Eric Lamaze

Eric Lamaze mit Hickstead bi de olympisch Rietsportwettbewarfen 2008 in Hongkong

Eric Lamaze (* 17. April 1968 in Montreal, Québec) is en kanaadsch Springrieder un Goldmedaillengewinner bi de Olympisch Sömmerspelen 2008.

Eric Lamaze befunn sück in de Springrieder-Weltranglist vun de FEI in' November 2013 up Rang 53. Vun Januar bit April 2009, in' Juli 2010 un vun Juni 2011 bit Dezember 2011 weer he Weltranglisteneerst.[1][2][3][4]

Privates

[ännern | Bornkood ännern]

Sien Ehefru Megan Johnstone-Lamaze weer as internatschonale Springriederin för de USA aktiv.

In sien Wahnoort Schomberg (Ontario) besitt Lamaze den Torrey Pines Stable.

Werdegang

[ännern | Bornkood ännern]

Fröh Johren un Dopingproben

[ännern | Bornkood ännern]

Lamaze kummt ut sozial swoor Verhältnissen, he hett de School mit 14 Johren verlaaten. To dissen Tiepunkt seet sien Moder wegen Kokainhannel in't Gefängnis, sien Grootmoder weer alkoholafhängig. Mit 15 Johr kreeg he de Chance, in den Stall vun Roger Deslauriers (Vader vun den kanaadschen, jetzt US-amerikaanschen Natschonenpriesrieder Mario Deslauriers) in Bromont bi Montreal to arbeiten, wo he dree Johr lang bleev.[5] In disse Tiet weer he in de Öllersklass vun de Junioren spoodriek, af 1992 is he denn ok up groot Rietturnieren an den Start gahn. 1993 nehm he eerstmals an en Natschonenpries för Kanada deel. Een Johr later nehm he eerstmals an de Weltriederspelen deel un wurr ok Tweet in de kanaadsch Weltcup-Liga.[6]

Kört vör de [[Olympisch Sömmerspelen 1996] wurr Lamaze positiv up Kokain test. Dat führ dorto, dat he ut den kanaadschen Olympiakader streeken un tonächst för veer Johr sparrt wurr. Lamaze kunn aber dorleggen, dat sück dat dorbi nich um en sportliche Leistungsbeinflooten hanneln dee, sonnern dat dat en privat Problem weer. Sien Sparr hett man daruphen up söben Maand verkört, Lamaze kreeg vun sien Verband en tweet Chance. Kört vör de Olympisch Spelen 2000 wurr he weer positiv testet, ditmal up de Substanz Ephedrin. Infolgedessen wurr he levenslang vun all peersportlichen Tätigkeiten utslooten. Lamaze geev bekannt, dat de positive Proov vun en Nehrensmiddeltosatz herröhr, de nich richtig angeeven wurrn weer. Dat wurr vun de Hersteller bestätigt. Doruphen wurr de Sparr weer uphaben. Dornah leet sück de olympisch Verband vun Kanada vun all potentiell Olympiadeelnehmern bestätigen, dat se kien verboden Middel innehmen. In' Rahmen vun disse Aktschoon wurr Lamaze persönlich upfordert, nochmals en Dopingtest maaken to laaten. Disse full as ok all 1996 positiv up Kokain ut. Sien Afkaat hett denn argumenteert, dat de levenslang Sparr wegen Ephedrin nich harr utspraaken wurrn drüff. Dat weer ok de Grund für den nochmaligen Kokainkonsum ween. Dat drüff sien Ansicht nah ok nich sanktschoneert wurrn, wiel Lamaze wiels de eerst Sparr nich mehr den Vörschriften vun den kanaadschen olympischen Verband ünnerstahn dee. De Afkaat hett ok noch up de swoor Kindheit vun sien Mandanten un up de sien Depressionen verwiest. Doruphen wurr de tweet, wegen den nochmaligen Kokainkonsum utspraaken levenslang Sparr uphaben.[7]

Spoodriek Johren un Verlust

[ännern | Bornkood ännern]

Lamaze sien groot Erfolge keemen mit den Koop vun sien spoodriek Peerd Hickstead. Af dat Johr 2005 nehm Lamaze mit Hickstead an völ internatschonalen Prüfungen un Championaten deel, kröönt vun den Gewinn vun de Eenzelgoldmedaille bi de Olympisch Sömmerspelen 2008.

