Bank Rakyat Indonesia

Bank Rakyat Indonesia ma zui PT Bank Rakyat Indonesia (Persero) ma asese la'adogoi'ö ia BRI ma Bank BRI no sambua bank fondrege sebua ni'okhögö wamatörö Indonesia. Tefasindro BRI me 16 Desember 1895 ba Purwokerto, Jawa Tengah. Samasindro ya'ia Raden Bei Aria Wirjaatmadja.^[1] Moroi ba fefu ngawalö halöŵö si fagölö ba zi ero bank, no abölö i'osambua'ö halöŵönia BRI ba wamalua bisnis khö ndra nifotöi UMKM (Usaha Mikro, Kecil dan Menengah).^[2]

Waö-waö BRI

BRI no sambua bank fondrege atua ba Indonesia. Me ibörögö bank andre Raden Bei Aria Wirjaatmadja ibe'e döinia De Poerwokertosche Hulp en Spaarbank der Inlandsche Hoofden ma Bank Bantuan dan Simpanan Milik Kaum Priyayi Purwokerto. Eluahania bank si bohou andre mangeregesi tödö ba wanolo niha ba wangirö'ö ba ba wamalali kefe.^[3]

Aefa kemerdekaan RI

Aefa merdeka RI tobali BRI okhöta wamatörö RI molo'ö Peraturan Pemerintah No. 1 ndröfi 1946. Me ndröfi 1948 tebatogö halöŵö BRI börö wasuŵöta. Awena me ahori wasuwöta me 1949 nifa'olo'ö faoma Amabu'ula Renville (Perjanjian Renville) ifuli itohugö halöŵönia BRI ba töinia göi tobali Bank Rakyat Indonesia Serikat.^[4]

Me ndröfi 2003 ifamawa 30% wöfö (saham) khönia famatörö nifotöi initial public offering/IPO. Bölinia me luo da'ö Rp 875 ero sambua föfö. Sangai nifotöi emisi-nia me luo da'ö ba PT Bahana Securities (töinia ma'ökhö PT Bahana Sekuritas) faoma USB Securities.^[6]

BRI ma'ökhö

Aefa wama'olo Undang-undang Perbankan No. 7 ndröfi 1992 awö Peraturan Pemerintah RI No. 21 ndröfi 1992 tobali BRI sambua perusahaan nifotöi perseroan terbatas. Meluo da'ö BRI andre 100% ni'okhögö wamatörö, andrö wa si lötolalö'ö ifamawa 30% wöfö khönia famatörö ba zato.^[4] Ma'ökhö no tobali BRI bank sabölö lafili sato ba zi sagörö Indonesia irugi mbanua sagaröu mi sa. Baero wangai bunga gefe, ibe'e göi mamalali kefe si tobali börö wogale niha.

Ono perusahaan

Ono perusahaan BRI ya'ia da'ö:^[7]

BRI Syariah
BRI Agro
BRI Remittance
BRI Life
BRI Finance
Danareksa Investment Management

Umbu

↑ Bank Rakyat Indonesia. (2021). Sejarah BRI Archived 2023-01-31 at the Wayback Machine. Muhalö me 27 Baŵa si dua, moroi ba bri.co.id/
↑ Banktrack.org. (2016). Bank Rakyat Indonesia (BRI): Indonesia. Muhalö me 27 Baŵa si dua, moroi ba banktrack.org/
↑ Pramisti, N., Q. (2016). Sejarah BRI. Muhalö me 27 Baŵa si dua, moroi ba tirto.id/
↑ ^4,0 ^4,1 Kumparan.com. (2021). Bank BRI dan Sejarah Perkembangannya Hingga Kini. Muhalö me 27 Baŵa si dua, moroi ba kumparan.com
↑ Bank Rakyat Indonesia. (2019). Profil Perusahaan. Muhalö me 27 Baŵa si dua, moroi ba iaiglobal.or.id/
↑ Gunawan, A., & Banjarnahor, D. (2019). Perjalanan Panjang BRI Bersama NKRI. Muhalö me 28 Baŵa si dua, moroi ba cnbcindonesia.com/
↑ Bank Rakyat Indonesia. (2018). Tentang BRI. Muhalö me 28 Baŵa si dua, moroi ba bri.co.id/

[1] Bank Rakyat Indonesia. (2021). Sejarah BRI Archived 2023-01-31 at the Wayback Machine. Muhalö me 27 Baŵa si dua, moroi ba bri.co.id/

[2] Banktrack.org. (2016). Bank Rakyat Indonesia (BRI): Indonesia. Muhalö me 27 Baŵa si dua, moroi ba banktrack.org/

[3] Pramisti, N., Q. (2016). Sejarah BRI. Muhalö me 27 Baŵa si dua, moroi ba tirto.id/

[:0-4] 4,0 ^4,1 Kumparan.com. (2021). Bank BRI dan Sejarah Perkembangannya Hingga Kini. Muhalö me 27 Baŵa si dua, moroi ba kumparan.com

[5] Bank Rakyat Indonesia. (2019). Profil Perusahaan. Muhalö me 27 Baŵa si dua, moroi ba iaiglobal.or.id/

[6] Gunawan, A., & Banjarnahor, D. (2019). Perjalanan Panjang BRI Bersama NKRI. Muhalö me 28 Baŵa si dua, moroi ba cnbcindonesia.com/

[7] Bank Rakyat Indonesia. (2018). Tentang BRI. Muhalö me 28 Baŵa si dua, moroi ba bri.co.id/

[1]

[2]

[3]

[4]

[5]

[6]

[7]