သန်းလှိုင်
ဒုတိယ ဗိုလ်ချုပ်ကြီး သန်းလှိုင် | |
|---|---|
| ပြည်ထဲရေး ဒုတိယ ဝန်ကြီး | |
| တာဝန်သက်တမ်း ၂ ဖေဖော်ဝါရီ ၂၀၂၁ – ၂ မေ ၂၀၂၂ | |
| သမ္မတ | ဦးမြင့်ဆွေ (ယာယီ) |
| ယခင်လူ | စိုးတင့်နိုင် |
| ဆက်ခံသူ | ဗိုလ်ချုပ် ဇင်မင်းထက် |
| ရဲတပ်ဖွဲ့ ရဲချုပ် | |
| တာဝန်သက်တမ်း ၂ ဖေဖော်ဝါရီ ၂၀၂၁ – ၂ မေ ၂၀၂၂ | |
| ပြည်ထဲရေးဝန်ကြီး | စိုးထွဋ် |
| ယခင်လူ | အောင်ဝင်းဦး |
| ဆက်ခံသူ | ဗိုလ်ချုပ် ဇင်မင်းထက် |
| ကိုယ်ရေး အချက်အလက်များ | |
| မွေးဖွား | ၁၉၆၅ (အသက် ၅၉–၆၀) |
| စစ်မှုထမ်းခြင်း | |
| သစ္စာခံနိုင်ငံ |  မြန်မာ |
| ရာထူး | ဒုတိယ ဗိုလ်ချုပ်ကြီး |
ဒုတိယဗိုလ်ချုပ်ကြီး သန်းလှိုင် (၁၉၆၅ ခုနှစ်တွင် မွေးဖွားသူ [၁]) သည် တပ်မတော်အရာရှိတစ်ဦးဖြစ်ကာ ပြည်ထဲရေး ဒုဝန်ကြီး နှင့် မြန်မာနိုင်ငံ ရဲတပ်ဖွဲ့ ရဲချုပ် အဖြစ် ၂၀၂၁ခုနှစ်မှ ၂၀၂၂ခုနှစ်အထိ တာဝန်ထမ်းဆောင်ခဲ့သူဖြစ်သည်။ ၂၀၂၁ ခုနှစ် အာဏာသိမ်းပြီးနောက် ၂၀၂၁ ခုနှစ် ဖေဖော်ဝါရီလ ၂ ရက်နေ့တွင် နိုင်ငံတော် အုပ်ချုပ်ရေး ကောင်စီမှ ခန့်အပ်တာဝန်ပေးခဲ့သူ ဖြစ်သည်။[၂] သူသည် ယခင်က အရှေ့ပိုင်းတိုင်း စစ်ဌာနချုပ်နှင့် မြောက်ပိုင်းတိုင်း စစ်ဌာနချုပ်တိုင်းမှူးအဖြစ် တာဝန်ထမ်းဆောင်ခဲ့သည်။ [၃]
မြန်မာနိုင်ငံ ရဲတပ်ဖွဲ့သည် လက်ရှိ တပ်မတော်မှ ဒုတိယဗိုလ်ချုပ်ကြီး စိုးထွဋ် ဦးဆောင်သော ပြည်ထဲရေးဝန်ကြီး၏ လက်အောက်တွင် ဖြစ်သည်။[၄][၅] ရဲတပ်ဖွဲ့၏ ရဲချုပ်သည် များသောအားဖြင့် ဗိုလ်ချုပ် ရာထူးဖြင့် ဖြစ်လေ့ရှိသော်လည်း[၄] သန်းလှိုင်သည် ဒုတိယဗိုလ်ချုပ်ကြီး ရာထူးကို ရရှိထားသည်။ ၂၀၂၂ခုနှစ် မေလ (၂) ရက်နေ့တွင် ၎င်းကို စစ်ဘက်မူလတာဝန်များကို ပြန်လည်ထမ်းဆောင်စေခဲ့ကာ[၆] ၎င်း၏နေရာတွင် ဗိုလ်ချုပ် ဇင်မင်းထက်ဖြင့် အစားထိုးခဲ့သည်။[၇]
အစောပိုင်းဘဝ
[ပြင်ဆင်ရန်]ဒုတိယဗိုလ်ချုပ်ကြီးသန်းလှိုင်သည် စစ်တက္ကသိုလ်အပတ်စဉ် ၂၉ (DSA-29) သင်တန်းဆင်း တစ်ဦး ဖြစ်သည်။[၈] ၂၀၂၁ ခုနှစ် စစ်အာဏာသိမ်းပြီးနောက်တွင် ပြည်ထဲရေးဒုဝန်ကြီး ရဲချုပ်နှင့် ကာကွယ်ရေးဝန်ကြီးဌာန အမှတ် ၆ စစ်ဆင်ရေးအထူးအဖွဲ့မှူး (ကစထ-၆) ရာထူးတာဝန်များပေးအပ်ခံခဲ့ရသည်။ ထို့နောက် စစ်ကိုင်းတိုင်းဒေသကြီး၊ မကွေးတိုင်းဒေသကြီးနှင့် ချင်းပြည်နယ်တွင် အနော်ရထာ၊ အလောင်းမင်းတရား စသည့် စစ်ဆင်ရေးအမည်များဖြင့် PDF များအားနှိမ်နှင်းရန် တာဝန်ပေးခံရသည်။ ၂၀၂၂ ခုနှစ် ဖေဖော်ဝါရီလတွင် ကထစ-၆ မှူး ရာထူးမှ ဖယ်ရှားခံခဲ့ရသည်။[၈]
