Frans Melckenbeeck

Frans Melckenbeeck

Frans Melckenbeeck (* 15. November 1940 in Lede) is en ehmalger belgisch Radrennfohrer un natschonaler Meester in’n Radsport.

Sportlich Loopbahn

[ännern | Bornkood ännern]

As Amateur hett he in de Saison 1961 36 Siege reckt, dorünner twee Deelstrecken in de Belgien-Rundfohrt, de Limburg-Rundfohrt, as ok de belgisch Meesterschap in dat Straatenrennen wunnen. Bi den Sieg vun Jean Jourden bi de UCI-Straaten-Weltmeesterschapen 1961 keem he up den 5. Platz. 1962 wunn he en wiederen natschonalen Titel, as he bi de belgisch Bahnmeesterschapen in dat Tweeer-Mannschapstietfohren mit Romain De Loof winnen dee.

Dornah wurr he Profi in dat franzöösch Team Mercier, in dat Raymond Poulidor Kapitän weer. 1963 wunn he mit dat Rennen Lüttich-Bastogne-Lüttich een vun de Monumente vun den Radsport vör Pino Cerami un Vittorio Adorni. Bi sien eerst Tour de France 1962 is he utscheeden, een Johr later wunn he de veerte Deelstreck un is denn aber up de 9. Deelstreck utscheeden, ebenso 1964. [1] Bi de Flannern-Rundfohrt 1963 keem he up den 2. Platz (achter Noël Foré, aber vör Tom Simpson, Willy Vannitsen un annern.

1964 konnte er das Rennen Omloop Het Volk (vör Arthur Decabooter, Yvo Molenaers, Frans Aerenhouts un annern winnen, as ok een Deelstreck bi Paris–Nizza un tweel Deelstrecken bi de Vuelta a España. 1965 wunn he nochmals en Deelstreck in de Vuelta. 1972 hett he sien Loopbahn afslooten. Bi hüm sünd all tohoop 71 Siege verteekent, dorvan alleen 39 bi Straatenrennen un 17 Deelstreckensiege.

[ännern | Bornkood ännern]
Frans Melckenbeeck. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

[ännern | Bornkood ännern]
  1. ↑ Joel Godaert, Robert Janssens, Guido Cammaert: Tour Encyclopedie 1954–1965. Uitgeverij Worldstrips, Gent 1999, S. 160.