متحد اوستیا
| ||||
|---|---|---|---|---|
| کشور |  جنوبی اوستیا |
|||
| بساتن سال | ۵ سپتامبر ۲۰۱۲ | |||
| رییس ستاد | سخینوالی | |||
| وبسایت | رسمی سایت | |||
کد ره دچی‌ین - دچی‌ین  | ||||
متحدِ اوستیا (اوستیایی جه: Иугонд Ир)، (اینگلیسی جه: United Ossetia) جنوبی اوستیایِ اتِ سیاسی حزب هسّه کا 2012 سال دله تاسیس بیّه. 2014 پارلمانی انتخابات دله، اینتا حزب، 34 تا کرسی جه 20 تا ره بورده، و اینتی جنوبی اوستیایِ مِیلس دریم اکثریت ره بیته، کا پیش‌ته اتحادِ حزب (اوستایی جه: Иудзинад)، (اینگلیسی جه: Unity Party) دس دیّه. 2019 پارلمانی انتخابات دله وشون شه اکثریت ره از دس هدانه و دی‌ئِر حزب‌ئون جه دی نتونسته کا ائتلاف هاکنن و اِتی شه وسّه اکثریت ره قایم دارِن، کا نتیجه اتِ معلقِ مِیلس (Hung Parliament) بیّه.
رهوری
[دچی‌ین]2012 جه تا 2017 حزب رهوری آناتولی بی‌بیلوف (اوستیای جه: Анатолий Бибилов) دس دیّه، وه پیش‌ته اتحادِ حزب دله دیّه، وه 2011 جنوبی اوستیایِ ریاست جمهوری انتخابات دله نومزه بَی بی‌یه کا باخت هدائه، و اَی 2017 گدری ات کَش دی‌یِر نومزه بیّه و این کَش برنده بیّه، و 2017 جه تا 2022 جنوبی اوستیایِ رئیس جومهور بی‌یه. بی‌بیلوفِ رئیس جمهور بیّن په، آلان تادائف (Alan Tadtaev)، متحدِ اوستیای حزبِ مودیریت ره بَهیته، 2019 جنوبی اوستیایِ میلس انتخابات په، جنوبی اوستیایِ مِیلس ریاست دی وره برسی‌یه اما وه یور ته استعفا هدائه.
منبع
[دچی‌ین]- ۸ کِرچه ما ۱۵۳۶ تبری، این ولگ اینگلیسی ویکی‌پدیا جه ترجمه بیّه.