Maarkel

	Maarkel
	Doarp in Nederlaand
(Vlagge van Maarkel)	(Wapen van Maarkel)
Maarkel (Oaveriessel) Maarkel	Maarkel
	Maarkel
	Oaveriessel
	Bestuur
Provinsie	Oaveriessel
Gemeente	Hof van Tweante
	Geografie en bevolking
Inwonners;	7595 (2012);
Koordinaten	52° 14′ N, 6° 30′ O
	Aoverig
Netnummer	0547
Postkode	7475
	Offisiële webstae
	www.hofvantwente.nl

Maarkel (Hollaands: Markelo) is n doarp in de gemeante Hof van Tweante. Tot 2001 was Maarkel zelf ne gemeante. In 2012 har et ongevear 7500 inwonners.

n Naamn Markelo keump van loo wat "bos" beteeknt, en marke wat "greanze" beteeknt.^[1]

Umgewing

Op t Westn lig de Maarkelsenboarg, den at op n top t Oaweriessels Verzetsmunumeant 1940-1945 hef.

Op ongevear 5 kilometer op t Westn van t doarp steet ne 156 meter hoge tellevisietoorn. Hiervan steet n skaalmodel in Madurodam in n Haag. In 2007 is-e in ekortt noa at t analoge tellevisiesignaal oet de loch is ehaald.

Geskiedenisse

In de middeleewn was Maarkel t heuwd van t karspel Maarkel (koarkgemeante). In 1224 wör Deepn ne gemeante op zikzelf. Vuur n opkomst van t protestantisme, wat in Maarkel duur de adel an t volk wör op edrungn.

Tot t midln van t 17e joarhonderd wördn beevoartn noar Maarkel organiseert, terwiel at det verböadn was duur de regerige. In de parochiekoarke van Maarkel hadn ze n woonderreliek van t Healige Blood. Later stopn de regerige dit duur de kapeln dichte te messeln of of te brekn.

Seend t 15e joarhonderd beheurdn Maarkel tot t richteramt Kedingen. In 1811 wör t Karspel Maarkel, met boerskop Karspel Goor en stad Goor, saamn edoan tot Gemeante Goor. Op 1 juni 1818 wör Maarkel zelfstaandig en in 2001 gung t op in de gemeante Hof van Tweante. Tot Maarkel beheurdn de boerskopn Ealsen, Ealsenebrook, Herike, Stokkum, Maarkelsebrook, Karspel Goor, Pothook en Achterhook.

Geleuf

De Maarkelsen beent meestieds behooldnd protestaants. in t midln van t doarp steet de Marinuskoarke, ook wal gewoon Neerlaands-Hervörmde Koarke neumd. In de middeleewn was Maarkel Roomsk, en de oolde Roomske koarke har n rellikwie van t Heailige Blood. Vanoet heel Neerlaand wördn beevoartstochten noar Maarkel emaakt.

Bekeande Maarkelsen

Wijnand Duijvendak (30 november 1957), geboorn in Maarkel en Neerlaands politicus
Gert-Jan Oplaat (22 november 1964), is geboorn in Maarkel en Neerlaands politicus
Johan Nijenhuis (4 maart 1968), geboorn in Maarkel en Neerlaands filmregisseur
Erik Wevers (24 maart 1970), op egröaid en wont in Maarkel, is Neerlaands Rallycoureur en teameigenaar
Jeroen Biegstraaten (25 juli 1973), geboorn in Maarkel en Neerlaands akteur
Bakermat (8 oktober 1991), geboorn in Maarkel en Neerlaands DJ en musikproducent
Gerard Bakker, Elvis Bode in Van Jonge Leu en Oale Groond

Rifferenties

↑ Groenedijk, T. (2000), Nederlandse plaatsnamen, 't Ogeveine: Slingenberg Boekproducties, ISBN 90-76113-815

Oetgoande verbeendige

Kaarte van gemeante Maarkel in 1868 op www.atlas1868.nl

Plaatsn in de gemeente Hof van Tweante

Achterhook · Beantel · Dealdn · Dealdnerbrook · Dealdner Es · Deepn · Diekerhook · Ealsn · Ealsenerbrook · Goor · Hengeveelde · Harke
Karspel Goor · Maarkel · Maarkelsebrook · Maarkvealde · Oazel · Pothook · Stokkum · Wiene · Zeldam

Oaveriessel · Steden en dörpen in Oaveriessel Nederlaand · Previncies · Gemientes

[1] Groenedijk, T. (2000), Nederlandse plaatsnamen, 't Ogeveine: Slingenberg Boekproducties, ISBN 90-76113-815

[1]