အကီရာ မီယာဝါကီ ( 宮脇 昭၊ ၁၉၂၈ ခု၊ ဇန်နဝါရီလ ၂၉ ဖွား) သည် ဂျပန်လူမျိုး ရုက္ခဗေဒ ပညာရှင်ဖြစ်သည်။အပင် ဂေဟသဘောကို ကျွမ်းကျင်ပြီး သဘာဝသစ်တောများနှင့် မျိုးစေ့များအကြောင်းတွင် နှံ့စပ်သည်။ မြေညံ့များတွင် သစ်ပင်များ ပြန်ပေါက်စေရန် ကမ္ဘာ့ နေရာအနှံ့တွင် လုပ်ဆောင်နေသည်။ ယိုကိုဟားမား အမျိုးသား တက္ကသိုလ်မှ ၁၉၉၃ ခုတွင် ဂုဏ်ထူးဆောင်ပါမောက္ခ ရာထူး ပေးသည်။ နိုင်ငံတကာ ဂေဟဗေဒလေ့လာရေး ဂျပန် စင်တာ၏ ဒါရိုက်တာလည်း ဖြစ်သည်။ ၂၀၀၆ ခုတွင် အပြာရောင်ကမ္ဘာမြေဆု ရခဲ့သည်။
အကီရာကို အိုကာယာမာမြို့တွင် ၁၉၂၈ ခု၊ ဇန်နဝါရီလ ၂၉ ရက်၌ မွေးသည်။ ၁၉၅၂ ခုတွင် ဟီရိုရှီးမား တက္ကသိုလ်မှ ဇီဝဗေဒနှင့် ဘွဲ့ရသည်။ ၁၉၅၈ မှ ၆၀ ထိအောင် ဂျာမနီ၌ ဧည့်သုတေသီအဖြစ် သွားလုပ်သည်။ ၁၉၆၁ တွင် ဟီရိုရှီးမား တက္ကသိုလ်မှပင် ဒေါက်တာဘွဲ့ ရသည်။ ထို့နောက်တွင်မူ ယိုကိုဟားမား အမျိုးသား တက္ကသိုလ်၌ သုတေသီ ဖြစ်လာသည်။ ၁၉၆၂ ခုမှ ၇၃ ခုတိုင် လက်ထောက်ပါမောက္ခအဖြစ် လုပ်ကိုင်သည်။ ၁၉၇၃ တွင် ထိုတက္ကသိုလ်၌ သဘာဝပတ်ဝန်းကျင်သိပ္ပံနှင့် နည်းပညာဌာနကြီး ပေါ်လာသည့်အခါ ရှေ့ဆောင်ပါမောက္ခအဖြစ် တာဝန်ယူသည်။ ၁၉၉၃ ခုတိုင် ထိုရာထူးကို လုပ်ကိုင်သည်။
၁၉၉၃ ခုတွင် ဟိုကိုဟားမား အမျိုးသား တက္ကသိုလ်က ဂုဏ်ထူးဆောင်ပါမောက္ခ ဘွဲ့ပေးသည်။အပြာရောင်ကမ္ဘာမြေဆုကို (Blue Plant Prize) ကို ၂၀၀၆ ခုတွင် ရသည်။