Arteria submentalis

De Ünnerkinnarterie (rechts buten in’t Bild)

Verloop vun de A. submentalis ünner’t Kinn

De Asteria submentalis („Ünnerkinnarterie“) is en Arterie in’t Rebeet vun’n Kopp, de an de Ünnersiet vun’n Ünnerkeev langs löpt.

Verloop un Aftwiegen

De Arteria submentalis entsteiht as gröttsten zervikal Twieg ut de Arteria facialis, nadem se de Ünnerkeevseverdrüüs (Glandula submandibularis) verlaten hett. Se verlöpt op den Musculus mylohyoideus jüst baven den Corpus mandibulae na vörn un warrt dorbi vun’n Musculus digastricus verdeckt.

Över ehr lütten Aftwiegen versorgt de Ünnerkinnarterie de ümgeven Muskeln un billt Anastomosen ut mit de Arteria sublingualis – de dat bi Minschen aver nich gifft - un mit den Ramus mylohyoideus vun de Arteria alveolaris inferior.

In de Neeg vun de Symphys vun’n Ünnerkeev drieht se na baven af över’n Ünnerkeevrand, woneem se sik in ehr Endtwiegen opdeelt:

• Ramus superficialis: Disse Twieg löpt an de Bavenflach twüschen de Gesichtshuut un den Musculus depressor labii inferioris un billt Anastomosen mit de Arteria labialis inferior.
• Ramus profundus: Dat is de deepere Twieg, de twüschen den Musculus depressor labii inforioris un den Ünnerkeevknaken löpt. De versorgt de Ünnerlipp un billt ok Anastomosen ut mit de Arteria labialis inferior, as ok mit de Arteria mentalis

Borns

Disse Artikel bargt Texten ut Flexikon, wat en Wiki vun de Firma Doccheck is, de dör de GNU/FDL lizenseert is.

Literatur

• T.H. Schiebler (Hrsg.): Anatomie. Springer, Heidelbarg 2005. ISBN 3-540-21966-8.
• U. Gille: Herz-Kreislauf- und Abwehrsystem, Angiologia. In: Salomon, F.-V. u. a. (Rgv.): Anatomie für die Tiermedizin. Enke-Verlag, Stuttgart 2004, S. 404-463. ISBN 3-8304-1007-7