အောင်လွင်

ဦးအောင်လွင် သည် ရုပ်ရှင်ထူးချွန်ဆုရရှိသော ရခိုင်လူမျိုး ရုပ်ရှင်မင်းသားနှင့် ဒါရိုက်တာ တစ်ဦးဖြစ်သည်။ ဦးအောင်လွင်သည် အောက်တိုဘာလ ၂၃ ရက် ၁၉၃၅ ခုနှစ်တွင်စစ်တွေမြို့၌ အဖ ဦးအောင်ကျော်ဇံ၊ အမိဒေါ်ကြွယ်တို့မှ မွေးဖွားခဲ့သည်။ ရန်ကုန်မြို့ ဗိုလ်ချုပ်လမ်း၊ အစိုးရအထက်တန်းကျောင်းမှ တက္ကသိုလ်ဝင်တန်း ကျခဲ့သည်။ ဟယ်ရီတန်အရေးအခင်း၌ ပါဝင်ခဲ့သည်။ ၁၉၅၄-၅၅ ခုနှစ်တွင် အမျိုးသားစီးမံကိန်းဌာန၊ စာရင်းအင်းဌာနခွဲတွင် အောက်တန်းစာရေး၊ ၁၉၅၅-၅၆ ခုနှစ်တွင် ရေနံချောင်းမြို့၊ ရေနံမြေစီမံကိန်းရုံးတွင် အထက်တန်းစာရေး၊ ၁၉၅၆ ခုနှစ်တွင် ဓာတ်သတ္တုရှာဖွေရေးနိုင်ငံခြားပညာသင်အဖြစ် ရွေးချယ်ခံရသော်လည်း ဟယ်ရီတန်အရေးအခင်း၌ ပါဝင်ခဲ့မှုကြောင့် ပယ်ခြင်းခံရသည်။

ရိုက်ခဲ့သော ဇာတ်ကားများ

• မိုးကုတ်စက်ဝိုင်း

• နော်ကူးမ

• တိမ်လွှာမို့မို့ လွင်

• ယောက္ခမနှင့်တစ်ထောင်တစ်ည

• မိုးညအိပ်မက်ဖြူ

• အမုန်းသက်လေပြေ

• အမွှေစိန်

• ပင်လယ်ရေချမ်းနွေမှာခန်း

• ကိုလူပျိုကြီး နှင့် ဂျုလီယက်

• အမုန်းလွန်သော်

• နိုင်ငံကျော်ရုပ်ရုင်မင်းသမီးယောက်ျား

• သရဲတကယ်ရှိလား

• မယားပါဆွေမျိုးများ

• အွန်လိုင်းဝိညဉ်

• ပန်းပြုစားတဲ့ည

• ချစ်စံအိမ်

• မွှေချက်များများသော်

• ပြဿနာ

• နှစ်ပါးသွား Update

နောက်ခံ

၁၉၆၁ ခုနှစ်တွင် ကျောက်မဲမြို့မှ အငြိမ်းစား ခရိုင်ဝန် ဦးအယ်လ်ခွန်ဆိုင်း၊ ဒေါ်နန်းခမ်းကြာတို့၏ သမီး ဒေါ်အေမီနှင့် လက်ထပ်ခဲ့ပြီး၊ သား သမီး ၆ ဦး ထွန်းကားခဲ့သည်။

၁၉၅၇ တွင် ရုပ်ရှင်လောကသို့ ဝင်ရောက်ခဲ့ပြီး၊ ၁၉၇၄ ခုနှစ် အတွက် အကယ်ဒမီ သရုပ်ဆောင် ထူးချွန်ဆု(ဇာတ်ရံ)ကို နော်ကူးမ ဇာတ်ကားဖြင့် ရရှိခဲ့သည်။ ဒါရိုက်တာ စံရွှေမောင် အမည်ဖြင့်လည်း မိုးကုတ်စက်ဝိုင်း ကျော်လွန်၍၊ နောက်မကျကြေး နှင့် အခြား ရုပ်ရှင် ဇာတ်ကားများကို ဒါရိုက်တာ အဖြစ် တာဝန်ယူပြီး ရိုက်ကူး ထုတ်လုပ်ခဲ့သည်။

၁၉၈၈ ခုနှစ်တွင် ရှစ်လေးလုံး ပြည်သူ့ အရေးတော်ပုံကြီးတွင် အခြား စာပေ အနုပညာရှင်များနှင့် အတူ လက်တွဲပြီး တက်ကြွစွာ ပါဝင်ခဲ့သလို၊ သား သာကျော်မောင်နှင့် သမီး သန္ဒာခိုင်တို့ ၂ ဦးသည်လည်း တက်ကြွစွာ ပါဝင်ခဲ့ပြီး၊ မဆလ အစိုးရရဲ့ ဖမ်းဆီး ထိန်းသိမ်းခြင်းကို ခံခဲ့ရသည်။ ရုပ်ရှင် သမဂ္ဂတွင် ဥက္ကဋ္ဌ အဖြစ် တာဝန်ယူ ဆောင်ရွက်ခဲ့သည်။

၁၉၈၉ ခုနှစ်တွင် ဇနီး ဖြစ်သူ ဒေါ်အေမီနှင့် ကွာရှင်း ပြတ်စဲခဲ့ပြီး၊ ကွာရှင်းပြီးနောက် ဇနီးဖြစ်သူနှင့် သမီးဖြစ်သူ မကျော့ကျော့ခိုင်တို့သည် ဂျပန်နိုင်ငံသို့ သွားရောက် အလုပ်လုပ်ကိုင် နေထိုင် နေကြသည်။

စစ်တပ်က နိုင်ငံတော် အာဏာကို သိမ်းပြီးနောက် အမျိုးသား ဒီမိုကရေစီ အဖွဲ့ချုပ် ဖွဲ့စည်းသော အခါ၊ ဒေါ်အောင်ဆန်းစုကြည် ဦးဆောင်သည့် တတ်သိပညာရှင် အစုအဖွဲ့ကနေ ပါဝင်ခဲ့ပြီး၊ အဖွဲ့ချုပ် ဗဟို အလုပ်မှုဆောင် အဖွဲ့ဝင် တဦး အဖြစ် တာဝန်ယူခဲ့သည်။