Een Week nah de Panamerikaansch Spelen 2011 nehm Lamaze mit Hickstead an dat Weltcupturnier in dat italieensch Verona deel. Glieks nah dat Enn' vun den Parcour is dat Peerd tosommenbraken un is noch vör Oort an en akuten Aortenruptur dood bleeven. Man hett denn de Prüfung afbraaken un en Schwiegeminüüt afhollen.[8] Eenig Daag later hett Lamaze över sien sportlich Tokunft snackt:[9]

Zitat: Es gibt zwei Möglichkeiten: Entweder gebe ich auf und überlasse meine restlichen Pferde meinen Stall-Kollegen. Oder ich kämpfe...Wir entscheiden uns für diesen Sport, weil wir ihn lieben. Aber wir entscheiden uns auch dafür, weil wir diese Tiere lieben. Beim Reiten ist es eben nicht so, wie wenn ein Golf- oder Tennisschläger bricht. Wir alle haben ein Familienmitglied verloren. Hickstead hat mir alles bedeutet und mein Leben verändert.

Karriere nah 2011

[ännern | Bornkood ännern]
Eric Lamaze mit Zigali bin den CHI Genf 2013

2012 wurr Lamaze weer för de Olympisch Spelen nomineert. Bi de Sömmerspelen in London reck he mit Derly Chin de Muze den 29. Platz in de Eenzelwertung un in de Mannschapswertung Platz 5. Eric Lamaze is wiederhen de internatschonal spoodriekste kanaadsch Springrieder, ok wenn he nich mehr to de teihn best Rieder vun de Weltelite tellt.

Erfolge

[ännern | Bornkood ännern]

[10][11]

Championate un Weltcup

[ännern | Bornkood ännern]

Den gröttsten Spood vun sien Karriere reck Lamaze bi sien eerst Deelnahm an de Olympisch Spelen 2008. Hier wunn he mit sien Peerd Hickstead, as eerst kanaadsch Rieder överhoopt, en Eenzelgoldmedaille. Wenig Daag tovör harr he gemeensam mit Mac Cone, Jill Henselwood un Ian Millar för Kanada de Mannschaps-Sülvermedaille wunnen.

Bi de Panamerikaansch Spelen kunn he 1999 mit de kanaadsch Mannschap den darten Rang beleggen; 2007 reck he dor mit Hickstead Sülver mit de Mannschap un Bronze in de Eenzelwertung.

Lamaze nehm ok an de Weltriederspelen 1994, 1998, 2002 un 2006 deel, ahn dorbi aber groot Spood to hemm. Anners seech dat bi disse Veranstaltung 2010 ut, as he mit Hickstead Bronze in de Eenzelwertung un mit de Mannschap Platz 5 recken dee. Bi de Panamerikaansch Spelen 2011 reck he mit Coriana van Klapscheut Rang 4 in de Mannschapswertung un Rang 11 in de Eenzelwertung.[12] Bi den Panamerikaansch Spelen 2015 in Toronto wunn he mit Coco Bongo as Deel vun de kanaadsch Equipe, de Mannschaps-Sülvermedaille.[13]

Bi sien Weltcupfinaldeelnahm 2005 wurr he mit Tempete van het Lindehof Sössteihnst. Söss Johr later keem he bi dat Weltcupfinale in Leipzig mit Hickstead up den tweeten Rang.

Herutragen Groot Priesen

[ännern | Bornkood ännern]

Lamaze, de Stammgast bi de Turniere in dat heimatliche Spruce Meadows is, wunn 2007 mit Hickstead den Grooten Pries vun den CSIO 5* Spruce Meadows Masters, den wichtigsten Grooten Pries in de USA.

Dree Johr later, 2010, is Lamaze mit sien Peerd Hickstead in' direkten Ansluss an mehrere Turniere in Spruce Meadows, vun de he den letzten (up CSI 5*-Niveau) wunn, för mehrere Turniere nah Europa flaagen. Hier is he denn direkt bi den CHIO Aken un wunn dor mit Hickstead mit den Grooten Pries vun Aken (CSIO 5*) ok den wichtigsten Grooten Pries vun Europa. Wiels den eersten Umloop bi den Grooten Pries vun Aken hett Lamaze en Knacks bi en Lannen hört. Nahderhen stell sück herut, dat he den tweeten Umloop un dat Steeken mit en braken Foot maakt harr.[14]

Wiedere Erfolge (af 2004)

