Arteria palatina ascendens

Kopparterien vun’n Minschen. De Opstiegen Böhnarterie stiggt an de Siet vun’n Kopp (Bildmitt) na baven.

De Arteria palatina ascendens (op platt ruchweg Opstiegen Böhnarterie) is en Slagader vun’n Kopp.

Verloop

Bi Minschen twiegt de A. palatina asc. ut den Anfangsafsnitt un de Arteria facialis af un tütt twüschen den Musculus styloglossus un den Musculus stylopharyngeus an de siet vun’n Pharynx na baven. Wieter löpt se twüschen den Musculus constrictor pharyngis superior un den Musculus pterygoideus medialis bit in de Neeg vun de Schädelbasis.

Nich wiet vun’n Musculus levator veli palatini deelt sik dat Bloodfatt in twee Twiegen. Een folgt den Verloop vun dissen Muskel, versorgt em, böögt an’n böveren Rand vun’n Musculus constrictor pharyngis superior üm un versorgt dat Böhnseil un de Böhndrüsen mit Blood. Dorbi geiht se Anastomosen in mit dat Fatt vun de annern Gesichtshälft un mit de Arteria palatina descendens. De tweete Twieg geiht dör den Musculus constrictor pharyngis superior un versorgt de Böhnmandel un dat Eustachi-Röhr, wobi se mit den Mandel-Twieg vun de Arteria facialis un mit de Arteria pharyngea ascendens anastomoseert.

Bi Roofdeerter un Swien twiegt de A. palatina asc. ut de Arteria lingualis af, bi Rinner ut de Arteria occipitalis un bi Peerd ut den Truncus linguofacialis.

Literatur

• T. H. Schiebler (Rgv.): Anatomie. Springer, Heidelberg 2005. ISBN 3-540-21966-8.
• Uwe Gille: Herz-Kreislauf- und Abwehrsystem, Angiologia. In: F.-V. Salomon et al. (Rgv.): Anatomie für die Tiermedizin. Enke-Verlag Stuttgart, 2. Opl. 2008, S. 404-463. ISBN 978-3-8304-1075-1