ပိတ်ဆို့အရေးယူခံရမှုများ
[ပြင်ဆင်ရန်]မြန်မာနိုင်ငံ ရဲတပ်ဖွဲ့၏ ပြင်းထန်သော လူ့အခွင့်အရေး ချိုးဖောက်မှုများ အတွက် HM Treasury နှင့် ယူနိုက်တက်ကင်းဒမ်းနိုင်ငံ၏ နိုင်ငံခြား၊ ဓနသဟာယနှင့် ဖွံ့ဖြိုးတိုးတက်ရေးရုံး တို့က ၂၀၂၁ ခုနှစ် ဖေဖော်ဝါရီလ ၁၈ ရက်နေ့မှစတင်ကာ ဒုဗိုလ်ချုပ်ကြီး "သန်းလှိုင်" အား အရေးယူပိတ်ဆို့မှုများ ချမှတ်ခဲ့သည်။ ယူကေ၏ ပိတ်ဆို့အရေးယူမှုတွင် ဗြိတိန်လက်အောက်ရှိ ၎င်း၏ပိုင်ဆိုင်မှုများကို ရပ်တန့်ထားခြင်း နှင့် ဗြိတိန်သို့ ဝင်ရောက်ခြင်း သို့မဟုတ် ဖြတ်သန်းခြင်းတို့ကို တားမြစ်ခြင်း တို့ ပါဝင်သည်။ [၉]
ငြိမ်းချမ်းစွာ ဆန္ဒပြသူများနှင့် အရပ်သားများအား အကြမ်းဖက်နှိမ်နင်းမှုများကြောင့် ၂၀၂၁ ခုနှစ် မတ်လ ၂၂ ရက်နေ့တွင် အမေရိကန် ဘဏ္ဍရေးဝန်ကြီးဌာနက ဒုဗိုလ်ချုပ်ကြီး "သန်းလှိုင်" ကို အရေးယူပိတ်ဆို့မှုများ ချမှတ်ခဲ့သည်။ ဒုဗိုလ်ချုပ်ကြီးသန်းလှိုင်၏ ဦးဆောင်မှုအောက်တွင် မြန်မာနိုင်ငံ ရဲတပ်ဖွဲ့သည် ငြိမ်းချမ်းစွာ ဆန္ဒပြသူများအား မီးသတ်ပိုက်များ၊ ရော်ဘာကျည်ဆန်များ၊ မျက်ရည်ယိုဗုံးများအပါအဝင် ကျည်ဆန်အစစ်များအထိ အသုံးပြုကာ နှိမ်နင်းခဲ့သည်။ အမေရိကန်၏ ဒဏ်ခတ်ပိတ်ဆို့မှုများတွင် အမေရိကန်လက်အောက်ရှိ ၎င်း၏ပိုင်ဆိုင်မှုများကို တားမြစ်ခြင်း နှင့် အမေရိကန်နိုင်ငံသားနှင့် အရောင်းအဝယ်ပြုလုပ်ခြင်းတို့ကို တားမြစ်ခြင်းများ ပါဝင်သည်။ [၁၀]
စစ်အာဏာသိမ်းမှုနှင့် နောက်ဆက်တွဲ ငြိမ်းချမ်းစွာ ဆန္ဒပြသူများကို စစ်တပ်နှင့် ရဲတပ်ဖွဲ့က ဖိနှိပ်ချုပ်ချယ်မှုအတွက် "သန်းလှိုင်" အား ဥရောပသမဂ္ဂကောင်စီက ကောင်စီစည်းမျဉ်း (EU) 2021/479 အရ ပိတ်ဆို့အရေးယူမှုများ ချမှတ်ခဲ့ပြီး ကောင်စီစည်းမျဉ်း (EU) အမှတ် 401/2013 ကို ပြင်ဆင်သော (EU) 2021/480 ကို ချမှတ်ခဲ့သည်။ EU ၏ ပိတ်ဆို့အရေးယူမှုတွင် အီးယူ အဖွဲ့ဝင်နိုင်ငံများရှိ ပိုင်ဆိုင်မှုများကို ရပ်တန့်ထားခြင်းနှင့် နိုင်ငံများသို့ ဝင်ရောက်ခြင်း သို့မဟုတ် ဖြတ်သန်းခြင်းတို့ကို တားမြစ်ခြင်းတို့ ပါဝင်သည်။ [၁၁] [၁၂]
ကိုယ်ပိုင်ဘဝ