[ännern | Bornkood ännern]
  • 2004: 2. Platz in de Weltcup-Wertungsprüfung vun Bromont as ok 1. Platz mit de kanaadsch Mannschap in' Natschonenpries vun de Vereenigte Staaten vun Amerika (Wellington, CSIO 4*) – beides mit Tempete van het Lindehof
  • 2005: 3. Platz in'n Grooten Pries vun en CSI 3* in Wellington (USA) mit Tempete van het Lindehof, 3. Platz in de Weltcup-Wertungsprüfung vun Blainville mit Tempete van het Lindehof, 3. Platz in' Grooten Pries vun Toronto (CSI 4*-W) mit Hickstead, 2. Platz in de Weltcup-Wertungsprüfung vun Toronto (CSI 4*-W) mit Hickstead
  • 2006: 3. Platz in' Grooten Pries vun Aken mit Hickstead, 3. Platz in de Weltcup-Wertungsprüfung vun Wellington (USA) mit Hickstead, 2. Platz in' Grooten Pries vun en CSI 5* in Calgary-Spruce Meadows mit Hickstead, 1. Platz in de Weltcup-Wertungsprüfung vun Blainville mit Hickstead, 2. Platz in de Weltcup-Wertungsprüfung vun Palgrave mit Ronaldo as ok mit de kanaadsch Mannschap 1. Platz in' Natschonenpries vun de Vereenigte Staaten vun Amerika (Wellington, CSIO 4*) mit Hickstead
  • 2007:
    • Weltcup-Wertungsprüfungen: 3. Platz in Wellington (USA) mit Hickstead,
    • Groot Priesen: 3. Platz in Charlotte (CSI 4*) mit Narcotique de Muze, 2. Platz in Antwerpen (CSI 3*) mit Hickstead, 3. Platz in Madrid (CSI 5*) mit Hickstead, 2. Platz bi en CSI 4* un 1. Platz bi den CSIO 5* in Calgary-Spruce Meadows mit Hickstead
    • Natschonenpriesen (mit de kanaadsch Mannschap): 1. Platz in' Natschonenpries vun de Vereenigte Staaten vun Amerika (Wellington, CSIO 4*) mit Hickstead
  • 2008:
    • Weltcup-Wertungsprüfungen: 1. Platz in Palgrave (CSI 3*-W) mit Tempete van het Lindehof, 1. Platz in Toronto (CSI 4*-W) mit Hickstead, 1. Platz in Genf (CSI 5*-W) mit Hickstead
    • Groot Priesen: 2. Platz bi den CSIO 5* Wellington (USA) mit Hickstead, 2. Platz in Madrid, (CSIO 5*) mit Hickstead, 2. Platz bi den R.I.D.E. Deauville (CSI 5*) mit Hickstead, 1. Platz in Caen (CSI 3*) mit Hickstead, 2. un 3. Platz bi CSI 4*-Turnieren un tweemal 1. Platz bi CSI 5*-Turnieren in Calgary-Spruce Meadows mit Hickstead
    • Natschonenpriesen (mit de kanaadsch Mannscha): 2. Platz in de Natschonenpriesen vun Lummen un Calgary-Spruce Meadows (beid CSIO 5*) mit Hickstead
  • 2009: 2. Platz in' Grooten Pries vun Madrid (CSI 5*), 2. Platz in' Grooten Pries vun Rio de Janeiro (GCT-Wertungsprüfung, CSI 5*), 3. Platz in' Grooten Pries vun en CSI 4*, 3. Platz in' Grooten Pries vun en CSI 5* un 2. Platz in' Grooten Pries vun den CSIO 5* vun Calgary-Spruce Meadows, 1. Platz in dat Masters vun Lyon (CSI 5*-W), 3. Platz in dat World-Top-Ten-Finale as ok 1. Platz in' in' Natschonenpries vun de Vereenigte Staaten vun Amerika (Wellington, CSIO 4*) – all mit Hickstead
  • 2010: 1. Platz in Grooten Pries vun en CSI 5*, 3. Platz in' Grooten Pries vun en CSI 4*-W un 1. Platz in' Grooten Pries vun noch en CSI 5* in Calgary-Spruce Meadows, 1. Platz bi den Grooten Ppries vun Aken 2010, 3. Platz in' 1.000.000 C$-Grooten Preis vun Spruce Meadows (CSIO 5*), 3. Platz in dat Welt-Top-10-Finale in Genf (CSI 5*-W), 2. Platz in dat Weltcupspringen vun Genf (CSI 5*) – all mit Hickstead as ok 1. Platz in' in' Natschonenpries vun de Vereenigte Staaten vun Amerika (Wellington, CSIO 4*) mit Ronaldo
  • 2011:
    • Weltcup-Wertungsprüfungen: 2. Platz in Calgary-Spruce Meadows (CSI 4*-W) mit Hickstead
    • Groot Priesen: 1. Platz in La Baule (CSIO 5*) mit Hickstead, 1. Platz in Rom (CSIO 5*) mit Hickstead, 1. Platz bi en CSI 5* in Calgary-Spruce Meadows mit Hickstead, 1. Platz in Barcelona (CSIO 5*) mit Atlete van't Heike
    • Natschonenpries (mit de kanaadsch Mannschap): 2. Platz in Wellington FL (USA; CSIO 4*) mit Sidoline van de Centaur
    • wiedere: 2. Platz in dat Welt-Top-10-Finale in Paris (CSI 5*) mit Coriana van Klapscheut
  • 2012: 3. Platz in' Grooten Pries vun Antwerpen (CSI 4*) mit Derly Chin de Muze, 3. Platz in' Grooten Pries vun Madrid (CSI 5*) mit Verdi, 2. Platz in en Weltcupspringen in Calgary (CSI 5*-W 'Continental') mit Derly Chin de Muze
  • 2013:
    • Weltcup-Wertungsprüfungen: 3. Platz in Calgary (CSI 4*-W 'Canada One') mit Powerplay
    • Natschonenpriesen (mit der kanaadsch mannschap): 2. Platz in Wellington FL (CSIO 4*) mit Wang Chung, 3. Platz in Calgary (CSIO 5*-W 'Continental') mit Powerplay, 6. Platz in dat Nations Cup-Finale (CSIO 5* Barcelona) mit Powerplay

