Reinhard Grindel
Reinhard Dieter Grindel (* 19. September 1961 in Hamborg) is en düütschen Politiker von de CDU. Siet 15.April 2016 is he Präsident von de DFB.
Grindel is 1961 in Hamborg boren. Na dat Abitur 1981 in Hamborg hett he as Stipendiat von de Konrad-Adenauer-Stiftung Juristeree an de Universität Hamborg studeert un dat 1988 mit dat eerste juristische Staatsexamen afslaten.
Na dat Studium hett he toeerst as Redaktör för Landspolitik bi Radio Sleswig-Holsteen (RSH) in Kiel arbeidt. 1989 is he as Korrespondent för RSH un de Neue Osnabrücker Zeitung na Bonn wesselt. 1991 is he Redaktör in dat Bonner Studio von Sat.1 worrn un 1992 leitenden Redaktör in dat Studio Bonn von dat ZDF. 1997 hett Grindel dat Leid von dat ZDF-Studio in Berlin övernahmen, bet he von 1999 bet 2002 denn dat Leid över dat ZDF-Studio in Brüssel harr.
Grindel is verheiraadt un hett twee Söhns.
He is 1977 in de CDU rin. He weer eerst in de Junge Union aktiv un hett dor von 1979 bet 1985 to’n Landsvörstand in Hamborg höört. Von 1981 bet 1987 weer he Maat von’n CDU-Kreisvörstand Hamborg-Eimsbüttel.
Siet 2003 is Grindel Viez-Vörsitter von’n CDU-Bezirksverband Elv-Werser.
He hett von 1982 bet 1988 in de Bezirksversammlung von Hamborg-Eimsbüttel seten.
Grindel is bi de Bundsdagswahl 2002 un 2005 över de Landslist Neddersassen in’n Bundsdag intagen. Bi de Bundsdagswahl 2009 kunn he sik in’n Wahlkreis Rodenborg I-Soltau-Fambossel mit 40,2 Prozent gegen Lars Klingbeil (SPD) dörsetten. In de 17. Wahlperiood weer he Maat von’n Binnenutschuss in’n Bundsdag. Ok bi de Bundsdagswahl 2013 hett he mit 44,8 Prozent von de Stimmen wedder sien Wahlkreis wunnen. In de 18. Wahlperiood is he Viez-Vörsitter von’n Sportutschuss[1].
Grindel is Maat von’n Rodenborger SV. In’n Oktober 2011 weer he Kannedaat för dat Amt as 1. Viezpräsident von’n Neddersassischen Footballverband.[2] In’n Oktober 2013 is he as Schatzmeester in dat Präsidium von’n DFB wählt worrn.[3] He is Viez-Vörsitter von dat Kuratorium von de Robert-Enke-Stiftung.
In April 2016 weer he Präsident von de DFB.
Weblenken
[ännern | Bornkood ännern]
- Grindel sien Websteed (hoochdüütsch)
Footnoten
[ännern | Bornkood ännern]- ↑ Mitglieder Sportausschuss - 18. Bundestag Bundestag online, afropen an’n 20.September 2014
- ↑ Präsidium schlägt Reinhard Grindel als 1. Vize vor
- ↑ Meldung des DFB vom 25. Oktober 2013