Independence (Belize)

Wapen/Flagg

Koort

Basisdaten

Distrikt: Stann Creek

Inwahners:

4.014 (2010-00-002010)

Geograafsche Laag:

Koordinaten:16° 32′ N, 88° 25′ W16° 32′ N, 88° 25′ W

Independence is en Gemeen in’n Distrikt Stann Creek von dat Land Belize. De Oort warrt ok Mango Creek nöömt.

Geografie

De Oort liggt an de Küst von de Karibische See twüschen den Beek Mango Creek in’n Noorden un den Stroom Big Creek in’n Süden. De Küst vörlagert is de Placencia-Halvinsel. Na Westen to liggt de Mango Creek Forest Reserve.

De Naveröörd sünd Santa Cruz un Mayan King in’n Noorden, Riversdale, Maya Beach un Seine Bight in’n Noordoosten, Placencia in’n Oosten, Monkey River Town un Mango Walk in’n Süüdwesten, Bella Vista, San Juan un Cowpen in’n Westen un Georgetown, San Roman un Santa Rosa in’n Noordwesten.

Historie

Independence un Mango Creek weren fröher twee Dörper. De Öörd sünd aver al lang tohoopwussen un sünd nu offiziell een Oort, de Independence heten deit. De Naams warrt aver liekers noch all beid bruukt un op’n kumpletten Oort anwennt.

Inwahnertall

Johr	Inwahners
2000-00-002000^[1]	2.881 Lüüd, 636 Huushollen
2010-00-002010^[2]	4.014 Lüüd, 972 Huushollen

Weertschop un Infrastruktur

Rund üm Independence sünd en Reeg Shrimp-Farmen to finnen (Belize Shrimp Growers Association).

Verkehr

De Oort is över de Independence Road an’n Southern Highway anslaten, de in’n Noorden na Dangriga un an’n Hummingbird Highway löppt un in’n Süden över Dump na Punta Gorda.

Bi Independence liggt de tweetgröttste Haven von Belize, de Port of Big Creek.

Von Independence ut gifft dat ok Fährverkehr na Placencia.

De Oort hett twee lüttje Flegerplätz: de Big Creek Airport bedeent den Haven un de Independence Airport liggt en lütt Stück in’n Westen.

Scholen

Dat gifft in’n Oort twee Grundscholen, een Sekundarschool un dat Independence Junior College.

Footnoten

↑ Zensus 2000 (PDF) von dat Central Statistical Office of Belize
↑ Zensus 2010 (PDF) von dat Statistical Institute of Belize

Weblenken

Independence (Belize). Mehr Biller, Videos oder Audiodateien to’t Thema gifft dat bi Wikimedia Commons.

Gemenen von’n Distrikt Stann Creek in Belize

[ZensusBelize2000-1] Zensus 2000 (PDF) von dat Central Statistical Office of Belize

[ZensusBelize2010-2] Zensus 2010 (PDF) von dat Statistical Institute of Belize

[1]

[2]