မြန်မာနိုင်ငံ ဂီတအစည်းအရုံး
| မြန်မာနိုင်ငံဂီတအစည်းအရုံး | |
 မြန်မာနိုင်ငံ ဂီတအစည်းအရုံး လိုဂို | |
| ဖွဲ့စည်းခြင်း | ၁၉၅၂ |
|---|---|
| ဌာနချုပ် | ရန်ကုန်မြို့၊ မြန်မာနိုင်ငံ |
| တည်နေရာ |
|
ဥက္ကဋ္ဌ | ဦးတင်ဦးလေး |
| ဝက်ဘ်ဆိုဒ် | myanmarmusicassociation.org |
မြန်မာနိုင်ငံဂီတအစည်းအရုံး (အင်္ဂလိပ်: Myanmar Music Association) သည် မြန်မာနိုင်ငံရှိ ဂီတအဖွဲ့အစည်းတစ်ခု ဖြစ်သည်။ ၁၉၅၂ ခုနှစ်တွင် စတင်တည်ထောင်ခဲ့ပြီး မဟာဂီတအလွှာ၊ ကာလပေါ်အလွှာ၊ စတီရီယိုအလွှာ၊ ခေတ်သစ်အလွှာ၊ အသံဖမ်းစက်မှုအလွှာ နှင့် ထုတ်လုပ်ဖြန့်ချိအလွှာ ဟူ၍ ဖွဲ့စည်းထားသည်။[၁]
သမိုင်းကြောင်း
[ပြင်ဆင်ရန်]မြန်မာနိုင်ငံခေတ်ပေါ်ဂီတကောင်စီ (၁၉၆၃-၁၉၆၅)
[ပြင်ဆင်ရန်]၁၉၆၂ ခုနှစ်တော်လှန်ရေးကောင်စီခေတ်၌ မြန်မာ့အသံတွင် အသံလွှင့်နေသော တီးဝိုင်းများမှ ဂီတပညာရှင်များပေါင်းစု၍ ရန်ကုန်မြို့ ဦးဝိစာရလမ်း (မြို့မကျောင်းရှေ့ မိုင်ဒါဘောလုံးကွင်းအနီး)ရှိ တပ်မတော်ကပွဲရုံတွင် ခေတ်ပေါ်ဂီတနှီးနှော ဖလှယ်ပွဲကို ကျင်းပပြုလုပ်ပြီး မြန်မာနိုင်ငံခေတ်ပေါ် ဂီတကောင်စီ ကို စတင်ဖွဲ့စည်းခဲ့သည်။
မြန်မာနိုင်ငံဂီတကောင်စီ (ဗဟို) (၁၉၆၅ - ၁၉၇၉)
[ပြင်ဆင်ရန်]တော်လှန်ရေးကောင်စီမှ မြန်မာ့ဆိုရှယ်လစ် လမ်းစဉ်ပါတီအဖြစ် ပြန်လည် ဖွဲ့စည်းသည့်ကာလ၌ ခေတ်ပေါ်ဂီတကောင်စီတွင် မဟာဂီတအလွှာမပါဝင်ခဲ့၍ ဂီတအလွှာအားလုံးပါဝင်လာစေရန် အတွက်မြန်မာနိုင်ငံဂီတကောင်စီ (ဗဟို)ဟူ၍ ပြင်ဆင်ဖွဲ့စည်းခဲ့သည်။
မြန်မာနိုင်ငံဂီတကောင်စီ စည်းရုံးရေးကော်မတီ (ဗဟို)(၁၉၇၉ - ၁၉၈၈)
[ပြင်ဆင်ရန်]မြန်မာ့ဆိုရှယ်လစ်လမ်းစဉ်ပါတီ၏ ဦးဆောင်မှုဖြင့် ဗဟိုဦးစီး စနစ်အရ မြန်မာနိုင်ငံဂီတကောင်စီ စည်းရုံးရေးကော်မတီ (ဗဟို)ကို ဖွဲ့စည်းတာဝန်ပေးအပ်ခဲ့သည်။ ၁၉၆၃ ခုနှစ်မှ ၁၉၇၉ ခုနှစ်အထိဖွဲ့စည်းခဲ့သည့် ဂီတအဖွဲ့အစည်းများသည် တစ်နှစ်လျှင် တစ်ကြိမ် ညီလာခံကျင်းပ၍ ဂီတလောကသားတို့၏ ဆန္ဒသဘောထားတို့ဖြင့်သာ မဲပေးရွေးချယ်တင်မြောက်ခဲ့ကြသည်။
