မိမိအောင် | |
---|---|
မွေးဖွား | ၁၉၆၈ (အသက် ၅၅–၅၆) |
အဖွဲ့အစည်းဌာန | Jet Propulsion Laboratory |
မိခင်ကျောင်း | အာဘာသား ရှန်ပိန်း အီလီနှိုက်စ် တက္ကသိုလ် |
ထင်ပေါ်ကျော်ကြား ဆုတံဆိပ်များ | 100 Women |
မိမိအောင် (၁၉၆၈ ခုနှစ်တွင် မွေးဖွား) သည် အမေရိကန် လျှပ်စစ်အင်ဂျင်နီယာတစ်ဦးဖြစ်ပြီး နာဆာမှ အင်္ဂါဂြိုဟ်ပေါ်သို့ ပထမဆုံး စေလွှတ်မည့် ဟယ်လီကော်ပတာ တည်ဆောက်ရေး ပရောဂျက်၏ ဦးဆောင် အင်ဂျင်နီယာ တစ်ဦးလည်းဖြစ်သည်။
မိမိအောင် သည် အမေရိကန်ပြည်ထောင်စုတွင် မွေးဖွားပြီး အသက်နှစ်နှစ်ခွဲသား အရွယ်တွင် မြန်မာနိုင်ငံသို့ ပြောင်းရွေ့ခဲ့သည်။[၁][၂] သူမ၏ မိခင်သည် မြန်မာနိုင်ငံတွင် သင်္ချာ ပါရဂူဘွဲ့ ရှိခဲ့သော ပထမဦးဆုံး အမျိုးသမီး တစ်ဦး လည်းဖြစ်သည်။.[၃][၄] မိမိအောင်သည် အာကာသသိပ္ပံ ကို ငယ်ရွယ်စဉ် ဗြိတိန်အထက်တန်းကျောင်းသူ ဘဝ ကပင် စတင် စိတ်ဝင်စားလာခဲ့ခြင်းဖြစ်သည်။ [၃] အသက် (၁၆)နှစ် အရွယ်တွင် သူမ၏ ပညာရေးအတွက် အမေရိကန်ပြည်ထောင်စုကို တစ်ဦးတည်း ပြောင်းရွေ့လာခဲ့သည်။[၁][၂] သူမသည် လျှပ်စစ်အင်ဂျင်နီယာဘွဲ့ကို အာဘာသား ရှန်ပိန်း အီလီနှိုက်စ် တက္ကသိုလ် မှ ၁၉၈၈ခုနှစ် တွင် ရရှိခဲ့ပြီး လျှပ်စစ်အင်ဂျင်နီယာ မဟာဘွဲ့ကို ၁၉၉၀ခုနှစ်တွင် ရရှိခဲ့သည်။ သူမ၏ မဟာဘွဲ့ စာတမ်းအတွက် အချက်ပြလုပ်ငန်းစဉ်နှင့် ဆက်သွယ်ရေးဆိုင်ရာ အကြောင်းများ ရေးသားပြုစုခဲ့ခြင်း ဖြစ်သည်။[၅]