Michael J. Hill (* 1952 in Omaha, Nebraska) is en US-amerikaanschen Filmeditor.
Hill hett veel mit sien Kolleeg Daniel P. Hanley tosamenarbeit. Tosamen hebbt se bi all Filmen vun den Speelbaas Ron Howard mitarbeit, de vun Night Shift (1982) an maakt worrn sünd.[1]
Opwassen is Hill in Omaha, Nebraska, wonee he an de University of Nebraska at Omaha 1972 en Afsluss in Kriminalrecht (criminal justice) maakt hett. Dorna hett he toeerst as Oppasser in dat Chino-Gefängnis in Kalifornien arbeit. In dat Filmgewarf is he dorna kamen un hett an verschedene Feernsehprogrammen un twee Speelfilmen arbeit, vördem he 1982 anfungen hett mit Hanley (un Howard) tohopen to arbeiten.[2] Mit annere Speelbasen hebbt de beiden nich so faken to doon. Na eenige Johren in Kalifornien is Hill 1980 torüch na Nebraska gahn. Tosätzlich to sien Arbeit an de groten Kinofilmemn vun Ron Howard, hett Hill ok Independent-Filmen sneden as to’n Bispeel Full Ride (2002).[3]
Hill is tosamen mit sien Kolleeg Hanley för Apollo 13 mit den Oscar uttekent worrn, weer bito aver ok för de Filmen A Beautiful Mind (2001), Cinderella Man (2005) un Frost/Nixon (2008) nomineert. Dat Geheemnis vun de beiden Hill un Hanley is, dat se en egenen Stil entwickelt hebbt, de bi beiden gliek is. Se künnt sik dorüm dat Filmmaterial eenfack opdelen un jeder för sik arbeiten.[1] Hill is as Liddmaat in de Vereenigen vun de American Cinema Editors wählt worrn.[4]
| Johr | Titel |
|---|---|
| 1981 | Cagney & Lacey, Feernsehn |
| 1982 | Night Shift dt.: Night Shift – Das Leichenhaus flippt völlig aus |
| 1984 | Splash dt.: Splash – Eine Jungfrau am Haken |
| 1985 | Cocoon |
| 1986 | Gung Ho |
| 1986 | Armed and Dangerous dt.: Zwei unter Volldampf |
| 1988 | Willow |
| 1989 | Pet Sematary dt.: Friedhof der Kuscheltiere |
| 1989 | Parenthood dt.: Eine Wahnsinnsfamilie |
| 1990 | Problem Child dt.: So ein Satansbraten |
| 1991 | Backdraft dt.: Backdraft – Männer, die durchs Feuer gehen |
| 1992 | Far and Away dt.: In einem fernen Land |
| 1994 | The Paper dt.: Schlagzeilen |
| 1995 | Apollo 13 |
| 1996 | Ransom dt.: Kopfgeld |
| 1997 | In & Out dt.: In & Out – Rosa wie die Liebe |
| 1999 | Edtv dt.: Edtv – Immer auf Sendung |
| 2000 | How the Grinch Stole Christmas dt.: Der Grinch |
| 2001 | A beautiful Mind dt.: A beautiful Mind – Genie und Wahnsinn |
| 2002 | Full Ride |
| 2003 | The Missing |
| 2005 | Cinderella Man dt.: Das Comeback |
| 2006 | The Da Vinci Code dt.: The Da Vinci Code – Sakrileg |
| 2008 | Frost/Nixon |
| 2009 | Angels & Demons dt.: Illuminati |
| 2011 | The Dilemma dt.: Dickste Freunde |
| 2013 | Rush dt.: Rush: Alles für den Sieg |
| 2015 | In the Heart of the Sea dt.: Im Herzen der See |
Mike Hill is bit Januar 2010 al veerteihn mol för hooch achte Filmpriesen vörslahn wesen, dorünner veermol för den Oscar. Wunnen hett he bit hüüt veer Priesen: