက်သာ ကန့်သတ်ထားနိုင်သည်။[၃] အချို့သော အယ်လ်ဘမ်များကို ဝယ်ယူမှသာ နားဆင်နိုင်ရန် ကန့်သတ်ထားသည်။[၄]
၂၀၂၀၊ မတ်လအထိ ကြူကြူဂီတတွင် အခပေးအမျိုးအစား သုံးမျိုးရနိုင်သည်။[၅]
| အမျိုးအစား | မိုဘိုင်းနှင့်ဒက်စ်တော့နားထောင်ခြင်း | အသံအရည်အသွေး | အော့ဖ်လိုင်း နားထောင်နိုင်မှု | နိုင်ငံရပ်ခြား နားထောင်နိုင်မှု | ဝယ်ယူနိုင်သောဂီတ | စိတ်ကြိုက်ပြုလုပ်နိုင်ခြင်း (မိုဘိုင်းအင်္ဂါရပ်) |
|---|---|---|---|---|---|---|
| ကြူကြူဂီတအခမဲ့ | သီချင်းအချို့ | 128kbps | သီချင်းအချို့ | မရှိ | မရှိ | မရှိ |
| ကြူကြူဂီတVIP | သီချင်းများအားလုံး (ဝယ်ယူရသော သီချင်းများ မပါ) | SQ lossless streaming အထိ | တစ်လလျှင် သီချင်း ၃၀၀ အထိ ကူးယူနိုင် | ရှိ | ရှိ | ရှိ |
| ကြူကြူဂီတဇိမ်ခံ | သီချင်းအားလုံး (ဝယ်ယူရသော သီချင်းများ မပါ) | SQ lossless streaming အထိ | တစ်လလျှင် သီချင်း ၅၀၀ အထိ ကူးယူနိုင် | ရှိ | ရှိ | ရှိ |