Heimat
Heimat is een düütsk woord. Denne hevt een groute rolle espöäld in de romantik van de 19. en 20. eywe. Denne wördden ouk gebruked in de Nazi-ideology.
Betekkenisse
[bewark | bronkode bewarken]Mensken bint ebünden an ear heimat döär ear geboarte en höär jöägd, ear taal, ear vrogste ervårings of lyvelike anleg. Heimat as een dree-eynheid van ofstamming, de gemeynskap en tradity hevt een - so hevt undersöök under ander uutewessen - slimme invlood op de identiteit van eyne.
Heimat wördden gebruked in de tyd dat mensken sich vervrümd vöölden, tydens de industriele revoluty vertrükken een bülte lüde van et platteland vord en güngen in de gröiende städen woanen. Heimat was een reakty up et untståne van de moderniteit, verlöären gån van individualiteit en de nåbüürskap. Regionale identiteit (samen med et regionale dialekt) is een belangryke grund vöär Heimat van eyne.
Et neadersassisk hevt geyn vergelykbaar woord vöär Heimat in gebruuk, behalve de oldere dialekten wår noch 'heym' up vöärkümt. Mar et neaderlandsk kent allennig noch een porty woorden dee et woord "heim" hebbet, so as "heimwee". Heimwey (ouk wel: vroggerseyrte) betekkent dat lüde terügge willet når de eigen vertrouwde ümgeaving, lüde sol de heimat düs ouk as een eigen vertrouwde ümgeaving künnen seen. Ouk hyr is et neet möägelik een precyse steade an te wysen.
Trivia
[bewark | bronkode bewarken]- Et minder bekende heimood of heimode is een möägelike neadersassiske/neaderlandske variant van et düütsken Heimat[1]. In et middelneaderlandsk waren de förms heimode, heimoede, heimede, hemode en heimoot in gebruuk.
Referentys
[bewark | bronkode bewarken]
|
Dit artikel is eskreaven in et sallandske dialekt van Haddenbarreg. |