Qiu Bo (chineesch 邱波, Qiū Bō; * 31. Januar 1993 in Sichuan) is en chineesch Waterspringer. He trett an in dat 10-m-Toorn- un Synchroonspringen.
Bo hett 2009 in Rom eerstmals an den Swemmweltmeesterschapen deelnommen. In en spannend Finale wurr he in’t Toornspringen Tweet achter Tom Daley. Bi de Heimweltmeesterschapen 2011 in Shanghai wurr he eerstmals Weltmeester. He wunn mit Huo Liang dat 10-m-Synchroonspringen un weer ok in dat 10-m-Toornspringen nich to slahn un wunn vör David Boudia un den Düütschen Sascha Klein.
2010 is he bi de eerst Olympisch Jöögd-Sömmerspelen in Singapur antreeden. Dor wunn he souverän Gold vun dat 3-m-Brett un vun den 10-m-Toorn. Bi de Olympisch Sömmerspelen 2012 in London muss he sück in dat Toornspringen in en hoochklassig Finale den US-Amerikaner David Boudia slahn geven un wunn de Sülvermedaille noch vor den Briten Tom Daley.[1]
Bi de Swemm-Weltmeesterschapen 2013 in Barcelona weern de Medaillen bi dat 10-m-Toornspringen nipp un nau so verdeelt as 2011.
Bi de Asian Games 2018 bleev he in dat Toornspringen achter sien Landsmann Yang Jian, aber vör Woo Ha-ram ut Süüd-Korea. [2]