[ပြင်ဆင်ရန်]သူသည် မိသားစုတွင် မွေးချင်း ၁၁ ယောက်ရှိသည်။ ၎င်း၏ညီဖြစ်သူ စိုးမိုးလှိုင် သည် ဒီမိုကရေစီအရေး တက်ကြွလှုပ်ရှားသူဖြစ်ပြီး စစ်အစိုးရ၏ ဖမ်းဆီးထိန်းသိမ်းခံရကာ အသတ်ခံခဲ့ရသည်။ [၃]
ကိုးကား
[ပြင်ဆင်ရန်]- ↑ Global Magnitsky Designations and Designations Updates; Burma-related Designations။ The U.S. Department of the Treasury (22 March 2021)။
- ↑ "Order No (6/2021), State Administration Council, Republic of the Union of Myanmar"၊ 3 February 2021။
- ↑ ၃.၀ ၃.၁ "Younger brother of Myanmar’s police chief murdered in regime custody" (in en)၊ Myanmar NOW၊ 28 May 2021။
- ↑ ၄.၀ ၄.၁ "Myanmar’s Police Forces:Coercion, Continuity and Change" (April 2012). Institute of Southeast Asian Studies. မော်ကွန်းတင်ပြီးမိတ္တူ။ 14 April 2021 တွင် မူရင်းအား မော်ကွန်းတင်ပြီး။ 25 February 2022 တွင် ပြန်စစ်ပြီး။
- ↑ "Order No (6/2021), Office of Commander-in-Chief of Defence Services, Republic of the Union of Myanmar"၊ 2 February 2021။
- ↑ စစ်ဘက်မူလတာဝန် ပြန်လည်ထမ်းဆောင်စေခြင်း။
- ↑ ဒုတိယဝန်ကြီးခန့်အပ်ပေးခြင်းနှင့် ရဲချုပ်တာဝန် ပူးတွဲတာဝန်ပေးခြင်း။
- ↑ ၈.၀ ၈.၁ ဒုဗိုလ်ချုပ်ကြီးသန်းလှိုင် ကစထမှူး ရာထူးမှ ဖယ်ရှားခံရ (၁၇ ဖေဖော်ဝါရီ ၂၀၂၂)။ ၂၅ ဖေဖော်ဝါရီ ၂၀၂၂ တွင် ပြန်စစ်ပြီး။
- ↑ Raab၊ Dominic (18 February 2021)။ UK sanctions Myanmar military generals for serious human rights violations:The Foreign Secretary Dominic Raab announced sanctions against members of the Myanmar military for serious human rights violations following the military coup.။ Foreign, Commonwealth and Development Office။
- ↑ United States Targets Burmese Military Forces for Repression of Pro-Democracy Protests။ The U.S. Department of the Treasury (22 March 2021)။
- ↑ Myanmar/Burma: EU sanctions 11 people over the recent military coup and ensuing repression။ The Council of the European Union (22 March 2021)။ 22 March 2021 တွင် မူရင်းအား မော်ကွန်းတင်ပြီး။ 25 February 2022 တွင် ပြန်စစ်ပြီး။
- ↑ Official Journal of the European Union (22 March 2021)။