Butenalster

De Butenalster (Hoogduuts: Außenalster) is iene van een twi'jtal deur mèensenhaand emeuken meerties in 't centrum van de Duutse stad en dielstaot Hambörg. De Butenalster, die een omvang hef van 1,6 vierkaante kilometer, heurt mit de kleinere Binnenalster bij de revier de Alster. De Lombardsbrogge en de Kennedybrogge, veur auto- en treinverkeer, scheidt de Buten- en Binnenalster van menare.

't Buten in de name wis op de olde stadsmuren van Hambörg: de Butenalster was det diel van 't meer det as buten de mure lag. Vandage de dag bint de stadsmuren der niet meer.

De ienwoners van Hambörg gebruukt 't meer veur tiedverdrief as zeilen en ruien. Haoste alle de oevers bint pebliek toegaankelijk. Ze varieert van grune riegels töt grote parken, zoas 't Alsterveurlaand (Alstervorland). Joggers meugt geern een rondtien um de Butenalster maken (zo'n zeuven kilometer).

Dit stok is eschreven in 't Zuudwest-Drèents.