'O Palazzo Donnanna è nu palazzo storico 'e Napule 'ncopp'â Pusilleco.
'O palazzo fuje fatte pe' donna Anna Carafa, 'a mugliera d'ô viceré Ramiro Núñez de Guzmán, duca di Medina de las Torres. Fuje custruito sutt'ê ddirettive 'e ll'archetetto Cosimo Fanzago, ca era 'o cchiù 'mpurtante d'â cità 'e chillo seculo. 'Ncopp'a ll'anno 1642, presentaje 'o pruggetto ca secuteva 'e canuni dd'ô Barocco napulitano.
Pe' costruì 'o palazzo, se dovette schianà 'a villa Bonifacio ca steva lloco[1]. Fanzago, nun c'â facette a scompere ll'opera p'â morte 'e donn'Anna e p'ê l'arrevotamiento dd'â pupulazione ca mannaje 'o viceré e Remiro Núñez se n'avett'a fui' a Madrid (1648)[1]. 'O palazzo remanette miezo fernuto e miezo no.