गारो पहाड

गारो पहाड भारतको मेघालयमा रहेको गारो-खासी पर्वत शृङ्खलाको एक भाग हो।^[१] यहाँ मुख्यतया गारो जातिको बसोबास रहेको छ।^[२] यो संसारको सबैभन्दा भिजेको ठाउँहरू मध्येको एक हो। यो पर्वत शृङ्खला मेघालय उपोष्णकटिबन्धीय वन पारिस्थितिक क्षेत्रको एक भाग समेत हो।^[३]^[४]

जनसाङ्ख्यिकी

गारो पहाडमा पाँच जिल्ला पर्दछन्। सन् २०११ को भारतको जनगणना अनुसार यस क्षेत्रको कुल जनसङ्ख्या ११,०३,५४२ रहेको छ। प्रायः बादलले ढाकिएको, टुरा शिखरको फेदमा अवस्थित र लगभग ७४,८५८ जनसङ्ख्या भएको तुरा यस क्षेत्रको सबैभन्दा ठूलो सहर हो। यस क्षेत्रभित्र वन्यजन्तु आरक्षहरू जस्तै बलफकरम राष्ट्रिय निकुञ्ज र नोकरेक राष्ट्रिय निकुञ्ज हुनुका साथै यहाँ प्राकृतिक चुनढुङ्गाका गुफाहरू (सिजु गुफा– एसियाको सबैभन्दा लामो गुफा) रहेका छन्। यी स्थानहरू प्राकृतिक वनस्पति र जीवजन्तुहरूको समृद्ध भण्डार र लोपोन्मुख जनावरहरूको शरणस्थान हुन्।^[५]

मुख्य स्थानहरू

गारो पहाड र वरपरका स्थानहरूभित्र रहेका मुख्य पर्यटकीय स्थलहरू निम्नानुसार रहेका छन्:^[६]

नोकरेक शिखर : गारो पहाड क्षेत्रको उच्चतम बिन्दुको रूपमा रहेको नोकरेक शिखर समुद्र सतहबाट १,४१२ मिटर उचाइमा रहेको छ।
तुरा चुचुरो : गारो पहाड क्षेत्रको सबैभन्दा ठूलो सहर तुराको पूर्वी भागमा रहेको यो चुचुरो समुन्द्री सतहबाट ८७२ मिटर उचाइमा रहेको छ।
इमिलचाङ झरना : यो झरना दक्षिण गारो पहाड जिल्लाको असकग्रे गाउँ नजिकै अवस्थित छ।
बालफकरम : दक्षिण गारो पहाड र तुरादेखि १६७ किलोमिटर टाढा रहेको यो राष्ट्रिय निकुञ्ज क्षेत्रभित्र दुर्लभ लेसर पाण्डा, भारतीय बाइसन र सेरोको घर हो।
नापाक ताल : तुराबाट ११२ किलोमिटरको दूरीमा रहेको यो ताल नजिकै बग्ने सिमसाङ नदीमा माछा मार्न र चरा अवलोकनकर्ताहरूका लागि उपयुक्त छ।
सिजु गुफा : सिजुको प्रसिद्ध चुनढुङ्गाका गुफाहरू सिजु गाउँको सिमसाङ नदी नजिकै अवस्थित छन्।

यो पनि हेर्नुहोस्

पश्चिम गारो पहाड जिल्ला
उत्तर गारो पहाड
रेसुबेलपारा
खासी पहाड
पट्काई

सन्दर्भ सामग्रीहरु

↑ "Garo Hills-The Ecological Canvas of Meghalaya"। वेब्याक मेसिन अभिलेखिकरण २०१३-१०-२९ मिति
↑ The anthropology of North-East India, Hyderabad।
↑ Meghalaya: past and present, New Delhi।
↑ Horticulture for sustainable income and environmental protection, New Delhi।
↑ Unruly hills: a political ecology of India's northeast, New York।
↑ "Places of Interest for Tourists | Shillong.com"। वेब्याक मेसिन अभिलेखिकरण २०२२-१०-०३ मिति

बाह्य कडीहरू

[1] "Garo Hills-The Ecological Canvas of Meghalaya"। वेब्याक मेसिन अभिलेखिकरण २०१३-१०-२९ मिति

[2] The anthropology of North-East India, Hyderabad।

[3] Meghalaya: past and present, New Delhi।

[4] Horticulture for sustainable income and environmental protection, New Delhi।

[5] Unruly hills: a political ecology of India's northeast, New York।

[6] "Places of Interest for Tourists | Shillong.com"। वेब्याक मेसिन अभिलेखिकरण २०२२-१०-०३ मिति

[१]

[२]

[३]

[४]

[५]

[६]