شناسنامه | |||
---|---|---|---|
نوم | نادر دستنشان | ||
بزائن زمون | ۳ خرداد ۱۳۳۹ | ||
بزائن جاء | قائمشهر، ایران | ||
بمردن زمون | ۲۷ فروردین ۱۴۰۰ (۶۰ سال)[۱] | ||
پست | هافبک | ||
حرفهای باشگاهئون* | |||
سالها | باشگاهها | بازی† | (گل)† |
۱۹۸۰–۱۹۹۳ | نساجی مازندران | ۳۶۱ | (۱۶۲) |
تیم ملی | |||
ایران | ۰ | (۰) | |
دوران مربیگری | |||
۱۹۹۶–۲۰۰۳ | نساجی مازندران | ||
۲۰۰۴–۲۰۰۵ | پیام مشهد | ||
۲۰۰۵–۲۰۰۶ | شهید قندی | ||
۲۰۰۶–۲۰۰۷ | مس کرمان | ||
۲۰۰۶–۲۰۰۷ | شهرداری بندرعباس | ||
۲۰۰۷–۲۰۰۸ | پگاه گیلان | ||
۲۰۰۸–۲۰۰۹ | استیل آذین | ||
۲۰۰۹–۲۰۱۰ | نفت تهران | ||
۲۰۱۰ | ابومسلم خراسان | ||
۲۰۱۱ | صنعت ساری | ||
۲۰۱۱–۲۰۱۲ | شهرداری اراک | ||
۲۰۱۲–۲۰۱۳ | سایپا شمال | ||
۲۰۱۳– ۲۰۱۵ | نساجی مازندران | ||
۲۰۱۵–۲۰۱۶ | ماشینسازی تبریز | ||
۲۰۱۶–۲۰۱۷ | صنعت نفت آبادان | ||
۲۰۱۷ | خونه به خونه | ||
۲۰۱۷–۲۰۱۸ | ملوان انزلی | ||
۲۰۱۸–۲۰۱۹ | مس کرمان | ||
۲۰۱۹–۲۰۲۰ | سپیدرود رشت | ||
۲۰۲۰–۲۰۲۱ | رایکا بابل | ||
*بازیون و گلون فقط دلهیی لیگ شنه. |
نادر دستنشان (بزائهی ۳ خرداد ۱۳۳۹ – بمردهی ۲۷ فروردین ۱۴۰۰) مازرون ِقدیمی فوتوالیست و مربی بییه. وه شه فوتوال کا بکاردنِ تموم دوره ره نساجی قائمشهر دله دیّه و ویشترین گلهای پشتهم ِرکورد ره ایران ِلیگ دله وه دانه. نادر دستنشان شه سرمربیگری گادِر ویشته دستاولی تیمون ره شه دس گیته و چار بار شه تیم ره بیارده لیگ برتر و اتبار هم تا جامحذفی ِفینال برسییه. نادر دست نشان تاریخ ۲۷ فروردین ۱۴۰۰ کرونا بییتهپه، بیمارستان رازی قائمشهر دله بمرده.[۲]
نادر دستنشان ِگتته برار، رحیم، هم فوتوال کا کرده و نساجی دله دیّه. نادر اوائل دروازه دیّه ولی چون ونه لباس پاره بییه و وشون ِپییر فوتوال جه بد داشته، شه پُست ره عوض هاکرده. نادر دست نشان نزدیک به سیزده سال نساجی دله دیّه و این تیمِ بتترین گلزنان جه حیساب وانه.[منبع خانه] دستنشان درحالی که تونسته شه اوج گادِر پرسپولیس وسّه هم بازی هاکنه، تموم شه فوتوال بازی هاکردن دوره ره نساجی دله بموندسته و ۸ بازی متوالی یک فصل، ۹ گل بزوئه که هنتا ونه رکورد ثبت هسته. وه همون نساجی جه تا تیم ملی هم بورده و ایران وسّه هم سابقه بازی داشته.[۳][۴]وه نساجی ِکاپتان بییه و سال ۱۳۶۴ شه تیم ِهمراهی بتترین نتیجهای که نساجی بدست بیارده ره کسب هاکرده و جام قدس دله سوم بیه. همینسه نساجی ره برسنینه جام قائد اعظم پاکستان که تیمهای ملی چین، پاکستان و بنگلادش هم دیینه ولی نساجی که ایران ِنماینده بییه، قهرمون بیّه و نادر دستنشان آقای گل مسابقات بیه.[۵]