Dit Woort hett noch annere Bedüden: kiek dorför ünner Samtgemeen Freenbeek (1965–1972).
Wapen/Flagg | Koort | |
---|---|---|
| ||
Basisdaten | ||
Sitt: | Freenbeek | |
Landkreis: | Stood | |
Flach: | 143,99 km² | |
Inwahners: | 12.774 (31. Dezember 2016) | |
Geograafsche Laag: | 53° 31′ N, 9° 23′ O | |
Grenzen bi OSM: | 445846 | |
Gemeenslötel: | 03 3 59 402 | |
Tall Gemenen: | 3 | |
SG-Börgermeester: | Ralf Handelsmann (ohn'n Partei) | |
Websteed: | www.fredenbeck.de | |
De Samtgemeen Freenbeek is en Rebeetsverband in’n Landkreis Stood twüschen Hamborg un Bremen op de Stoder Geest. Se hett 12.774 Inwahners (Stand 31. Dezember 2016).
De Samtgemeen besteiht ut de dree Gemeenden Deinst, Freenbeek un Kutenhult.
1965 is de lüttjere Samtgemeen Freenbeek grünnt worrn, to de de Gemenen Groot un Lüttjen Freenbeek, Wehl un Helmst höört hebbt un to de later ok noch Swing un Deinst tokamen sünd. Mit de Kommunalreform in Neddersassen hett sik 1972 de hüdige gröttere Samtgemeen Freenbeek billt.
Johr | Inwahners[1] |
---|---|
31. Dezember 1972 | 7.768 |
31. Dezember 1977 | 8.770 |
31. Dezember 1982 | 9.620 |
31. Dezember 1987 | 9.695 |
31. Dezember 1992 | 10.522 |
31. Dezember 1997 | 11.948 |
31. Dezember 2002 | 12.898 |
31. Dezember 2007 | 12.902 |
31. Dezember 2012 | 12.690 |
31. Dezember 2017 | 12.713 |
De Samtgemeenderaat hett 30 Liddmaten.
Johr | CDU | SPD | De Grönen | FWG-ProBürger |
---|---|---|---|---|
2006 | 16 | 12 | 2 | - |
2011[2] | 14 | 10 | 3 | 3 |
Dat Amt von’n Samtgemeenbörgermeester weer bet to dat Enn von de Tweegleisigkeit 2001 ehrenamtlich. Siet 2001 is de Börgermeester in’t Hauptamt för de Verwaltung von de Samtgemeen tostännig.
Dat Amt von’n Samtgemeendirekter is 2001 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.
Dat Wapen hett en Schild, dat vun enen sülvern Bülgenbalken in twee Deele opdeelt is. Boben sünd gulden Windmöhlenflögel op blau'n Grund, ünnen is en gulden Möhlensteen op roden Grund.
De Möhlensteen düüdt op de Watermöhlen in Lüttjen Freenbeek un Deinst hen un de Flögels op de Windmöhl in Mulsen. De sülvern Bülgenbalken steiht as Symbool för de Swing.
In Deinst is dat Düütsche Feld- un Kleenbohnmuseum.
In de Samtgemeen Freenbeek gifft dat en Reeg Sportverene. An'n beropensten is de VfL Freenbeek, de all in de twete Handballbundsliga speelt hett. Fröher hett disse Veren tweemol ok kotte Tied in de eerste Bundsliga speelt, kunn sik dor obers nicht dörsetten un is nu in de Regionalliga afsteegen.
Dörch de Samtgemeen löppt bi Schwing Bundsstraat 74, de Bundsstraat 73 vun Cuxhoben no Hamborg is nich wiet weg.
De Iesenbohn vun Buxthu na Bremerhoben warrt vun de Iesenbohn- un Verkehrsbedrief Elv-Werser GmbH (EVB) bedreeven un hett Bohnhööv in Kutenhult un in Aasp.
De Samtgemeen Freenbeek is Dreger von de Geestlandschool as Oberschool un von de Grundscholen Freenbeek un Kutenhult-Mulsen.
Freenbeek | Harsfeld | Hornborg | Lüh | Noordkeden | Obbens | Olendörp-Himmelpoorten