बायन दूरसञ्चार
 | |
व्यवसाय प्रकार | निजी (सहायक कम्पनी) |
|---|---|
| उद्योग | सञ्चार सेवा |
| स्थापित | सन् १९८६ |
| केन्द्रीय कार्यालय | केजान सहर , |
सेवा क्षेत्र |  फिलिपिन्स |
| उत्पादनहरू | निश्चित-लाइन दूरभाष सेवा ताररहित दूरभाष सेवा विस्तृत पट्टि इन्टरनेट |
| मूल सङ्गठन | ग्लोब दूरसञ्चार |
| वेबसाइट | आधिकारिक वेबसाइट |
बायन दूरसञ्चार निगम (बायन टेल), फिलिपिन्समा आधारित एक दूरसञ्चार कम्पनी हो जसले मनिला महानगरीय क्षेत्र, बिकोल र संयुक्त रूपमा भिसाया र मिन्दनाओ स्थानीय विनियम सेवा क्षेत्रहरूमा यसले सेवा सञ्चालन गर्दछ। यसले दुई करोड पचास लाख भन्दा बढी ग्राहकहरूलाई सेवा प्रदान गर्दछ जुन देशको ३३% जनसङ्ख्या हो। बायन दूरसञ्चार ग्लोब दूरसञ्चारको पूर्ण सहायक कम्पनी हो। बायन टेलले डाटा र सञ्चार सेवाहरू प्रदान गर्दछ। कम्पनीको प्रधान कार्यालय फिलिपिन्सको प्रमुख तथा सर्वाधिक जनसङ्ख्या भएको सहर केजान सहरमा अवस्थित छ। कम्पनी फिलिपिन्सको अग्रणी दूरसञ्चार कम्पनी ग्लोब दूरसञ्चारको पूर्ण सहायक कम्पनी हो। कम्पनीले लामो दूरीमा अन्तर्राष्ट्रिय दूरसञ्चार सेवा पनि प्रदान गर्दछ। यो निजी कम्पनीको रूपमा स्थापना भएको थियो।
इतिहास
[सम्पादन गर्नुहोस्]कम्पनीको स्थापना सन् १९८६ मा निजी कम्पनीको रूपमा भएको थियो। बायन टेल बायन दूरसञ्चार नियन्त्रक निगमद्वारा सञ्चालित कम्पनी हो जसलाई पूर्व अन्तर्राष्ट्रिय सञ्चार निगम पनि भनिन्थ्यो। यसको स्थापना १८ अप्रिल १९६१ मा भएको थियो भने यो संयुक्त राज्य अमेरिकामा आधारित थियो।[१]
बायन टेलका अवस्थित राष्ट्रव्यापी सञ्जालहरू उपग्रह, स्थलीय र भूमि / पनडुब्बी आधारित केबल सुविधाहरू मिलेर बनेको छ। सञ्जालले राष्ट्रिय अङ्कीय प्रसारण सञ्जालमा क्षमताहरूको समावेश गर्दछ जून ६ वटा फिलिपिनी दूरसञ्चार वाहकहरूको संयुक्त परियोजना मध्येको एक हो।
फिलिपिन्सको राष्ट्रिय अङ्कीय प्रसारण सञ्जाल एक प्रमुख वैकल्पिक दूरसञ्चार मेरुदण्ड हो जसलाई फिलिपिन्स लामो दूरी दूरभाष कम्पनीले सञ्चालन गर्दछ।
स्वामित्व, संरचना तथा सम्बद्धहरू
[सम्पादन गर्नुहोस्]बायन टेलको ५८.४% को स्वामित्व फिलिपिन्सको बहु उद्योग कम्पनी लोपेक होल्डिङ कम्पनीको नियन्त्रणमा रहेको छ। कम्पनीका अन्य मुख्य शेयरधनी एआइएफ हो। उक्त एआइएफ कम्पनीका प्रमुख लगानीकर्ताहरू संयुक्त राज्य अमेरिकाको रूसेल कम्पनी, विश्व विकास बेङ्कको अन्तर्राष्ट्रिय वित्त निगम र एसियाली विकास बेङ्क हुन्।
बायन दूरसञ्चार नियन्त्रक निगम अन्तर्गतका प्रमुख कम्पनीहरू बिटिआई (९८% स्वामित्व) र मारिफिल होल्डि निगम (१००% स्वामित्व) हुन् जसले एक्स्टेलकम र नागाटेल क्रमशः ४७ र ९१.५% स्वामित्वको नियन्त्रण गर्दछन्।
ग्लोब दूरसञ्चारद्वारा कम्पनीको अधिग्रहण
[सम्पादन गर्नुहोस्]ग्लोब दूरसञ्चार, देशको सबैभन्दा ठूलो दूरसञ्चार कम्पनी हो जसले सफलतापूर्वक एक खरीद सम्झौता मार्फत बायनटेलको अधिग्रहण गरेको थियो। सन् २०१२ मा ग्लोब दूरसञ्चारले बायज दूरसञ्चारको ऋणको लागि ठेक्काको आह्वान गरेको थियो। [२] [३]
सन्दर्भ सामग्रीहरू
[सम्पादन गर्नुहोस्]- ↑ "बायन दूरसञ्चार, निजी कम्पनीको जानकारी - ब्लुमबर्ग", ब्लुमबर्ग डटकम, अन्तिम पहुँच २०१७-११-२७।
- ↑ "Ayala's Globe Completes Take-Over of Lopez's Bayantel"।
- ↑ "Lopez Holdings Corporation investments pushes for growth in the media business"।