Краковонь клендерь

Краковонь клендерь
Артовкс
Страна происхождения

Краковонь клендерь (краковской бублик) (польск. obwarzanek krakowski эли obarzanek krakowski[1]) — кирьксэнь кондямо паневкс (выпечка), польской кухнянь. Краковсо ушосо коень ясамопель.

Этимологиясь (лисьмапрясь)

[витнемс | витнемс лисьмапрянть]

Оbwarzanek (истя жо вастневи obarzanek сёрмадовксось) теевсь obwarzać (польск. — «обваривать», «лакиварсо валомс») глаголсто[2] ды секс малавикс «баранка» рузонь валонтень[3].

Кода анокстамс

[витнемс | витнемс лисьмапрянть]

Краковонь клендересь овалонь эли кругонь хормасо, куншкасо варя марто ды ашти орга лангсо чапакссто кавто эли колмо полоскасто, конатне тапардазь спиралькс. Тюсозо эрси валдо-сырнестэ саезь валдо тюжас молемс. Коень коряс краковонь клендеренть диаметразо 12—17 сантиметрат ды эчкезэ 2—4 сантиметрат, сталмозо 80—120 граммат. Лангозо эри валаня эли аламодо казямо.

Клендеренть почолить эрьва мейсэ — пиже тикшесэ, паприкасо, сырасо, чурькасо, маконь видьмесэ, кунжутсо, аниськасо (тминасэ), лияназсо[4].

Краковской бубликтне седе сеедьстэ микшневить упаковкавтомо,— канзёрдозт[4].

Историясь

[витнемс | витнемс лисьмапрянть]
Краковсо бубликень миемась (2014)

Краковонь клендертнеде васень ледстявксось кандови Владислав II Ягелло (Ягайло) короленть ды Ядвига королеванть инязорксчист шкантень. 1394-це иень эйсюрковонь 2-це чинень кандовиця придворной сёрмадовкстнэсэ тешкстазь: «Dla królowej pani pro circulis obrzanky 1 grosz»[5] (польск. — «Королеванть туртов бубликс 1 грош»). Тень пингстэ тевс нолдазь кода obrzanky польской валось, истя жо латинэнь circuli-сь.

1496-це иестэ Ян I Ольбрахт королесь Краковонь паниень (пекарень) гильдиянтень макссь ашо кшинь панема лангс, тесэ бубликтнеяк, монополия. Те монополиясь кирдевсь Ян III Собескоень самс. 1611-це иестэ ладявсь ошонть потсо бубликень миема порядкась[4].

1802-це иень якшамковонь 22-це чистэ ливтезель указ, конань коряс куш кодамо панийнень меревсь панемс клендерть, бути сыль чиполазо се панийтнень ютксо, кинень те меревсь. Панийтнень, конатненень меревиль панемс бубликть, кочкильть жеребейсэ. Арсеви, жеребеень коесь лоткавтозель 1849-це иестэ.

Бубликень мииця лавкинетне панжовильть валске мартонь кото часонь самс. Паневксэнь парочинть мельга вансь гильдиясь. Истя жо 1950-це иетнень самс бубликтнень микшнесть видьстэ кодазь кептерьстэ[4].

Минек шкане ве чинь-вень перть Краковсо миить малав 150 000 бубликть[4].

Лисьмапрят

[витнемс лисьмапрянть]
  1. ↑ Obwarzanek(поляк.).
  2. ↑ Maria Balinska. The Bagel: The Surprising History of a Modest Bread. — Yale University Press, 2008. — P. 15. — ISBN 978-0-300-11229-0.
  3. ↑ Этимология слова баранка(руз.).
  4. ↑ 4,0 4,1 4,2 4,3 4,4 Obwarzanek krakowski(англ.) (16.02.2010).
  5. ↑ Maria Dembińska. Food and Drink in Medieval Poland: Rediscovering a Cuisine of the Past / William Woys Weaver. — Philadelphia: University of Pennsylvania Press, 1999. — P. 115. — ISBN 0-8122-3224-0.