(Stand: 1. Dezember 2013)

Utteknungen

[ännern | Bornkood ännern]

Lamaze wurr in de Johren 2010 un 2011 vun de Liddmaaten vun den International Jumping Riders Club to' Rieder vun dat Johr wählt. Todem wurr he tosommen mit Hickstead mit mehr as 50 Perzent vun de Stimmen to'n CBC Sports Athlete of the Year 2011 wählt.[15]

Peer

[ännern | Bornkood ännern]
Eric Lamaze un Hickstead
  • Hickstead (* 1996; † 2011, oorssprünglich „Opel“), bruun KWPN-Hingst, Vader: Hamlet, Modervader: Ekstein[16]
  • Powerplay (* 2004), bruun Holsteener Wallach, Vader: Casall, Modervader: Limbus, bit Mai 2013 vun Pius Schwizer reeden[17]
  • Tempete van het Lindehof (* 1996), rappfarven Belgisch Warmblootwallach, Vader: Darco, Modervader: Almkugel, tietwielig ok vun Ashley Fleischhacker un Marie Hecart reeden[18]
  • Ronaldo (* 1998), bruun KWPN-Wallach, Vader: Heartbreaker, Modervader: Voltaire, tietwielig ok vun Ainsley Vince un Marie Hecart reeden[19]
  • Narcotique de Muze II (* 1997), Belgisch Sportpeerd (sBs), bruun Stute, Vader: Darco, Modervader: Chin Chin[20]
  • Wang Chung M2S (* 2003), fuchsfarven KWPN-Hingst, Vader: Royal Bravour, Modervader: Ahorn, bit August 2011 vun Felix Haßmann reeden

Weblenken

[ännern | Bornkood ännern]
Eric Lamaze. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

[ännern | Bornkood ännern]
  1. ↑ FEI-Weltrangliste Springreiten
  2. ↑ FEI-Weltranglist Nr. 96 (PDF; 489 kB)
  3. ↑ FEI-Weltranglist Nr. 99 (PDF; 630 kB)
  4. ↑ FEI-Weltranglist Nr. 114 (50 best internatschonale Ergevnisse vun jeden Rieder van' 1. Juli 2009 bit 30. Juni 2010; PDF; 394 kB)
  5. ↑ Canada's Olympic hopefuls: Eric Lamaze: something to prove – Artikel vun Jonathon Gatehouse van' 14. Mai 2008 (engelsch)
  6. ↑ Portrait vun Eric Lamaze (engelsch)
  7. ↑ Ein Mann mit Vergangenheit: Olympiasieger im Springreiten war schon zweimal lebenslänglich gesperrt, NZZ Online van' 21. August 2008
  8. ↑ Death of equine superstar Hickstead
  9. ↑ Totes Pferd Hickstead: Lamaze trauert um ein „Familienmitglied“, Focus, 10. November 2011
  10. ↑ FEI-Erfolgsdatenbank: Eric Lamaze
  11. ↑ Kört-Biografie up riderstour.de: Eric Lamaze
  12. ↑ Panamerikanische Spiele 2011: Mannschapswertung Springrieden
  13. ↑ Tietplaan un Ergevnisse Peersport bi de Panamerikaansch Spelen 2015 (engelsch)
  14. ↑ www.ludwigs-pferdewelten.de: Eric Lamaze mit Fußbruch zum Grand Prix-Sieg
  15. ↑ Hickstead and Lamaze named Athlete of the Year, 13. Dezember 2011 (engelsch)
  16. ↑ FEI-Pferdedatenbank: Hickstead
  17. ↑ FEI-Pferdedatenbank: Powerplay
  18. ↑ FEI-Pferdedatenbank: Tempete van het Lindehof
  19. ↑ FEI-Pferdedatenbank: Ronaldo
  20. ↑ FEI-Pferdedatenbank: Narcotique de Muze II