ပိလိယန်ဒလနာရီစင်တာဝါ
ကိုဩဒိနိတ်: 6°48′4″N 79°55′22″E / 6.80111°N 79.92278°E
| Piliyandala Clock Tower | |
|---|---|
 | |
 | |
| အထွေထွေ အချက်အလက်များ | |
| အမျိုးအစား | Clock tower |
| တည်နေရာ | Piliyandala, Sri Lanka |
| တည်ဆောက်မှု စတင် | 11 September 1952 |
| ပြီးစီး | 30 April 1953 |
| အမြင့် | 24m |
ပိလိယန်ဒလနာရီစင်တာဝါ သည် သီရိလင်္ကာနိုင်ငံ၊ ပိလိယန်ဒလမြို့တွင် တည်ရှိသည့် နာရီစင်တစ်ခု ဖြစ်သည်။ ဤနာရီစင်တာဝါသည် ပိလိယန်ဒလမြို့၏ အမှတ်အသားအနေဖြင့် လူသိများသည်။ ထိုဒေသတွင် နေထိုင်သူများနှင့် စာရွက်စာတမ်းအချက်အလက်များအရ ဤနာရီစင်တာဝါသည် ကျွန်းပေါ်ရှိ အမြင့်ဆုံးတစ်ခု ဖြစ်သည်။ အမြင့် ၂၃.၈ မီတာ (၇၈ ပေ)၊ လုံးပတ် ၄.၉ မီတာ (၁၆ ပေ) ရှိသည်။ နှစ်ခြောက်ဆယ်ကျော်ကြာမြင့်ပြီးဖြစ်သည့် ဤတာဝါကို ရှေးဟောင်းသုတေသနတန်ဖိုးတစ်ခုအနေဖြင့် ထားရှိကြသည်။ [၁]
သမိုင်း
[ပြင်ဆင်ရန်]D. Simon Samarakoon သည် သူ့ဖခင် Cornelis Wijewickrema Samarakoon နှင့် မိခင်ဖြစ်သူအား အမှတ်တရအနေဖြင့် နာရီစင်တာဝါကို စိုက်ထူပြုလုပ်ခဲ့သည်။ အောက်ခြေသည် ကျောက်တုံးဖြစ်ပြီး ၁၉၅၂ ခုနှစ်၊ စက်တင်ဘာလ ၂၂ ရက်နေ့တွင် ဒေသအစိုးရဝန်ကြီး C. W. W. Kannangara က စိုက်ထူခဲ့သည်။ တည်ဆောက်မှုများသည် ခုနစ်လအတွင်း ပြီးစီးခဲ့ပြီး ၁၉၅၃ ခုနှစ် ဧပြီလ ၃၀ ရက်နေ့တွင် လွှဲအပ်ခဲ့သည်။ [၂]
အသွင်အပြင်
[ပြင်ဆင်ရန်]နာရီစင်တွင် အထပ်သုံးခုပါရှိသည်။ အုတ်၊ ဘိလပ်မြေ စသည်တို့ဖြင့် တည်ဆောက်ထားသည်။ အပေါ်ဆုံးအထပ်ကို ကွန်ကရစ်ဖြင့် ပြုလုပ်ထားသည်။ အပေါ်ဆုံးအထပ်သို့ သံလှေကားဖြင့် တက်ရောက်နိုင်သည်။ လှေကား၏ အပေါ်ဆုံးအထပ်တွင် နာရီ၏စက်များကို လည်ပတ်လုပ်ဆောင်နေသည့် စက်သုံးခုရှိသည့် (၁.၅၂ x ၁.၂ မီတာ) သေတ္တာတစ်ခု တည်ရှိသည်။ စက်သုံးလုံးသည် နာရီကို စွမ်းအင်များပေးစွမ်းရန်အတွက် တစ်ပတ်လျှင်တစ်ကြိမ် ကြီးတစ်ခုဖြင့် တစ်ပြိုင်နက် လည်ပတ်ကြသည်။ နာရီစင်၏ မျက်နှာလေးဖက်တွင် နာရီတစ်လုံးစီရှိကြသည်။ ထိုနာရီများ၏ မျက်နှာပြင်များသည် ၁.၅၂ မီတာ (၅ ပေ) ကျော် ရှိကြသည်။
မိနစ်လက်တံသည် ၂ ပေခွဲရှည်သည်။ နာရီလက်တံသည် ၀.၆၁ မီတာ (၂ ပေ) ရှည်သည်။ ထို့အပြင် နာရီများကို ခေါင်းလောင်းသုံးခုဖြင့် တပ်ဆင်ထားသည်။ ထိုခေါင်းလောင်း တစ်ခုချင်းသည် ၀.၉၂ မီတာ (၃ ပေ) အမြင့် နှင့် ၀.၆၁ မီတာ (၂ ပေ) အကျယ် ရှိကြကာ တစ်နာရီတစ်ခါ အချက်ပေးသံမြည်ကြသည်။ [၁]
ကိုးကား
[ပြင်ဆင်ရန်]- ↑ ၁.၀ ၁.၁ Homage to 50 years old clock tower။ The Associated Newspapers of Ceylon Ltd။ 21 June 2015 တွင် ပြန်စစ်ပြီး။
- ↑ Sri Lanka Telecom Pura Varuna - Piliyandala Clock Tower။ Sri Lanka Telecom PLC။ 21 June 2015 တွင် ပြန်စစ်ပြီး။