Friesepaolen
Friesepaolen (Nederlaans: Frieschepalen, Fries: Fryske Peallen) is een dörp in et noorden van de Friese gemiente Opsterlaand. Et dörp het omdebi'j de 1.014 inwoners (2005). Friesepaolen leit kotbi'j de greens mit Grunningen en de dörpen Siegerswoolde en Ureterp. Et dörp leit an de deurgaonde weg van Bakkevene naor de rieksweg A7 van Et Vene naor Grunningen.
Gemienschop
[bewark | bronkode bewarken]
Der bin niet zo vule winkels meer as vrogger. Der is nog een winkeltien veur elektrische apperaoten, een waarme bakker, en een riedende buurtwinkel. Ok bin der meerdere autohaandelers en der is een winkel mit van alles en nog wat. Veerder moeten de inwoners bosschoppen doen in Ureterp, Marum, De Wilp en in et wat veerder legen Drachten. De biebeltheekveurziening wodt verzorgd middels een bibliobusse. Et multifunktionele centrum hiet "De Dobber" en et dörp het twie schoelen.
Geschiedenisse
[bewark | bronkode bewarken]Friesepaolen ontston in de 18e ieuw as ontginningsdörp in et hoge veengebied. Tot 1953 heurde et dörp bi'j Siegerswoolde.
Et waepen van Friesepaolen is ofleided van de schaans die de stadshoolder Willem Lodewiek in 1593 leut bouwen om de Spaanse legers te weren uut Frieslaand. De schaans in et waepen hoolt de Spanjaorden tegen, symboliseerd deur et waepen van Arragon, mit de symbolen uut de Friese vlagge an de aandere kaante.
Bevolking
[bewark | bronkode bewarken]Karkelik
[bewark | bronkode bewarken]Friesepaolen het een Griffermeerde Karke, die bi'j de vorming van de Protestantse Karke in Nederlaand besleut heur mit een peer aandere bezwaorde Griffermeerde Karken te verienigen in de Votzette Griffermeerde Karken in Nederlaand. Der is ok een Griffermeerd-vri'jmaekte Karke mit zowat 400 leden.