Seeaanten un Saagsnavels | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wetenschoplich Naam | ||||||||||||
Mergini | ||||||||||||
De Seeaanten un Saagsnavels (Mergini) sünd en Tribus mank de Aantenvagels (Anatidae). De Aarden, de hier tohören doot, seht bannig unnerscheedlich ut un leevt ok bannig unnerscheedlich. De Seeaanten sünd lüttje bit grote Aanten, de dükern doot. De meisten Aarden hoolt sik up de See up, wenn nich just Brödeltied is. De Saagsnavels hefft sik spezialiseert up den Fischfang.
Dat Ütere bi de Saagsnavels un Seeaanten verscheelt sik bannig. De groten Eideraanten seht jummers en beten butt un traag ut, gegen de lüttjeren Schell-, Ies- un Kraagaanten over, de na de Aart vun de Dükeraanten slaht. De Saagsnavels mit ehren lang uttrocken Snavel un ehren slanken, tämlich langen Hals, seht man wat fiener ut.
17 vun de 20 bekannten Aarden vun düsse Tribus leevt up de Noordhalfkogel. Bloß de Düüstere Saagsnavel is up de Süüdhalfkogel tohuse.
To de Seeaanten un Saagsnavels weert düsse 20 Aarden ut negen Geslechter tellt, de dat hüdigendags noch geven deit: