Eudonia lacustrata
| Eudonia lacustrata | |
 | |
| Systematik | |
| Klass | Insekten (Insecta) |
| Ornen | Bottervagels (Lepidoptera) |
| Familie | Crambidae |
| Ünnerfamilie | Scopariinae |
| Geslecht | Eudonia |
| Oort | Eudonia lacustrata |
| Wetenschopplich Naam | |
| Eudonia lacustrata | |
| (Panzer, 1804) | |
Eudonia lacustrata is en Bottervagel ut de Familie vun de Crambidae. He is in Europa wiet verbreedt.
Markmalen
[ännern | Bornkood ännern]Eudonia lacustrata reckt en Flögelspannwiet bit 18 Millimeter. De Vörderflögel sünd hellgrau bit wittlich mit dunkel Teeknung. In dat Feld an dat buterste Enn‘ vun den Vörderflögel överweegen de dunkel Berieken. De Achterflögel sünd cremewitt mit en wat dunkleren Randberiek.
Vörkommen
[ännern | Bornkood ännern]Dat Verbreedensrebeet vun disse Aart umfaat ganz Europa un Nordwestafrika un treckt sück över Törkie, Syrien, Iran, Sibirien bit nah Westchina. In‘ Norden vun Europa fehlt de Aart in Lappland. Se stiggt in de Bargen nich över de Boomgrenz. In‘ Iran un in Armenien wurrd de Aart dör de Ünneraart Eudonia lacustrata persica vertreeden. Se leevt in‘ Buschland, lichten Wäldern un in Gorden.
Levenswies
[ännern | Bornkood ännern]De Falter fleegen vun Mai bit Oktober, je nah Region, in‘ Norden meest wat later. De oligophagen Ruupen kann man af September finnen; se överwintern ok un nehren sück vun Moosen. Nahwiest Futterplanten sünd Widertonmoose (Polytrichum), Pottiaceae (Tortella), Hypnum (Slaapmoose) un Isothecium (Fam. Brachytheciaceae). Se leeven in en Gespinst an dat Moos.
Taxonomie
[ännern | Bornkood ännern]In öllere Arbeiten wurrd de Aart ünner de Naam Scoparia crataegella upführt. Disse Naam is aber nich mehr gültig.[1] An sien Stäe trett de eerste verfügbare un gültig inführt Naam i.e. Eudonia lacustrata (Panzer, 1804). Faken wurrd ok de Kombinatschoon Dipleurina lacustrata bruukt. Allerdings wurrd de Gattung Dipleurina in de neeste Publikatschonen as Synonym vun de Gattung Eudonia ankeeken. De Aart wurrd in twee Ünneraarten ünnerdeelt: de nominotypische Ünneraart Eudonia lacustrata lacustrata, de in den grötteren Deel vun dat Verbreedensrebeet vörkummt un Eudonia lacustrata persica Leraut, 1984, de in‘ Iran un in Armenien nahwiest is.
Borns
[ännern | Bornkood ännern]Literatur
[ännern | Bornkood ännern]- Karl Eckstein: Die Schmetterlinge Deutschlands 5. Band Die Kleinschmetterlinge Deutschlands. 222 S., K. G. Lutz Verlag, Stuttgart 1933
- Barry Goater, Matthias Nuss, Wolfgang Speidel: Pyraloidea I (Crambidae, Acentropinae, Evergestinae, Heliothelinae, Schoenobiinae, Scopariinae). In: P. Huemer, O. Karsholt, L. Lyneborg (Hrsg.): Microlepidoptera of Europe. 1. Uplaag. Band 4. Apollo Books, Stenstrup 2005, ISBN 87-88757-33-1 (englisch).
- František Slamka: Die Zünslerfalter (Pyraloidea) Mitteleuropas. Hrsg.: František Slamka. 2. Uplaag. Bratislava 1997, ISBN 80-967540-2-5.
Weblenken
[ännern | Bornkood ännern]
Eudonia lacustrata. Mehr Biller, Videos oder Audiodateien to’t Thema gifft dat bi Wikimedia Commons.
- www.lepiforum.de Taxonomie un Fotos
- Websteed vun Jim Lindsey (engelsch)
- Moths and Butterflies of Europe and North Africa (engelsch)
- Ian Kimber: Guide to the moths of Great Britain and Ireland (engelsch)
- Eudonia lacustrata bi fauna-eu.org
Enkeld Nahwiesen
[ännern | Bornkood ännern]- ↑ Karl Eckstein: Die Schmetterlinge Deutschlands 5. Band Die Kleinschmetterlinge Deutschlands. 222 S., K. G. Lutz Verlag, Stuttgart 1933, S. 64