Allt-á-Bhainne

Allt-á-Bhainne
Brenneree Allt-á-Bhainne
Land	Schottland
Region	Speyside
Tyyp	Malt
Status	aktiv
Besitter	Pernod Ricard
Grünnt	1975
Grünner	Chivas Brothers (Seagram)
Waterborn	Scurran un Rowantree Burns
Washstill(s)	2
Spiritstill(s)	2
Produkschoonsvolumen	4.000.000 l

Allt-á-Bhainne is en Whisky-Brenneree in Favillar, Morayshire, Schottland.

Historie

De Naam Allt-á-Bhainne (utsnackt as: aulta-wanje) kummt vun’t Gäälsche un heet so veel as „Melkbeek“.

Grünnt weer de Destille in’t Johr 1975 dör de Chivas Brothers, en Dochterünnernehmen vun Seagram. 1989 is dat Brennvolumen verdubbelt worrn, dordör, dat twee wietere Brennblasen inboet worrn sünd. An’n 19. Dezember 2001 is se vun Pernod Ricard övernahmen worrn, de de Brenneree in’n Oktober 2002 eerstmol stillleggt hebbt. In’n Mai 2005 is se wedder in Bedrief gahn.

Produkschoon

De Brenneree Allt-á-Bhainne höört to dat schottische Whiskyrebeet Speyside. Se betütt ehr Water ut de Scurran un Rowantree Burns. In de Brenneree gifft dat en Meeschfatt (mash tun) vun 8,4 t ut Eddelstahl un acht Gäärfatten (wash backs) vun tosamen 352.000 l, de ok ut Eddelstahl sünd. Brennt warrt de Whisky in twee wash stills un twee spirit stills, de mit Damp hitt maakt warrt.

Afsehn vun en poor unafhangige Affüllen gifft dat to Tiet keen offizielle Affüllen vun de Destille. Dat, wat op’n Markt Allt-á-Bhainne to köpen is, stammt allns noch ut de Tiet vör den Wessel vun’n Besitter. Pernod Ricard bruukt den Whisky för jemehr Blends.

Kiek ok

• List vun de schottischen Brennereen

Literatur

• Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main, 2003, ISBN 978-3-596-15868-3.

Weblenken

Allt-á-Bhainne. Mehr Biller, Videos oder Audiodateien to’t Thema gifft dat bi Wikimedia Commons.

Koordinaten:57° 24′ N, 3° 12′ W