Skipness

Ehmolig Torhuus an de Infohrt na de fröhere Borg

Skipness is en lütt Dörp in Argyll and Bute, Schottland, an de Oostküst vun de Halfinsel Kintyre en poor Kilometer in’n Süüden vun de Stadt Tarbert. Vun Skipness ut kann man de Isle of Arran sehn.

In de Neeg liggt de Borgruin vun Skipness Castle un de Kilbrannen Chapel, en Kapell, de eenige rore Graffplaten bargen deit. Disse beiden maakt den Oort histoorsch intressant. Se stammt ut dat 13. Johrhunnert un warrt vundaag vun de Behöörd Historic Scotland ünnerhollen un pleegt.

Bi de Borg blangen an gifft dat en bekannt Cafe, dat Fischspezialitäten ut de Gegend anbeden deit. Dordör is Skipness en Anlooppunkt för den Tourismus un geern anstüert Teel för Utfohrten. In Port Na Chro, nich wiet weg, kann man an’n Strand liggend Ferienhüüs meden. Butendem gifft dat in de Ümgegend en ökoloogsch Garveree.

Websteden

• Skipness (engl.)