မြန်မာနိုင်ငံဂီတပညာရှင်များအဖွဲ့ချုပ် (၁၉၉၀ - ၁၉၉၂)
[ပြင်ဆင်ရန်]၁၉၈၈ ခုနှစ်နောက်ပိုင်း နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ အုပ်ချုပ်သည့် ကာလတွင် ဂီတပညာရှင်များ စုစည်း၍ မြန်မာနိုင်ငံဂီတပညာရှင်များအဖွဲ့ချုပ် ကိုတည်ထောင်ဖွဲ့စည်းခဲ့သည်။
မြန်မာနိုင်ငံဂီတအစည်းအရုံး (၁၉၉၂ - ၂၀၁၂)
[ပြင်ဆင်ရန်]နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီအဖြစ် ပြောင်းလဲအုပ်ချုပ်သည့် ကာလတွင် မြန်မာနိုင်ငံဂီတအစည်းအရုံး ဟုပြောင်းလဲဖွဲ့စည်းခဲ့ပြီး ဗဟိုဦးစီးစနစ်နှင့် မဲပေးရွေးချယ်သည့် စနစ်တို့ ပေါင်းစပ်၍ ပြန်ကြားရေးဝန်ကြီးဋ္ဌာန လက်အောက်တွင် ထားရှိခဲ့သည်။
မြန်မာနိုင်ငံဂီတအစည်းအရုံး ( ၂၀၁၂ ခုနှစ်၊ စက်တင်ဘာလ၊ ၁၄ ရက်နေ့ မှ ယနေ့အထိ)
[ပြင်ဆင်ရန်]မြန်မာနိုင်ငံဖွဲ့စည်းပုံအခြေခံဥပဒေသစ်နှင့် အညီလွတ်လပ်၊ ပွင့်လင်း၍ တရားမျှတသော ရွေးကောက်ပွဲများမှတဆင့် ဂီတလောကသားအများစု၏ မဲဆန္ဒ သဘောထားများဖြင့် မြန်မာနိုင်ငံဂီတအစည်းအရုံး အလုပ်အမှုဆောင်သစ်များကို ရွေးကောက် တင်မြောက်ခဲ့ကြသည်။
တာဝန်ထမ်းဆောင်ခဲ့ကြသူများ
[ပြင်ဆင်ရန်]ဥက္ကဋ္ဌများ
[ပြင်ဆင်ရန်]- အလင်္ကာကျော်စွာ ရွှေပြည်အေး သက်တမ်း (၂) ကြိမ်
- ဂီတလုလင်မောင်ကိုကို သက်တမ်း (၂) ကြိမ်
- စန္ဒရားချစ်ဆွေ သက်တမ်း (၁) ကြိမ်
- ဦးလေးလွင် သက်တမ်း (၁) ကြိမ်
- ဗိုလ်ကလေးတင့်အောင်
- စန္ဒရားလှထွတ်
- အကော်ဒီယံအုန်းကျော်
- ဦးမောင်မောင်လတ်
- ဦးတင်ဦးလေး
အတွင်းရေးမှူးများ
[ပြင်ဆင်ရန်]ကိုးကား
[ပြင်ဆင်ရန်]- ↑ Nuam Bawi။ "Musician group to hold election"၊ Myanmar Times၊ 4 June 2012။ 17 July 2015 တွင် ပြန်စစ်ပြီး။ Archived from the original on 4 March 2016။